Yelemiya 27:18 - IBAYIBOLO 2024

¹⁸ “Nanti abalaghuzi banaloli sona izyu ilya Mwene lili mumwabo, leka bipute kwa Mwene Uwamaka Ghosi ukuti ivibombelo vivyo vikalekiwa mu Nyumba iya Mwene sona na munyumba iya bumwene ubwa mu Yuda nubwa mu Yelusalemu vitakabukaye ku Babiloni.

Yelemiya 27:18 Iomraidhean Croise

Ubwandilo 20:17

U Abulahamu akamwiputila u Abimeleki, pachifukwa icha zizyo zikabombiwa, po u Chala akamupozya. Akamupozya sona umuchi wache poka na bakolo abazya ukuti impapo zyabo zyighuke sona,

1 Abamwene 18:24

Po mumwitizye u chala winyu, nane nkwiza pakumwitizya u Mwene. Uchala yuyo akwiza pakwamula numoto kokuti we Chala.” Po abantu bosi bakamula bakati, “Wanena akiza bulo.”

1 Abamwene 18:26

Po bakasenda inkambaku yiyo bakayisala nukuyibola. Bakamwitizya u Baala ukwandila pandabindabi mupaka pamusanya ukuti abakozezye umoto. Bakatinji, “Wee Baala, twamule.” Loli atakabapo nayumoyumo uwakubamula, kukaba bulo myee. Bakimbagha umwakuzyungulila ichighemo chicho bakazenga.

2 Imbili 32:20

U mwene u Hezekiya nu mulaghuzi u Yesaya, umwana uwa Amozi bakiputa nukumulilila u Chala uwakumwanya ukuti abavwe.

Yelemiya 15:1

Po u Mwene akambuzya akati, “Napapo u Mozesi nu Samuweli bangimilila pamaso papane nukubiputila abantu banaba, pope bulo ngali intakabapelela ichisa abantu banaba. Befyepo pamaso papane! Babuzye babukaye!

Yelemiya 18:20

Nkimba chiza pakutanizya imbibi pa chintu ichiza? Loli abene bankumbiye ichiliba ichibizu ukuti ingwilemo. Kumbuka namumo nkizila kukwako, nukukulambilizya ukuti utozole ubukali bwako.

Yelemiya 42:2

bakamubuzya umulaghuzi bakati, “Twalamba, utulabileko kwa Mwene u Chala witu aswe twe bakusyalako. Ngati mumo ukutwenezya, napapo tukaba binji nkani, loli ilelo twasyala banandi bulo.

Yelemiya 7:16

U Mwene akuti, “Wee Yelemiya, utakabiputilaye abantu banaba, utakabalabilaye pamo utakabilumbuzizyanje kukwane, pakuti ntakwiza pakukuteghelezya.

Ezekiyeli 14:14

Napapo abantu batatu bala, u Nowa, u Daniyeli nu Yobu, bakikalagha mulamula, ngali bakapoka ubumi bwabo bwene nu bugholosu bwabo, u Mwene Uwamaka Ghosi anena.

Ezekiyeli 22:30

“Po nkamulonda umuntu pakasi papabo yuyo angazenga sona ulubumba nukwimilila pamaso papane papo pakamongoka, umwakuti ngali intakachinangannya ichisu, loli intakamwaghapo nayumoyumo.

Malaki 1:9

“Ilelo mwe baputi mumulambilizye u Chala ukuti abapelele ichisa, nanti mukubika ivyakwiyipa vinivi, nkimba angachipokela?

1 Samuweli 12:19

Abantu bosi bakamubuzya u Samuweli bakati, “Twalamba, twiputileko kwa Mwene u Chala wako, aswe twe babombi bako ukuti tutakafwe, pakuti ilelo twazyaghannya ukuti pamwanya pambibi zyitu zyosi, tonjelezizyepo imbibi iyinji iyakuti tubanje nu mwene.”

1 Samuweli 12:23

Ane ntakulonda ukuti imunangile u Mwene pakukana pakubiputila. Loli nkwiza pakubamanyisya chicho chiza sona chigholosu.

1 Samuweli 7:8

Bakamubuzya u Samuweli bakati, “Utakalitaye pakutulilila kwa Mwene u Chala witu, umwakuti atupoke munyobe izya ba Filisiti bala.”