Yelemiya 24:10 - IBAYIBOLO 2024

¹⁰ Nkwiza pakubatumila ubwite, nizala sona ni chiwaya mupaka bosi bananganike muchisu chicho nkabapa abene poka na banyenya babo.’ ”

Yelemiya 24:10 Iomraidhean Croise

1 Abamwene 14:15

U Mwene akwiza pakubafunda aba Izilayeli, umwakuti bakwiza pakuneng'ena ngati lutete mumizi. Akwiza pakubanyunkulamo muchisu ichiza chicho akabapa abanyenya babo, nukubanyampanizizya mupaka kulusoko ulwa Yufuleti, pachifukwa ichakuti bakamukalalizya u Mwene pakwipangila ivifwani ivya Ashela.

Yesaya 51:19

Amayimba mabili ghanagha ghakuwila, Nkimba wewenu angakusangalusya? Ukunanganika, nizala sona ni bwite, nkimba wewenu angakusangalusya?

Yelemiya 14:12

Napapo bangatuzya pakulya, ntakwiza pakwivwa ukulila kwabo, napapo bangabika ivyakwiyipa ivyakocha sona ni vyakwiyipa ivya busu pope bulo ntakwiza pakubapokela. Mubuzilo bwache, nkwiza pakubanangannya nupanga, nizala sona ni chiwaya.”

Yelemiya 15:2

Sona nanti bakukulalusya bakuti, ‘Nkimba tubukaye kwiyi?’ ubabuzye uti: U Mwene akuti, ‘Babo ubufwe bubabaghiye, bafwanje, babo upanga ababaghiye, bafwanje nupanga, babo izala yibabaghiye, bafwanje nizala, babo ubuzya bubabaghiye, babukaye kubuzya.’ ”

Yelemiya 16:4

“Bakwiza pakufwa nu bubine ubupalapala nkani. Batakwiza pakubalila pamo pakubasyila loli bakwiza pakuba ngati vinyazu vivyo vili pachisu. Bakwiza pakufwa nu bwite sona nizala. Imivimba yabo yikwiza pakuba chakulya icha viyuni ni vinyamana.”

Yelemiya 19:7

“ ‘Pabuzilo bunubu nkwiza pakuvulungannya imbatiko zyosi izya bantu aba muchisu icha Yuda nicha Yelusalemu. Abalwani babo bakwiza pakubapota nukubaghoghela kubwite. Nkwiza pakuvipa iviyuni ni vinyamana imivimba yabo ukuti cho chibanje chakulya chabo.

Yelemiya 21:9

Umuntu wesi yuyo akwikala mukaya akakulu nkani aka, akwiza pakughoghiwa nupanga, nizala pamo ni chiwaya. Loli bosi babo bakwibika munyobe izya ba Babiloni babo bakubavwima, bakwiza pakuba nubumi.

Yelemiya 27:8

“ ‘Loli nanti uluko lumo, pamo ubumwene ubunji bosi butakwiza pakumubombela u Nebukadineza u mwene uwa chisu icha Babiloni, nukuleka pakumulambila u mwene yula, nkwiza pakulufunda uluko lula nupanga, nizala sona ni chiwaya mupaka inganangannye amaka agha luko lula. Ane ne Mwene nanena.

Yelemiya 29:17

U Mwene Uwamaka Ghosi akuti, “Nkwiza pakubatumila ubwite, nizala sona ni chiwaya, nkwiza pakubapela ngati vikomwa ivya makuyu vivyo vibolite sona umuntu atangalya napo panandi.

Yelemiya 29:18

Nkwiza pakubakonka nu bwite nizala sona ni chiwaya, nkwiza pakubapela pakuba chintu ichinyazu ku bantu bosi aba bumwene ubwa pachisu ichapasi. Bakwiza pakuba bantu baghuniwa na bantu abakoghofya, abakusekiwa naba kusamuliwa pakasi pabantu aba inko izya bantu kuko nkwiza pakubachimbizizyako.

