Yelemiya 23:6 - IBAYIBOLO 2024

⁶ Mukabalilo kache ichisu icha Yuda chikwiza pakupokiwa sona ichisu icha Izilayeli chikwiza pakwikalagha umwakufwasa. Akwiza pakwitiziwa ni tabwa ilyakuti, ‘U Mwene we Bugholosu bwitu.’ ”

Yelemiya 23:6 Iomraidhean Croise

1 Abamwene 4:25

Pakabalilo kosi aka Solomoni, abantu bosi aba muchisu icha Yuda nicha Izilayeli bakaba mubwabuke, ukwandila ku Dani mupaka ku Belisheba. Umuntu wesi akikalagha umwakufwasa mu mampesya aghache na ghache, sona na makwi agha ikuyu.

Masalimo 45:5

Tulasilo twabo tuto tukwete tulase amoyo agha balwani abamwene, sona inko izinji zyosi ziwanje pasi pavinama vyako.

Ukufuma 9:26

Loli ichigaba chene chicho ivula iya mabwe yila yitakatimako chikaba chigaba icha Gosheni, kuko aba Izilayeli bakikalagha.

Yesaya 2:4

Akwiza pakulonga pakasi pa inko inyinji, pakasi pa bantu abinji,. Abantu bakwiza pakusyana abapanga babo pakuba majembe, sona impalala zyabo pakuba sengo. Inko zitakwiza pakulwa ubwite ninko izinji, pamo pakumanyila sona akalwile aka bwite.

Yesaya 32:1

Ennya, u mwene akwiza pakulaghila mubugholosu, sona amakambala ghache ghakwiza pakulongela mubwanaloli.

Yesaya 32:18

Abantu bane bakwiza pakwikala mubuzilo ubwa mutende, sona namunyumba izyakufwasa, munyumba izya myee na mubuzilo ubwakufwasa.

Yesaya 33:22

Pakuti u Mwene we mulongi witu, u Mwene we akutupa indaghilo, u Mwene we mwene witu, weyuyo akwiza pakutupoka.

Yesaya 33:5

U Mwene akweziwanje, pakuti akwikala kumwanya, akwiza pakwizuzya akaya aka Ziyoni, nu bwanaloli sona nu bugholosu.

Yesaya 35:9

Mutakwiza pakubamo inkalamu, pamo ichinyamana ichikali chitakwiza pakwendamo, vitakwiza pakwaghiwamo mulamula, loli bene babo bapokiwe, bo babo bakwiza pakwendaghamo.

Yesaya 42:6

Ane, ne Mwene, nakwitizya mubugholosu, nkwiza pakukulema panyobe. Nkwiza pakukusungilila, pakuba lufingo ku bantu, sona pakuba lukozyo ku inko izinji,

Yesaya 45:17

Loli aba Izilayeli bakwiza pakupokiwa nu Mwene nu bupoki ubwa bwila na bwila, mutakwiza pakukoziwa isoni nalumolumo, pamo ukusamuliwa, ukwa bwila na bwila.

Yesaya 54:17

Chitakwiza pakubapo ichilwilo ichakubavulazya, ukwiza pakubapota bosi babo bakususannya nawe. Chinichi mpyana iya babombi aba Mwene, sona nkwiza pakubapa ubupoti.” Momumo u Mwene akunenela.

Yesaya 7:14

Polelo u Mwene umwenecho akwiza pakukupa ichimanyilo, umulindu yuyo atamumenye umwanavuli akwiza pakupapa umwana umulumendo, nukumwita ukuti Imaniweli.

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Yelemiya 29:11

Pakuti inzimenye zizyo imbayanizizye, te bubibi awe, loli pakubapa ulusubilo ni ntazi inyiza.

Yelemiya 30:10

“Wee Yakobo umubombi wane, utakanyilaye, wee Izilayeli, utakabanje nubogha. Naloliloli nkwiza pakukupoka ku vyisu ivyakubutali, na banyenya bako ukufuma kuchisu icha buzya. Abaluko ulwa Yakobo bakwiza pakunyokela muchisu chabo, sona bakwiza pakwikala akiza nkani mumutende nu mwakufwasa, sona atakwiza pakubapo nayumoyumo uwakuboghofya.

Yelemiya 31:23

U Mwene Uwamaka Ghosi, u Chala uwa Izilayeli akuti, “Bo nkubanyosezya sona abantu ubwabuke, abantu aba mu Yuda naba mutwaya twache utukulu bakwiza pakunena sona amazyu aghakuti, ‘U Mwene akusaye wee kaya akagholosu, sona wee lighamba izelu.’

Yelemiya 32:37

Nkwiza pakubabungannya ukufumila mutwaya tosi tuto nkabachimbizizyamo bo nkalaye nkani. Nkwiza pakubanyosezya ku buzilo bunubu sona nkwiza pakubapela pakwikalagha kunuku umwakufwasa.

Yelemiya 33:15

Mumasiku ghalaghala, sona na pakabalilo kalakala, nkwiza pakumumezekezya u Devedi ulusamba ulugholosu, akwiza pakubomba zizyo nyiza sona ngolosu muchisu.

Yelemiya 33:16

Mumasiku ghalaghala ichisu icha Yuda chikwiza pakupokiwa, sona u Yelusalemu akwiza pakwikalagha umwakufwasa. Akwiza pakwitiziwa ni tabwa ilyakuti: U Mwene we Bugholosu bwitu.

