Yelemiya 24:6 - IBAYIBOLO 2024

⁶ Nkwiza pakubasungilila nukubabombela inyiza, sona nkwiza pakubanyosezya kuchisu chabo. Nkwiza pakubazenga sona ntakwiza pakubamongolannya. Nkwiza pakubabyala sona ntakwiza pakubanyunkulannya.

Yelemiya 24:6 Iomraidhean Croise

Ubwandilo 44:21

“Po ukatubuzya twe bambombo bako ukati, ‘Zagha nawe kukwane, ukuti ningamwennya.’

2 Imbili 16:9

Pakuti amaso agha Mwene ghakwennya posi na posi pachisu ichapasi umwakuti abakazyanje abantu babo bakumwivwila na moyo ghabo ghosi. Awe wabomba ichintu ichabupunganu nkani, po ukwanda ilelo ukwiza pakulwa ubwite.”

Nehemiya 5:19

Wee Chala wane, unsaye pachifukwa icha vintu vyosi vivyo nababombela abantu banaba.

Masalimo 34:15

Amaso agha Mwene ghakubennyanga abantu abagholosu, sona amakutu ghache ghakuteghelezya ukulila kwabo.

Masalimo 44:2

Ukabachimbizya abantu aba inko izinji, nukubikazya abanyenya bitu mulamula. Ukabayivya abantu aba uluko ulunji, nukubitikizya abanyenya bitu ukuti ivintu vibendelaye akiza.

Yesaya 14:1

U Mwene akwiza pakuba ni chililizi na bamunyumba iya Izilayeli, akwiza pakumusala sona nukumwikazya muchisu ichabo ni chabo. Abayeni bakwiza pakuba poka nabo munyumba yache.

Yesaya 60:21

Po abantu bako bosi bakwiza pakuba bagholosu, sona ichisu chikwiza pakuba chako bwila na bwila. Sona bakwiza pakuba kakwi kane akabisi, kako nabyala ni mbombo izya nyobe zyane, umwakuti nchindikiwanje.

Yelemiya 1:10

Ilelo nkukusala ukuti ubanje nu bulaghili panko izya bantu nu bumwene, pakunyunkula nukumongola, pakunangannya nukutagha sona nukuzenga nukubyala.”

Yelemiya 12:15

Loli bo nabanyunkulamo, nkwiza pakubapelela sona ichisa abapalamani bala, sona nkwiza pakulunyosezya uluko losi kuchilingo chache na kuchisu ichache ni chache.

Yelemiya 16:15

loli bakwiza pakunena ukuti, ‘Nkulapila mwa Mwene umumi, yuyo akabefya abantu bache muchisu icha kumitu na muvyisu vyosi vivyo akabachimbizizyako.’ Pakuti nkwiza pakubanyosezyamo muchisu chicho nkabapa abanyenya babo.”

Yelemiya 21:10

Nadumula ukuti ntakwiza pakukabombela akaya akakulu nkani aka ichintu ichiza loli ichintu ichibibi. Kakwiza pakubikiwa kwa mwene uwamu Babiloni, sona kakwiza pakochiwa numoto.’ ”

Yelemiya 23:3

Ane nemwenecho nkwiza pakubabungannya abantu bane abakusyalako, nkwiza pakubefyamo muvyisu mumo nkabachimbizizyamo nukubanyosezya muvyisu vyabo, mumo bakwiza pakunyama nkani sona bakwiza pakuba binji nkani.

Yelemiya 29:10

U Mwene akuti, “Bo ichisu icha Babiloni chalaghila amaka 70 nkwiza pakubendela nukukwanilisya ilayizyo lyane nukubanyosezya ku buzilo bunubu.

Yelemiya 31:28

Ngati mumo nkabenelezyanga pakubanyunkulannya nukubazepulannya nukubapota nukubanangannya nukubawisizya intamyo, momumo nkwiza pakubenelezya pakuzenga nukubyala.

Yelemiya 31:4

Nkwiza pakukuzenga sona, wee Izilayeli, umughaniwa wane, ukwiza pakuzengiwa sona. Po mukwiza pakusenda ivisekeseke, nukubuka pakujina umwabuhobosu.

Yelemiya 32:37

Nkwiza pakubabungannya ukufumila mutwaya tosi tuto nkabachimbizizyamo bo nkalaye nkani. Nkwiza pakubanyosezya ku buzilo bunubu sona nkwiza pakubapela pakwikalagha kunuku umwakufwasa.

Yelemiya 32:41

Nkwiza pakuhoboka nkani pakubabombela inyiza sona nkwiza pakubabyala muchisu chinichi nu moyo wane ghosi sona nu muzimu wane ghosi.

Yelemiya 33:7

Nkwiza pakubanyosezya sona ubwiza bwabo abantu aba ku Yuda naba ku Izilayeli sona nkwiza pakutuzenga utwaya tunutu ukuti tubanje ngati mumo tukabela kale.

Yelemiya 33:9

Akaya akakulu kanaka kakwiza pakuba kaya akakufumusya imbili yane inyiza, niya lusekelo sona niya kunchindika sona niya muchizi pamaso pabantu bosi aba inko zyosi pachisu ichapasi bo bakwivwa inyiza zyosi zizyo nakabombela akaya kanaka. Bakwiza pakuba nubogha bo bakwennya ukuti nabapa ubukabi nu mutende uwakufikapo.

Yelemiya 39:12

“Buka pakumulonda u Yelemiya sona umusunge akiza, utakamubombele nachimochimo ichakumuvulazya loli umubombele chosi chicho akulonda.”

Yelemiya 42:10

Nanti mukwikala muchisu chinichi, ntakwiza pakubanyampannya awe, loli nkwiza pakubazenga, ntakwiza pakubanyunkulannya awe, loli nkwiza pakubabyala, pakuti nanyokako kuchintu ichibibi chicho nkababombela.

Ezekiyeli 36:24

“ ‘Po nkwiza pakubafumyamo mu inko; nkwiza pakubabungannya ukufuma muvyisu vyosi nukwiza namwe muchisu chinyu.

Amosi 9:14

Nkwiza pakubanyosya sona abantu bane kuchisu chabo. “Bakwiza pakutuzenga sona utwaya twabo utukulu nkani utwakunanganika nukwikala mulamula. Bakwiza pakubyala amampesya nukung'wela uvinyo wabo, bakwiza pakulima amaghunda, nukulya ivikomwa vyabo.

Ukukumbusya Amalamulo 11:12

U Mwene u Chala winyu weyuyo akuchilindilila ichisu chinichi nukuchisungilila umwaka ghosi.

1 Pitala 3:12

Pakuti amaso agha Mwene ghakwenelezya abantu abagholosu, sona amakutu ghache ghakuteghelezya inyiputo zyabo. Loli icheni icha Mwene chitakubalamila abantu ababibi.”