Yelemiya 26:19 - IBAYIBOLO 2024

¹⁹ “Nkimba u Hezekiya u mwene uwa chisu icha Yuda na bantu bosi bakamughogha u Mika? Nkimba u Hezekiya atakamunyila u Mwene nukulaba uluhobokelo? Nkimba u Mwene atakabahobokela, umwakuti atakabapa ulufundo lulo akati akwiza pakubafunda nalo? Loli aswe twebene tuli papipi pakwisendela intamyo impalapala nkani!”

Yelemiya 26:19 Iomraidhean Croise

2 Samuweli 24:16

Bo uwantumi agholosezya inyobe yache ukuti akanangannye akaya akakulu nkani aka Yelusalemu, u Mwene akaba ni chitima pachifukwa icha chiwaya chila, po akamubuzya uwantumi yuyo akabafundagha abantu akati, “Leka! Nyosya inyobe yako.” Pakabalilo kanako uwantumi uwa Mwene yula akaba pabuzilo ubwakukomelapo inyinulo ubwa Alawuna umu Yebusi.

2 Imbili 32:20

U mwene u Hezekiya nu mulaghuzi u Yesaya, umwana uwa Amozi bakiputa nukumulilila u Chala uwakumwanya ukuti abavwe.

2 Imbili 34:21

“Buka mumbuzikizyeko kwa Mwene sona na mubuzilo ubwa bantu bosi babo bakasyala mu Izilayeli na mu Yuda ukuyana na zizyo zisimbiwe mwibuku lilyo lyaghiwa. Pakuti ubukali ubwa Mwene bubo bukwaka papitu bukulu nkani, pachifukwa ichakuti abanyenya bitu batakivwila zizyo u Mwene akanena sona batakazikonka zizyo zisimbiwe mwibuku ili.”

Ukufuma 32:14

Po u Mwene akatonta umoyo, sona atakabanangannya abantu bache ukuyana namumo akabatikila.

Yesaya 26:21

Ennya, u Mwene akufuma mubuzilo bwache ubwakwikalamo, pakubafunda abantu aba pachisu ichapasi pa pachifukwa icha mbibi zyabo. Po ichisu chikwiza pakuvumbula ibanda lilyo lyakupukilapo papache, ichisu ichapasi chikwiza pakubavumbula abantu babo bakaghoghiwa.

Yesaya 37:1

Bo u mwene u Hezekiya ivwa zinizi, akazepula amenda ghache nukuvwala amasaka pachifukwa icha chitima nukubuka mu Nyumba iya Mwene.

Yesaya 37:4

Lumo zingaba ukuti u Mwene u Chala winyu akwiza pakwivwa amazyu agha songo uwa basilikali yuyo mulongozi wache, u mwene wamu Asiliya, abatuma pakumusamula u Chala umumi, sona akwiza pakumuchemela pachifukwa icha mazyu ghagho u Mwene u Chala winyu ivuye. Polelo mubiputilaye abakusyalako babo bachili bumi.”

Yelemiya 26:15

Loli mumanye ukuti nanti mwangogha, po amwe mwebenecho poka nakaya akakulu nkani, sona napa bantu babo bakwikala mumo mukwiza pakwisendela mwebene inongwa iya kukupula ibanda lilyo lite ninongwa nayimoyimo pakuti nubwanaloli bosi u Mwene antumite kukwinyu ukuti imbasoke.”

Yelemiya 26:3

Lumo bangateghelezya nukunyokako, po umuntu wesi angabuleka ububibi bwache, umwakuti indeke pakubapa ulufundo lulo natinji imbafunde nalo pachifukwa icha bubibi bubo babombite.

Yelemiya 44:7

Po u Mwene, u Chala u Uwamaka Ghosi u Chala uwa Izilayeli akubalalusya akuti, “Nkimba choni chicho mukulonda pakwinangannya mwebene ni vintu vivyo mubombite mwebene. Nkimba mukulonda pakubanangannya aba Yuda abanavuli na bakolo na bana abanandi sona na babonda, umwakuti atalipo nayumoyumo uwakusyalako?

Amosi 7:3

Po u Mwene akabwisya ubukali bwache nukuti, “Zinizi zitakwiza pakubombiwa.”

Habakuku 2:10

Wabatika nizya kubanangannya abantu abinji, nukubakozya isoni abanyumba yako, sona wabutagha ubumi bwako.

Zekaliya 7:2

Abantu aba ku Beteli bakamutuma u Shalezeli sona nu Legemu Meleki ku Nyumba iya Mwene, poka na bantu babo, pakumulambilizya u Mwene ukuti abape ulusayo,

Ukubelengiwa 16:38

Ivyakufukizizya utwakununkila ivya bantu babo bakaghoghiwa pachifukwa icha kunanga kwabo vyaba vizelu. Uvisyane pakuba vikupikizyo ivipapate ivya pachighemo, pakuti vikabikiwa kwa Mwene, sona vyaba vizelu. Po vinivi vikwiza pakuba chimanyilo ichakubasoka aba Izilayeli.”

Matayi 23:35

Pachifukwa icha kughogha abantu abiza bosi, ulufundo lukwiza pakuba papinyu, ukwandila pakughoghiwa ukwa Abeli mupaka pakughoghiwa ukwa Zekaliya umwana uwa Belakayi, yuyo mukamughogha pakasi pa Nyumba iya Chala ni chighemo.

Imbombo 5:39

loli nanti vikufuma kwa Chala, mutangabapota. Mukwiza pakwennya mwebene ukuti mukulwana nu Chala!” Abalongi bakivwila zizyo u Gamaliyeli akanenagha.

Ubuvumbuli 16:6

Bakakupula ibanda ilya bantu abazelu na balaghuzi, po wabapa ibanda ukuti bang'wele, ukuyana namumo chikababaghilila.”