Yelemiya 23:27 - IBAYIBOLO 2024

²⁷ Abalaghuzi banaba bakwinong'ona ukuti abantu bakwiza pakunduvya pachifukwa icha vilota vivyo bakubabuzya abantu ngati mumo abanyenya babo bakanduvizya nukumwiputa u Baala.

Yelemiya 23:27 Iomraidhean Croise

2 Abamwene 21:3

Akazenga sona ubuzilo ubwapamwanya ubwakwiputilapo ivifwani, bubo uwise u Hezekiya akabumongolannya. Akamuzengela sona u Baala ivighemo nukupanga ivifwani ivya Ashela ukuyana namumo u mwene u Ahabu uwamu Izilayeli akabombelagha. Akazyiputagha intondwa nukuzichindika.

Yelemiya 2:32

Nkimba u mulindu angaluvya ivyakwibonesekezya akiza, pamo u mulindu yuyo akusendwa nkimba angaluvya ivyakuvwala vyache ivya pasendwa? Loli pope bulo abantu bane banduvizye, amasiku ghagho ghatangabelengiwa.

Yelemiya 29:8

U Mwene Uwamaka Ghosi, u Chala uwa Izilayeli akuti, “Mutakabitikizyanje abalaghuzi na babo bakunena ivya muntazi babo bali pakasi papinyu ukuti babazimbulaye. Mutakateghelezyanje ivilota vyabo.

Yelemiya 9:14

Mubuzilo bwache bakonka amoyo ghabo amakafu, babiputa abachala babo aba Baala ngati mumo abanyenya babo bakabamanyizikizya.”

Imbombo 13:8

Loli uwamayele yuyo akaba we Elimasi (linili likaba itabwa lyache ilya mu Chigiliki) akabasusya pachifukwa ichakuti akanyila ukuti umulaghili uwa chisu yula angasubila mwa Mwene.

Ukukumbusya Amalamulo 8:11

Mwenelezye nkani ukuti mutakamuluvyanje u Mwene u Chala winyu. Mutakapotwe pakughakonka amalamulo ghache ni ndaghilo zyache zizyo nkubapa ilelo.

Ukukumbusya Amalamulo 8:14

mwenelezye nkani ukuti mutakwituvya nukumuluvya u Mwene u Chala winyu, yuyo akabefyamo mu Ijiputi mumo mukaba mwe bazya.

Ukukumbusya Amalamulo 8:18

Loli mukumbukaye ukuti we Mwene u Chala winyu yuyo akubapa amaka aghakuti mubanje nu bukabi. Akabomba bunubu pachifukwa ichakuti atakalondagha pakulunangannya ulufingo lwache, lulo akalapa kubanyenya binyu ukuyana namumo vibeleye nilelo.

Abalongi 10:6

Aba Izilayeli bakamunangila sona u Mwene, pakamuchindika u Baala nu Ashitoleti na bachala aba ba Siliya na bachala aba ba Sidoni na bachala aba ba Mowabu na bachala aba ba Amoni sona na bachala aba ba Filisiti. Aba Izilayeli bakamukana u Mwene nukuleka pakumubombela.

Abalongi 3:7

Aba Izilayeli bakabomba ivintu ivibibi vivyo vitakamuhobosya u Mwene. Bakamuluvya u Mwene u Chala wabo pakumubombela u Baala nu Ashela.