Yelemiya 26:21 - IBAYIBOLO 2024

²¹ Bo u mwene Yehoyakimu na basongo bache bosi sona na makambala ghache bivwa amazyu ghache, u mwene akalonda pakumughogha. Bo u Uliya azyivwa, akanyila nkani nukuchimbilila ku Ijiputi.

Yelemiya 26:21 Iomraidhean Croise

1 Abamwene 18:10

Nkulapa pamaso pa Mwene u Chala wako umumi ukuti lutalipo uluko pamo ubumwene bubo u mwene wane atatumiteko abantu pakukulondelezya. Nanti uluko pamo abantu aba bumwene bumo bakunena ukuti utaliko kulakula, akubalapizya abantu balabala ukuti naloli utalimo muchisu chila.

2 Imbili 16:10

U Asa akamukalalila nkani umulaghuzi yula pachifukwa icha mazyu ghanagha, umwakuti akamwighalila mujele. Pakabalilo kalakala u Asa akabayivya nkani abantu bamo.

2 Imbili 24:21

Loli bakabatika nizya kumughogha u Zekaliya, sona bo u mwene alamula, bakamughogha na mabwe muntanda iya Nyumba iya Mwene

Masalimo 119:109

Napapo akinji bulo ubumi bwane buli pachulu, pope bulo ntakwiza pakululuvya ululaghilo lwako.

Ivyili 29:25

Ukubanyila abantu kuli ngati cho chipingo, loli yuyo akumusubila u Mwene akuba pabwiza.

Yelemiya 26:10

Bo amakambala agha Yuda ghivwa nizya vintu vinivi bakafuma munyumba iya bumwene nukubuka ku Nyumba iya Mwene nukwikala pa Mulyango Umupya uwa Nyumba iya Mwene.

Yelemiya 36:26

Mubuzilo bwache, u mwene akamulamula u Yelahameli, umwana uwa mwene, u Selaya umwana uwa Aziliyeli sona nu Shelemiya umwana uwa Abidele ukuti bamuleme u Baluki umusimbi nu Yelemiya umulaghuzi. Loli u Mwene akabavwamika.

Yelemiya 38:4

Po amakambala ghakamubuzya u mwene ghakati, “Umuntu yunuyu aghoghiwanje. Muntu yumo yuyo akubamala amaka abasilikali ababwite babo balekiwe mukaya akakulu nkani aka poka na bantu bosi, pa vintu vivyo akubabuzya. Umuntu yunuyu atakubalondela abantu ubwiza loli ko kubavulazya.”

Matayi 10:23

Nanti bakubavwima mukaya koka, chimbilila mukaya akanji. Naloli nkubabuzya ukuti mute mukamalizye imbombo zyinyu mutwaya tosi utwa mu Izilayeli, bo u Mwana uwa Muntu atizite.

Matayi 10:28

Mutakabanyilaye abantu babo bakughogha umubili, loli batangaghogha umuzimu. Nkaninkani mumunyile u Chala yuyo anganangannya vyosi umubili nu muzimu mu Gehena.

Matayi 10:39

Umuntu wesi yuyo akulonda pakubupoka ubumi bwache, akwiza pakubutagha. Loli umuntu wesi yuyo akubutagha ubumi bwache pachifukwa icha nene, akwiza pakubupoka.

Matayi 14:5

U Helodi akalondagha pakumughogha, loli akanyilagha aba bantu pakuti bakamusubila u Yohani pakuba mulaghuzi.

Maliko 6:19

Po u Helodiya akamubenga u Yohani, sona akalondagha pakumughogha, loli akapotwa pachifukwa icha Helodi.