Yelemiya 26:18 - IBAYIBOLO 2024

¹⁸ “U Mika uwa muchisu icha Molesheti akalaghulagha mukabalilo aka Hezekiya, u mwene uwa chisu icha Yuda akati, ‘U Mwene Uwamaka Ghosi ati: U Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.’

Yelemiya 26:18 Iomraidhean Croise

2 Abamwene 19:25

Nkimba utivuyepo? Kale nkavyimika, mumasiku aghakale nkavyinong'onagha, ilelo navikwanilisya ukuti watupela utwaya utukulu nkani, pakuba malinga muvibunga ivya mabwe.

2 Imbili 32:26

Pisinda pache u Hezekiya akiyisya nukuleka pakwituvya, ukuyana namumo bakabombela abantu aba mu Yelusalemu. Po u Mwene atakabakalalila abantu pakabalilo aka Hezekiya.

Nehemiya 4:2

pamaso pa bamwabo sona na basilikali aba mu Samaliya ukuti, “Nkimba aba Yuda abadedebazu aba bakubomba ichoni? Nkimba bakwinong'ona ukuti bangazenga sona ulupaso? Nkimba bakwinong'ona ukuti bangamalizya imbombo iyi mwisiku lyoka nanti babika ivyakwiyipa? Fwandi bakwinong'ona ukuti bangapanga sona amabwe ukufuma kuvibunga ivya mabwe aghakunanganika ghagho ghochiwe numoto?”

Masalimo 79:1

Wee Chala, abantu aba inko izinji binjiye muchisu icha bantu bako, bayinyazya inyumba yako izelu, sona bakapelite akaya akakulu nkani aka Yelusalemu pakuba chisami.

Yelemiya 17:3

Pamaghamba ghane agha muchisu, ni chuma chinyu sona nu bukabi bwinyu, vikwiza pakufyuliwa na balwani binyu, poka nu buzilo bwinyu ubwapamwanya, pachifukwa icha mbibi zyinyu zizyo mubombite muchisu chinyu chosi.

Yelemiya 51:37

U Babiloni akwiza pakuba chibunga icha visami, sona nu buzilo ubwakwikalamo abakambwe, akaya akakoghofya na kakusamuliwa, mumo atalimo nayumoyumo uwakwikalamo.

Yelemiya 9:11

U Mwene akuti, “Nkwiza pakumupela u Yelusalemu pakuba chisami, numwakughonamo abakambwe, sona utwaya utwa Yuda utukulu nkani tukwiza pakumongoliwa, umwakuti nayumoyumo u muntu akwiza pakwikalaghamo.”

Mika 1:1

Pakabalilo kako u Yotamu nu Ahazi, sona nu Hezekiya bakalaghilagha muchisu icha Yuda, u Mwene akamulanjizya u Mika uwaku Molesheti ichisetuka, chicho chikunena nizya kaya aka Samaliya naka Yelusalemu.

Mika 3:12

Polelo pachifukwa icha mwemwe, u Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.

Mika 4:1

Mumasiku aghabumalilo, ighamba ilya Nyumba iya Mwene likwiza pakuba litali nkani pakasi pamaghamba ghosi. Likwiza pakuboneka pamwanya pamaghamba ghosi, sona inko zikwiza pakuchimbilila kulakula.

Zekaliya 8:3

Po u Mwene Uwamaka Ghosi akuti, “Nkwiza pakunyokela mu Ziyoni nukwikala mu Yelusalemu. Po u Yelusalemu akwiza pakwitiziwa ukuti Akaya Akakulu Nkani Akasubiliwa sona kakwiza pakwitiziwa ukuti ighamba ilya Mwene Uwamaka Ghosi, likwiza pakwitiziwa ukuti Ighamba Izelu.”