Yelemiya 24:1 - IBAYIBOLO 2024

¹ Bo u Yehoyakini umwana uwa Yehoyakimu u mwene uwa Yuda na makambala na bafundi, na babizi aba mu Yuda basendiwa pakubuka kubuzya ukufuma mu Yelusalemu nu mwene u Nebukadineza uwamu Babiloni, u Mwene akandanjizya ividudunga vibili ivya vikomwa ivya makuyu vivyo vikabikiwa kuntazi ukwa Nyumba iya Mwene.

Yelemiya 24:1 Iomraidhean Croise

2 Abamwene 24:10

Pakabalilo kalakala abasongo aba basilikali abamwene u Nebukadineza uwamu Babiloni bakiza nukuzenga ivisakasa ivya bwite umwakukazyungulila akaya akakulu nkani aka Yelusalemu.

2 Imbili 36:10

Bo amakwi ghakulemba, u mwene u Nebukadineza akabatuma abantu pakumulema nukwiza nawe ku Babiloni poka ni vibombelo ivyamutengo ivya mu Nyumba iya Mwene, po bakamwimika uwise umunandi uwa Yehoyakini, u Zedekiya pakuba we mwene uwamu Yuda na mu Yelusalemu.

Yesaya 13:1

Amazyu aghabulaghuzi ghagho ghakunena nizya Babiloni ghagho u Yesaya umwana uwa Amozi akapokela:

Yelemiya 13:19

Utwaya utukulu utwa kuntende tukwiza pakwighaliliwa, sona atakwiza pakubapo nayumoyumo uwakutwighula. Abantu bosi aba mu Yuda basendiwa pakuba bazya, wesi asendiwa pakuba muzya.

Yelemiya 27:20

vivyo u Nebukadineza u mwene uwamu Babiloni atakavisenda bo akumusendela kubuzya u Yehoyakini umwana uwa Yehoyakimu u mwene uwamu Yuda ukufumila nabo ku Yelusalemu mupaka ku Babiloni poka na balongozi aba mu Yuda naba mu Yelusalemu.

Yelemiya 28:4

Ane nene nkwiza pakumunyosezya sona u Yehoyakini, umwana uwa Yehoyakimu u mwene uwamu Yuda sona na bazya bosi aba mu Yuda babo bakabuka nabo ku Babiloni pakuti nkwiza pakulipyolannya ikoli ilya mwene uwamu Babiloni.’ ”

Yelemiya 29:1

Agha gho mazyu agha mu kalata yuyo umulaghuzi u Yelemiya akatuma ukufumila ku Yelusalemu uwa kubuka ku basongo babo bakapona pakasi pabazya na baputi na balaghuzi na bantu abanji bosi babo u Nebukadineza akabuka nabo kubuzya ukufumila ku Yelusalemu pakubuka ku Babiloni.

Yelemiya 29:2

Zinizi zikabombiwa bo u Yehoyakini nu nyina na makambala agha mwene na balongozi aba mu Yuda na mu Yelusalemu, abafundi naba syani basendiwa mu Yelusalemu pakubuka nabo kubuzya.

Yelemiya 37:1

U Zedekiya umwana uwa Yosiya akabikiwa pabumwene ubwa chisu icha Yuda nu Nebukadineza u mwene uwa chisu icha Babiloni. Akinjila mubuzilo ubwa Yehoyakini umwana uwa Yehoyakimu.

Ezekiyeli 17:4

likasendapo akasamba akapamwanya nkani nukubuka nako mukaya akakulu nkani aka baghulizi, mumo likakabyala akasamba kala.

Ezekiyeli 19:9

Bakayiwesa ni ndobani, nukuyisunga muchibagha, po bakabuka nayo kwa mwene uwa ku Babiloni. Bakayibika mujele, po ukubuluma kwache kutakwiza pakwivwika sona, pamaghamba agha Izilayeli.

Amosi 3:7

Naloliloli u Mwene Uwamaka Ghosi atakubombapo nachimochimo, nanti atabavumbuliye ababombi bache abalaghuzi imbatiko zyache.

Amosi 7:1

Izi zyo zizyo u Mwene Uwamaka Ghosi akandanjizya: Akayannyanga umakanta umwinji nkani, bo u mwene inula bulo imbeyu zyache, sona bo imbeyu zizyo bakakaba pakubyala zyamela bulo.

Amosi 7:4

Izi zyo zizyo u Mwene Uwamaka Ghosi akandanjizya: Akitizya indimi izya moto ukuti abafunde abantu, po zikalungulizya inyanja inkulu nkani nukunangannya amaghunda ghosi pachisu ichapasi.

Amosi 7:7

Zizyo akandanjizya zikaba zyo izi: U Mwene akimilila papipi nulubumba bo alemite ulukusa ulwakupimila.

Zekaliya 1:20

Po u Mwene akandanjizya abasyani folo.

Zekaliya 3:1

Po u Mwene akandanjizya u Yoshwa umuputi usongo, yuyo akimilila pamaso pa wantumi uwa Mwene nu Satana, akimililagha kunyobe indilo iya Yoshwa ukuti amususye.