Yelemiya 23:25 - IBAYIBOLO 2024

²⁵ “Nivuye zizyo abalaghuzi bakunena, sona bakulaghulila mwitabwa lyane, zizyo zyabumyasi bakukolomoka bakuti, ‘Nalota! Nalota!’

Yelemiya 23:25 Iomraidhean Croise

Ubwandilo 37:5

Isiku limo u Yosefu akalota ichilota, nukubabuzya abawamwabo bache nizya chilota chache chicho akalota, po bakamubenga nkani.

Ubwandilo 37:9

Po u Yosefu akalota ichilota ichinji nukubabuzya abawamwabo ukuti, “Mwebaya mwee, ivwa kuno, ichilota ichinji, indotite ukuti izuba nu mwezi, sona ni ntondwa 11 zikunfughamilila.”

Masalimo 139:2

Ukumanya nanti nkwikala pasi sona nanti nkunyamuka, ukuzimanya inyinong'ono zyane bo uchili uli kubutali.

Masalimo 139:4

Wee Mwene, bo inchili na pakufumya izyu, awe ulimenye kale.

Yelemiya 13:27

Nabwennya ubunyazu bwako, ubwamalaya bwako, ni chinyonywa chako! Navyennya ivyakubombiwa vyako ivinyazu, ivyakubombiwa pamaghamba sona namumaghunda. Wee Yelusalemu! Chighune kukwako. Nkimba ukwiza pakuswefiwa liyi?”

Yelemiya 14:14

Po u Mwene akambuzya akati, “Abalaghuzi bakulaghulila mwitabwa lyane bakunena ubumyasi. Intabatumite awe, pamo ukubasala pamo ukunena nabo. Bakubalaghulila muvisetuka ivyabumyasi, pamo pakunena ni mizimu iya bafwe, pamo pakwiputa ku vifwani, sona bakunena ivya munyinong'ono zyabo imbibi.

Yelemiya 16:17

Pakuti amaso ghane ghakuzyennya inkalo zyabo zyosi imbibi, batavwamite kukwane napo panandi, sona yitalipo nayimoyimo imbibi yiyo intayimenye

Yelemiya 23:28

“Muleke umulaghuzi yuyo alota asanusye ichilota chache, loli umulaghuzi yuyo ali na mazyu ghane aghanenele mubusubiliwa. Nkimba amapeta ghayanite bulo ni ngano? Ane ne Mwene nanena.

Yelemiya 23:32

Momumo, nkubakana abalaghuzi babo ubulaghuzi bwabo ubwa vilota ivyabumyasi. Bakubabuzya nukubapuvya abantu bane napapo intakabatuma sona intakabasalapo. Ubulaghuzi bwabo bute nubwavwilizi nabumobumo ku bantu banaba. Ane ne Mwene nanena.”

Yelemiya 27:10

Pakuti bakulaghula ivyabumyasi umwakuti abalwani binyu babasendele kubutali ni chisu chinyu nukuzimila kulakula.

Yelemiya 27:15

‘Ane ne Mwene ntabatumitepo nalumolumo, bakulaghulila mwitabwa lyane ivyabumyasi. Polelo nkwiza pakubachimbizya sona mukwiza pakuzimila, mwebosi abalaghuzi na babo bakubalaghulila.’ ”

Yelemiya 29:23

Pakuti babombite ivya bupunganu mu Izilayeli, balowa na bachi aba bapalamani babo, sona banenaye mwitabwa lyane ivyabumyasi vivyo intakababuzyapo ukuti banene. Ane inzimenye sona ne kaboni. Ane ne Mwene nanena.”

Yelemiya 29:8

U Mwene Uwamaka Ghosi, u Chala uwa Izilayeli akuti, “Mutakabitikizyanje abalaghuzi na babo bakunena ivya muntazi babo bali pakasi papinyu ukuti babazimbulaye. Mutakateghelezyanje ivilota vyabo.

Yelemiya 8:6

Nabateghelezya nkani ku zizyo bakunena loli batakunenapo nazimozimo ingolosu. Atakabapo nayumoyumo uwakuzileka imbibi zyache, nukunena ukuti, “Nkimba nananga choni?” Loli umuntu wesi akubuka ku zila izyache ni zyache, ngati yo falasi yiyo nyengo nkani pakulwa ubwite.

Nkuto 2:14

Ivisetuka ivya balaghuzi binyu vikaba vyabumyasi, sona vitakaba ni mbombo nayimoyimo. Bakazivumbula imbibi zyako umwakuti ivintu vikwendelaye akiza. Amazyu aghabulaghuzi ghakaba ghabumyasi sona ghakabasovyanga bulo abantu.

Ezekiyeli 22:28

Abalaghuzi bache bakufisa ububibi bwabo ngati bantu babo bakuyisingula inyumba nibanya, muvisetuka vyabo bakunena ubumyasi bakuti, u Mwene Uwamaka Ghosi anena, napapo atanenitepo.

Yoweli 2:28

“Pisinda pache nkwiza pakupungulila Umuzimu wane pabantu bosi. Abana binyu abalumendo na balindu bakwiza pakulaghula, abaghosi bakwiza pakulota ivilota, bope abalumendo bakwiza pakwennya ivisetuka.

Zekaliya 13:3

Nanti umuntu yumo achili akumulaghula, uwise pamo unyina, babo bakamupapa, umubuzye ukuti, ‘Utakabanje we mumi, abaghiye afwanje, pachifukwa ichakuti akumutamantila u Mwene.’ Nanti akulaghula, abapapi bache bakwiza pakumughogha.

Ukubelengiwa 12:6

U Mwene akati, “Ivwa kuno! Nanti umulaghuzi uwa Mwene ali pakasi papinyu, ane nkwilanjizya nemwene kukwache muvisetuka, sona nkunena nawe muvilota.

Matayi 1:20

Bo akwinong'ona zinizi, uwantumi uwa Mwene akamwizila muchilota nukuti, “Wee Yosefu, uwaluko ulwa Devedi, utakanyilaye pakumusenda u Maliya pakuba muchi wako, pakuti ulwanda lulo ali nalo lwa Muzimu Umuzelu.

Luka 12:3

Zyosi zizyo mwanena kubusyefu zikwiza pakwivwika pabuzelu, sona zyosi zizyo mwateketa mukasi muvipinda zikwiza pakufumusiwa pachisonje.

1 Aba Kolinti 4:5

Polelo mutakamulongaye nayumo umuntu, bo na kabalilo akiza katafikite. Mulindililaye mupaka u Mwene ize. Umwene akwiza pakuvumbula pabuzelu ivintu vivyo vifisiwe muchisi. Akwiza pakuvumbula sona inyinong'ono izya bantu. Pakabalilo kalakala umuntu wesi akwiza pakupokela amapalo agha Chala.

Aba Hebeli 4:13

Pantazi pa Chala katalipo nakamo kako kafisiwe. Ivintu vyosi vili pabuzelu bulo, sona vili pa bwazi pantazi papache yuyo tubaghiye tumulingannye vyosi vivyo twabomba.

Ubuvumbuli 2:23

Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.