Yelemiya 23:7 - IBAYIBOLO 2024

⁷ U Mwene akuti, “Kakwiza akabalilo kako abantu batakwiza pakunena sona ukuti, ‘Tukulapila mwa Mwene umumi, yuyo akabafumya aba Izilayeli mu Ijiputi,’

Yelemiya 23:7 Iomraidhean Croise

Yesaya 11:11

Pisiku lila u Mwene akwiza pakulanjizya amaka ghache akabubili, pakubabwezya abantu bache abakusyalako ukufuma kuvyisu ivi, Asiliya na kuchigaba icha kuntede ku Ijiputi na kuchigaba ichakumitu icha Ijiputi nu Etiyopiya nu Elamu nu Babiloni nu Hamati na musungo zyosi izya Nyanja iya Medeteleniya.

Yesaya 43:5

Utakanyilaye, pakuti indi nawe poka, nkwiza pakukwizila nabana bako, ukufumila kubufumilo bwizuba, nukubabungannya amwe kubwinjililo bwizuba.

Yelemiya 23:3

Ane nemwenecho nkwiza pakubabungannya abantu bane abakusyalako, nkwiza pakubefyamo muvyisu mumo nkabachimbizizyamo nukubanyosezya muvyisu vyabo, mumo bakwiza pakunyama nkani sona bakwiza pakuba binji nkani.

Yelemiya 30:3

Akabalilo kakwiza kako nkwiza pakubanyosezya abantu bane aba Izilayeli naba mu Yuda, nukubanyosezya kuchisu chicho nkabapa abanyenya babo ukuti bikalayemo.’ ”

Yoweli 3:5

Pachifukwa ichakuti mukasenda usiliva nu golide wane sona mukanyamula ubukabi bosi nukubwinjizya munyumba zyinyu izya kwiputilamo.

Mika 7:15

U Mwene akamula akati, “Ngati mo mumasiku ghagho mukepaghamo muchisu icha Ijiputi, nkwiza pakubalanjizya iviswigho vyane.”