Yelemiya 25:3 - IBAYIBOLO 2024

³ Ukwamaka 23 napokela amazyu ukufuma kwa Mwene (ukwandila mumwaka uwa 13, uwa Yosiya umwana uwa Amoni u mwene uwa ba Yuda mupaka mwisiku linili) ghagho naghanenagha nukubabuzya kabilikabili, loli mutakivwa.

Yelemiya 25:3 Iomraidhean Croise

Ubwandilo 22:3

Pandabindabi nkani u Abulahamu, akayannya apakwikalapo pampunda yache nukudumulannya inkwi izyakochela ichakwiyipa. Akanyamuka ubulendo bwache ubwakubuka kuko u Chala akamubuzya. Pabulendo bwache akabuka nu mwana wache u Yisaki poka na bambombo bache babili.

1 Abamwene 22:3

U Ahabu akaghalalusya amakambala ghache akati, “Nkimba mutazimenye ukuti ichigaba icha Lamoti Giliyadi chitu? Loli tutakubombapo nachimochimo ukuti tuchifyule sona munyobe izya mwene uwamu Siliya.”

2 Abamwene 17:13

U Mwene akabasoka aba Izilayeli, naba Yuda ukwendela mu balaghuzi, sona na benelezyi bache bosi ukuti, “Muzileke imbombo zyinyu imbibi. Muzikonkaye indaghilo zyane na malamulo ghane, ghagho nkabalamula abanyenya binyu, sona ghagho nkabapa ukwendela mubabombi bane abalaghuzi.”

2 Imbili 24:19

Napapo u Mwene akabatumila abalaghuzi ukuti babanyosezyanje kukwache sona napapo abalaghuzi bala bakabasusya, pope bulo abantu bala batakabivwila.

2 Imbili 34:1

U Yosiya akaba na maka eyiti bo anda pakulaghila sona akalaghila amaka 31 bo ali mu Yelusalemu.

2 Imbili 34:3

Mumwaka uwa eyiti bo akulaghila sona bo achili mwana munandi, akanda pakumwiputa u Chala uwa munyenya wache u Devedi. Mumwaka uwa 12 akanda pakwefya apakwiputilapo ivifwani mu Yuda na mu Yelusalemu ni vifwani ivya Ashela ni vifwani ivyakubiza sona ni vifwani ivya chela.

2 Imbili 34:8

Mumwaka uwa 18 bo u Yosiya akulaghila, akamutuma u Shafani umwana uwa Azaliya nu Maseya umulongozi uwa kaya akakulu nkani poka nu Yowa umwana uwa Yowahazi umusimbi, pakuyannya sona Inyumba iya Mwene u Chala wache umwakuti achiswefye ichisu sona ni Nyumba iya Chala.

2 Imbili 36:15

U Mwene, u Chala uwa banyenya babo, akabatumila amazyu ukwendela muntumi zyache, pachifukwa ichakuti akabapelela ichisa abantu bache sona ni Nyumba yache.

Masalimo 81:13

“Nanti abantu bane bakanyivwilagha, ngali aba Izilayeli bakabomba vivyo nkavilonda.

Ukufuma 8:20

Po u Mwene akamulamula u Mozesi akati, “Pandabindabi kakomane nu Falabo, bo akubuka kulusoko. Mulamule ukuti u Mwene ati, ‘Ubitikizye abantu bane ukuti babukaye, umwakuti banganyiputa.

Yesaya 55:2

Nkimba choni chicho mukutagha indalama, pavivyo te vyakulya, sona nukubombela pachicho chitakwikutizya? Nteghelezya akiza, sona mulyanje chicho chiza, mwilaghaye pakulya ivyakulya ivyizya.

Yelemiya 1:2

U Mwene akamubuzya u Yelemiya mumwaka uwa 13, bo u Yosiya u mwana uwa Amoni akulaghila mu Yuda,

Yelemiya 11:7

Pakuti nkabasoka abanyenya binyu kabilikabili nu moyo wane ghosi pakabalilo kako nkabefya muchisu icha Ijiputi mupaka ilelo nu moyo wane ghosi nukunena ukuti, ‘Munyivwilaye.’

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 22:21

Nkakusoka bo ufwasite, loli ukati, ‘Intakwivwa napo panandi!’ Momumo wabeleye bo uchili we mulumendo, utakaghivwila amalamulo ghane.