Ezekiyeli 21:27

Chisami! Chisami! Nkwiza pakukapela akaya akakulu nkani pakuba chisami. Loli chitakwiza pakunyokelamo sona mupaka umwenecho ize, umwene weyuyo nkwiza pakumupa ichisu chinichi.’

Ezekiyeli 28:26

Bakwiza pakwikala mulamula umwakufwasa nukuzenga inyumba zyabo nukubyala amampesya, bo nkubafunda abapalamani babo, babo bakabayivyanga. Po bakwiza pakumanya ukuti ane ne Mwene u Chala wabo.’ ”

Ezekiyeli 38:14

“Polelo, wee mwana uwa muntu, laghula nukumubuzya u Gogi ukuti, ‘U Mwene Uwamaka Ghosi ati: Mwisiku lilalila, bo abantu bane aba Izilayeli bakwikala umwakufwasa, nkimba utakwiza pakuzimanya?

Ezekiyeli 48:35

“Akaya kosi akakulu nkani umwakuzyungulila kakwiza pakuba amamita 9,000. Ukwanda pakabalilo kalakala mupaka muntazi, akaya akakulu nkani kakwiza pakwitiziwanga ukuti, ‘U Mwene ali Palapala.’ ”

Daniyeli 9:24

“Amaka 7 agha tubalilo aka 70 twabikiwa ukuti abantu aba mukaya akazelu, poka nakaya kako akakulu nkani akazelu babuleke ububibi bwabo sona ni mbibi. Bapepesyanje imbibi zyabo pakubomba ubugholosu ubwa bwila na bwila ichisetuka nu bulaghuzi vikwiza pakukwanilisiwa, sona Ubuzilo Ubuzelu nkani bula bupaghuliwanje.

Daniyeli 9:7

“Wee Mwene, awe we mugholosu, loli ilelo tuli ni soni nkani. Abantu babo bakwikala muchisu icha Yuda, ni icha Yelusalemu sona na mu Izilayeli mosi, bosi aba papipi naba kubutali, sona na kuvyisu vyosi kuko ubanyapanizizye, pachifukwa ichakuti tute basubiliwa kukwako.

Hoseya 1:11

Abantu aba mu Yuda, naba mu Izilayeli bakwiza pakuba poka. Bakwiza pakusala umulongozi weka, sona ivintu vikwiza pakubendela akiza muchisu chabo, pakuti isiku ilya Yezileli likwiza pakuba likulu nkani.

Hoseya 1:7

Loli nkwiza pakuba nichililizi na banyumba iya Yuda, sona nkwiza pakubapoka. Ntakwiza pakubombezya ubwele, nupanga pamo ubwite, pamo ifalasi, na bantu abakukwela pafalasi izya bwite. Loli nkwiza pakubapoka na maka agha Mwene u Chala wabo.”

Hoseya 2:18

Mumasiku ghalaghala nkwiza pakufinga ulufingo ni vinyamana ivyamunkolongo, ni viyuni, sona ni vinyamana vivyo vikwavula. Nkwiza pakumazya ubwele, na bapanga, sona nu bwite, umwakuti bikalaye umwakufwasa.

Obadiya 1:17

Loli pighamba ilya Ziyoni bakwiza pakwikalapo abapokiwa, sona abaluko ulwa Yakobo bakwiza pakuba nichilingo ichabo.

Obadiya 1:21

Abakupona bakwiza pakukwela ighamba, ilya Ziyoni pakulaghila pighamba ilya Esabu. Sona ubumwene bukwiza pakuba bwa Mwene.”

Zefaniya 3:13

Abakusyalako aba Izilayeli batakwiza pakunanga, batakwiza pakunena ubumyasi, pamo ubuzimbuli ukuti bwaghiwe mumilomo yabo. Bakwiza pakulya nukulambalala, sona atalipo nayumoyumo yuyo akwiza pakuboghofya.”

Zekaliya 10:6

“Nkwiza pakubapela abantu aba mu Yuda, pakuba bamaka nkani, nukulupoka uluko ulwa Yosefu. Nkwiza pakubanyosezyamo, pachifukwa ichakuti indi nabo ni chililizi. Bakwiza pakuba ngati po intabakanitepo nalumo, pakuti ane ne Mwene u Chala wabo, sona nkwiza pakubamula.

Zekaliya 3:10

“ ‘Pisiku linilyo, umuntu wesi uwa amwe akwiza pakumwitizya umupalamani wache ukuti ikale mukazundila aka mampesya ghache sona naka ikuyu.’ ” U Mwene Uwamaka Ghosi anena.

Aba Loma 3:22

U Chala akubanena abantu pakuba bagholosu pamaso papache ukwendela mu lwitiko lwabo mwa Yesu Kilisitu. U Chala akubabomba zinizi abantu bosi babo bakumusubila u Kilisitu, pachifukwa ichakuti patalipo ukulekana nakumokumo,

1 Aba Kolinti 1:30

U Chala weyuyo abamamatizya poka nu Kilisitu u Yesu, sona akamupima pakuba mahala ghitu. Ukwendela mumwache, twaneniwa pakuba bantu bagholosu pamaso pa Chala. Aswe twaba bantu abazelu aba Chala, sona twapokiwa.

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

Aba Filipi 3:9

sona chicho nkulonda chakuti imamatilane poka nawe. Intanginena pakuba mugholosu pa nemwene pakuzikonka Indaghilo, loli pakusubila mwa Yesu Kilisitu. Ubugholosu ubwakufuma kwa Chala bwimite palwitiko.