Yelemiya 27:10 - IBAYIBOLO 2024

¹⁰ Pakuti bakulaghula ivyabumyasi umwakuti abalwani binyu babasendele kubutali ni chisu chinyu nukuzimila kulakula.

Yelemiya 27:10 Iomraidhean Croise

Ukufuma 22:18

“Umukolo wesi yuyo akubomba amayele, aghoghiwanje.

Yelemiya 14:14

Po u Mwene akambuzya akati, “Abalaghuzi bakulaghulila mwitabwa lyane bakunena ubumyasi. Intabatumite awe, pamo ukubasala pamo ukunena nabo. Bakubalaghulila muvisetuka ivyabumyasi, pamo pakunena ni mizimu iya bafwe, pamo pakwiputa ku vifwani, sona bakunena ivya munyinong'ono zyabo imbibi.

Yelemiya 23:16

U Mwene Uwamaka Ghosi akuti, “Mutakateghelezyanje ku zizyo abalaghuzi bakubalaghulila, bakubizuzya bulo ninyinong'ono izya buzimbuli. Bakunena nizya visetuka vivyo vili munyinong'ono zyabo, vivyo vitafumite mumulomo wane.

Yelemiya 23:25

“Nivuye zizyo abalaghuzi bakunena, sona bakulaghulila mwitabwa lyane, zizyo zyabumyasi bakukolomoka bakuti, ‘Nalota! Nalota!’

Yelemiya 27:14

Mutakaghivwilaye amazyu agha balaghuzi babo bakubabuzya bakuti, ‘Mutakamubombelaye u mwene uwa chisu icha Babiloni,’ pakuti bakubalaghulila ivyabumyasi.

Yelemiya 27:15

‘Ane ne Mwene ntabatumitepo nalumolumo, bakulaghulila mwitabwa lyane ivyabumyasi. Polelo nkwiza pakubachimbizya sona mukwiza pakuzimila, mwebosi abalaghuzi na babo bakubalaghulila.’ ”

Yelemiya 27:16

Po nkababuzya abaputi na bantu bosi banaba nkati, “Izi zyo zizyo u Mwene akunena, mutakabateghelezyanje abalaghuzi babo bakuti, ‘Ivibombelo ivya mu Nyumba iya Mwene ivya mu Babiloni vikwiza lunulu.’ Vyabumyasi vivyo bakubalaghulila.

Yelemiya 28:11

U Hananiya akanena pamaso pabantu bosi akati, “Umu momumo u Mwene akunenela, ‘Ngati mumo nabombela, momumo nkwiza pakubombela pakulipyolannya ikoli musingo iya Nebukadineza u mwene uwamu Babiloni. Nkwiza pakumwefyamo musingo izya bantu aba inko zyosi bo na maka mabili ghatamalite.’ ” Bo anena zinizi, umulaghuzi u Yelemiya akepapo.

Yelemiya 28:16

Polelo, u Mwene akuti, ‘Indi papipi pakukwefyamo muchisu ichapasi. Ukwiza pakufwa mumwaka ghunughu, pachifukwa ichakuti walumbilila nizya kumusambukila u Mwene.’ ”

Yelemiya 32:31

Abantu aba mukaya akakulu nkani ukwandila pakabalilo kako kakazengiwanga mupaka ilelo bankalalizizye nkani umwakuti nkwiza pakukefyapo pamaso ghane.

Yelemiya 8:19

Ivwa ukulila ukwa bantu bane abakufuma kuchisu icha kubutali, “Nkimba u Mwene atalimo muchisu icha Ziyoni? Fwandi u mwene atalimo mulamula?” U Mwene akwamula akuti, “Nkimba choni chicho bakunkalalizya ni vifwani vyabo? Sona ni vifwani vyabo iviyeni vivyo vite nimbombo nayimoyimo?”

Nkuto 2:14

Ivisetuka ivya balaghuzi binyu vikaba vyabumyasi, sona vitakaba ni mbombo nayimoyimo. Bakazivumbula imbibi zyako umwakuti ivintu vikwendelaye akiza. Amazyu aghabulaghuzi ghakaba ghabumyasi sona ghakabasovyanga bulo abantu.

Daniyeli 4:7

Bo abamayele na balaghuzi na bakunena ni mizimu na basanuzyi aba vilota, biza pamaso papane nkababuzya ichilota chane chila, loli bakapotwa pakunsanuzizya.

Zekaliya 10:2

Ivifwani vikunena ubumyasi, bope abalaghuzi bakwennya ivisetuka ivyabumyasi, bakunena ivilota ivyabumyasi, ukusangalusya kwabo kwabulo. Polelo abantu bakwendakwenda bulo ngati ng'ozi izyakuyivyiwa zizyo zite nu mudimi.

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Ukukumbusya Amalamulo 18:10

Patakabepo nayumoyumo umuntu pakasi papinyu uwakumocha pamoto umwana wache umulumendo pamo umulindu ukuti chibanje chakwiyipa. Patakabepo nayumoyumo umuntu uwakulaghula pamo uwamayele nu wakunena ni mizimu iya bafwe pamo umulozi