Yelemiya 25:4

Loli napapo u Mwene akabatumila ababombi bache abalaghuzi kabilikabili, pope bulo mutakivwa pamo ukuteghelezya.

Yelemiya 26:5

sona nanti mutakughivwila amazyu agha babombi bane abalaghuzi babo nkabatumila akabalilo na kabalilo, loli mutakivwila,

Yelemiya 29:19

Pachifukwa ichakuti batakaghivwila amazyu ghagho nkababuzya akabalilo na kabalilo, amazyu ghagho nkatuma na babombi bane abalaghuzi, loli amwe mwe bazya mukaghakana.

Yelemiya 32:33

Bampa inkonto mubuzilo ubwakumpa ivyeni vyabo, napapo nkatamiwa nkani pakubamanyisya loli pope bakakana amafundwe.

Yelemiya 35:14

U Yonadabu umwana uwa Lekabu akabalamula abana bache ukuti batakang'welaye u vinyo sona bakasungilila ilamulo ili. Mupaka nilelo batakung'wela u vinyo, pachifukwa ichakuti bakakonka ilamulo ilya munyenya wabo. Loli kabilikabili nanenagha namwe, loli pope bulo mutakanyivwila.

Yelemiya 35:15

Kabilikabili nkabatumilagha ababombi bane abalaghuzi ukuti bize bababuzye ukuti, “Umuntu wesi mumwinyu azileke imbombo zyache imbibi. Yannya inkalo zyinyu, sona mutakabakonkaye abachala abanji nukubabombela. Po mukwiza pakwikala muchisu chicho imbapiye amwe na baghuso.” Loli pope bulo mutakanteghelezya sona mutakanyivwila.

Yelemiya 36:1

Mumwaka uwafolo uwa Yehoyakimu umwana uwa Yosiya u mwene uwamu Yuda, u Mwene akamubuzya u Yelemiya akati,

Yelemiya 36:2

“Senda ibuku nukusimbamo amazyu ghosi ghagho nakubuzya nizya Izilayeli nu Yuda sona ninko zyosi izinji ukwandila pakabalilo kako nkandila pakunena nawe mubulaghili ubwa Yosiya mupaka ilelo.

Yelemiya 44:4

Kabilikabili nkabatumila ababombi bane abalaghuzi, babo bakababuzya ukuti, ‘Mutakabombaye ichintu ichamwiko chicho inchibengite.’

Yelemiya 7:13

U Mwene akuti bo mukubomba ivintu vyosi vinivi, sona bo nkunena namwe kabilikabili, mutakateghelezya, bo nkubitizya mutakanyamula.

Yelemiya 7:25

Ukwandila mwisiku lilyo abanyenya bakepaghamo mu Ijiputi mupaka nilelo, isiku ni siku, kabilikabili, nkabatumila ababombi bane na balaghuzi bane.

Ezekiyeli 33:4

po nanti yumo akwivwa ukulila ukwa ipati loli atakwivwila isoki akwiza pakufwila kubwite, inongwa iyamfwa yache yikwiza pakuba papache.

Zekaliya 1:4

Mutakabanje ngati bo banyenya binyu, babo kale abalaghuzi bakababuzyanga amazyu ghane. Bakababuzyanga ukuti, ‘Baleke ububibi bwabo sona ni mbibi zyabo loli batakanteghelezya pamo ukunyivwila.’ U Mwene Uwamaka Ghosi anena.

Maliko 1:35

Pandabindabi nkani, u Yesu akanyamuka nukwepapo panyumba pala. Akabuka kuzi kukaya kala, kubuzilo kuko kutakabako abantu nukwiputa.

Yohani 8:2

Pandabindabi nkani akinjila sona mu Nyumba iya Chala. Abantu bosi bakamubunganila, akikala pasi nukwanda pakubamanyisya.

Yohani 8:47

Abana aba Chala bakwivwa zizyo u Chala akunena. Loli amwe mute mwe bana aba Chala, po cho chifukwa mutakwivwisya.”

2 Timoti 4:2

ulumbililaye amazyu agha Chala. Wiyannye pakughalumbilila pakabalilo kako abantu bakughalonda, sona na pakabalilo kako abantu batakughalonda. Ubasoke nukubachemela, sona nukubakazya, bo ukubamanyisya nu bololo.