Yelemiya 23:21 - IBAYIBOLO 2024

²¹ U Mwene akuti, “Ntakabatumapo abalaghuzi banaba, loli pope bulo bakabuka. Ntakanenapo nabo, loli pope bulo bakalaghula.

Yelemiya 23:21 Iomraidhean Croise

Yesaya 6:8

Po nkivwa u Mwene akuti, “Nkimba wenu yuyo nkwiza pakumutuma? Nkimba wenu yuyo akwiza pakubuka mubuzilo bwitu?” Nkamula nkati, “Indi pano! Ntuma nene!”

Yelemiya 14:14

Po u Mwene akambuzya akati, “Abalaghuzi bakulaghulila mwitabwa lyane bakunena ubumyasi. Intabatumite awe, pamo ukubasala pamo ukunena nabo. Bakubalaghulila muvisetuka ivyabumyasi, pamo pakunena ni mizimu iya bafwe, pamo pakwiputa ku vifwani, sona bakunena ivya munyinong'ono zyabo imbibi.

Yelemiya 23:32

Momumo, nkubakana abalaghuzi babo ubulaghuzi bwabo ubwa vilota ivyabumyasi. Bakubabuzya nukubapuvya abantu bane napapo intakabatuma sona intakabasalapo. Ubulaghuzi bwabo bute nubwavwilizi nabumobumo ku bantu banaba. Ane ne Mwene nanena.”

Yelemiya 27:14

Mutakaghivwilaye amazyu agha balaghuzi babo bakubabuzya bakuti, ‘Mutakamubombelaye u mwene uwa chisu icha Babiloni,’ pakuti bakubalaghulila ivyabumyasi.

Yelemiya 27:15

‘Ane ne Mwene ntabatumitepo nalumolumo, bakulaghulila mwitabwa lyane ivyabumyasi. Polelo nkwiza pakubachimbizya sona mukwiza pakuzimila, mwebosi abalaghuzi na babo bakubalaghulila.’ ”

Yelemiya 28:15

Po umulaghuzi u Yelemiya akamubuzya u mulaghuzi u Hananiya akati, “Wee Hananiya teghelezya! U Mwene atakutumite loli pope bulo wayizimbula inko iyi ukuti yisubilaye ivyabumyasi.

Yelemiya 29:31

“Ubatumile amazyu abantu bosi babo bali mubuzya uti, ‘Umu momumo u Mwene akunenela nizya Shemaya uwamu Nehelama, pachifukwa ichakuti u Shemaya akabalaghulila, napapo intakamutuma sona mwabusubila ubumyasi bwache.

Yelemiya 29:8

U Mwene Uwamaka Ghosi, u Chala uwa Izilayeli akuti, “Mutakabitikizyanje abalaghuzi na babo bakunena ivya muntazi babo bali pakasi papinyu ukuti babazimbulaye. Mutakateghelezyanje ivilota vyabo.

Yelemiya 29:9

Vyabumyasi vivyo bakulaghulila mwitabwa lyane. Te nene imbatumite, awe. Ane ne Mwene nanena.”

Yohani 20:21

U Yesu akanena nabo sona akati, “Umutende ghubanje namwe. Ukuyana namumo Utata akantumila, po momumo nane nkubatumila.”

Imbombo 13:4

Bo u Balanabasi nu Sabuli batumiwa nu Muzimu Umuzelu bakabuka mukaya aka Selebukiya nukuloboka nu bwato pakubuka pa kasungo aka Sayipulasi.

Aba Loma 10:15

Po amazyu ghangalumbililiwa bulibuli nanti abalumbilili batakutumiwa? Pakuti Amasimbo ghakuti, “Bo bwiza boni ubwa muntu yuyo akwiza na mazyu amiza.”