Yelemiya 32:24

“Ennya namumo abalwani bazengeye amakwelelo umwakuti bakafyule akaya akakulu nkani aka Yelusalemu. Pachifukwa icha bwite, nizala ni chiwaya akaya kanaka kakwiza pakubikiwa munyobe izya bantu aba mu Babiloni. Zizyo mukanena zyabombiwa ngati mumo mukwenezya.

Yelemiya 32:25

Napapo akaya akakulu nkani kangabikiwa ku bantu aba ku Babiloni pope bulo, wee Mwene Uwamaka Ghosi, wambuzya wati, ‘Ghula umughunda ni ndalama pamaso pa bakaboni babili.’ ”

Yelemiya 34:17

Polelo, u Mwene akuti, “Mukanite pakunyivwila, mutafumusizye ubwabuke ubwakuti mukwiza pakubasatula abakamu binyu na bapalamani binyu. Po ilelo ane nkubafumusizya ubwabuke: Ubwabuke ubwakufwila kubwite, ichiwaya nizala. Nkwiza pakubapela pakuba bantu abakoghofya ku inko izya pachisu ichapasi.

Yelemiya 42:17

Momumo bosi babo badumuye pakubuka pakwikala ku Ijiputi bakwiza pakughoghiwa nupanga, nizala sona ni chiwaya, atalipo nayumoyumo yuyo akwiza pakuba nubumi pamo pakupona ichiwaya chicho nkwiza pakubawisizya.’

Yelemiya 42:22

Po ilelo muzimanye ukuti, mukwiza pakufwa nu bwite, nizala sona nichiwaya ku buzilo bubo mukulonda pakwikalako.”

Yelemiya 5:12

Abantu bamutamantila u Mwene bati, “Atangatubombela nachimochimo, ubupalapala butakwiza pakutuwila, po tutakwiza pakwennyapo ubwite pamo izala.

Yelemiya 9:15

Polelo, u Mwene Uwamaka Ghosi, u Chala uwa Izilayeli akuti, “Ennya, nkwiza pakubalyesya abantu banaba ichakulya ichibabe sona nukubang'wesya amizi agha bwanga.

Yelemiya 9:16

Nkwiza pakubanyampanizizya pakasi pa inko zizyo abene pamo abanyenya binyu batazimenye nalumo, nukubatumila abasilikali pakubamala bosi.”

Ezekiyeli 33:27

“Ubabuzye ukuti, ‘U Mwene Uwamaka Ghosi ati: Naloliloli nkulapa nkuti, abantu babo bakwikala muvisami bakwiza pakufwila kubwite sona bope babo bali mumaghunda nkwiza pakuvipa ivinyamana ivya munkolongo ukuti vibalye, bene babo bali mumalinga na mumpako bo bakwiza pakufwa ni chiwaya.

Ezekiyeli 6:11

“ ‘U Mwene Uwamaka Ghosi akuti: Koma inkufi sona kanya nkani pasi ulwayo lwako nukukolomoka ukuti, “Chighune nkani!” Pachifukwa icha bubibi sona ni vintu ivyamwiko vivyo aba Izilayeli babomba, pakuti bakwiza pakughoghiwa kubwite, nizala sona ni chiwaya.

Ezekiyeli 7:15

“Kuzi kuli ubwite, mukasi muli ichiwaya nizala. Abantu babo bali muchisu, bakwiza pakufwila kubwite, sona abantu babo bali mukaya akakulu nkani, bakwiza pakufwa nizala sona ni chiwaya.

Ukukumbusya Amalamulo 28:21

U Mwene akwiza pakubawisizya iviwaya mupaka abanangannye mwebosi muchisu chicho mukwinjila pakwikalamo.

Ubuvumbuli 6:8

Nkenelezya nukuyennya ifalasi imbufu. Uwakukwelapo akaba we bufwe, sona ichisu icha bantu abafwe chikamukonkagha mwisinda. Bakapeghiwa ubulaghili pachigaba choka icha vigaba folo ivya chisu ichapasi ukuti baghoghe nupanga, nizala, ni chiwaya, sona ni vinyamana ivikali ivya muchisu ichapasi.