Yelemiya 23:17 - IBAYIBOLO 2024

¹⁷ Bakwendelela pakubabuzya abantu babo bakukana pakuteghelezya ku zizyo nkubabuzya bakuti, ‘U Mwene akuti: Mukwiza pakuba nu mutende.’ Sona bakubabuzya babo bali na moyo amakafu bakuti, ‘Intamyo zitakwiza pakubawila napo panandi.’

Yelemiya 23:17 Iomraidhean Croise

2 Samuweli 12:10

Po ubwite butakwiza pakuleka nalumo munyumba yako, pachifukwa ichakuti wansamula, nukumusenda umuchi uwa Uliya umu Hiti yula pakuba muchi wako.”

Yesaya 30:10

Bakunena kubenelezi ukuti, “Leka pakwennya ivisetuka!” Sona bakubabuzya abalaghuzi bakuti, “Mutakatubuzyanje ivisetuka ivya bugholosu! Loli mutubuzye zizyo tukuzilonda, nukulaghula izya bumyasi.

Yesaya 57:21

U Chala akuti, “Umutende naghumo pabantu ababibi.”

Yelemiya 13:10

Abantu ababibi aba, babo bakukana pakuteghelezya ku mazyu ghane, sona bakukonka ubukafu ubwa moyo ghabo, bakubabombela nukubiputa abachala abanji, bakwiza pakuba ngati we lamba yuyo ate nimbombo nayimoyimo!

Yelemiya 18:12

Loli bakamula bakati, ‘Chinicho chite nimbombo nayimoyimo. Aswe tukwiza pakwendelela ni mbatiko izyitu ni zyitu, umuntu wesi akwiza pakubomba zizyo inyinong'ono zyache inkafu izya moyo umubibi.’ ”

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 3:17

Pakabalilo kalakala u Yelusalemu akwiza pakwitiziwa pakuba Chitengo icha Mwene, sona inko zyosi zikwiza pakubungana mu Yelusalemu nukulichindika itabwa ilya Mwene. Batakwiza pakuba sona na moyo amabibi.

Yelemiya 4:10

Po nkati, “Wee Mwene Uwamaka Ghosi, naloli wabazimbula abantu aba poka naba mu Yelusalemu! Ukababuzya ukuti, ‘Mukwiza pakuba nu mutende,’ loli bo upanga ali pasingo zyabo.”

Yelemiya 5:12

Abantu bamutamantila u Mwene bati, “Atangatubombela nachimochimo, ubupalapala butakwiza pakutuwila, po tutakwiza pakwennyapo ubwite pamo izala.

Yelemiya 6:14

Bakupozya ivilonda ivya bantu bane pamwanya bulo. Bakunena bakuti, ‘Umutende, umutende,’ loli bo umutende ghutalimo naghumoghumo.

Yelemiya 7:24

Loli abantu bala batakivwila pamo ukubikilako umoyo, mubuzilo bwache bakendelela pakubomba zizyo amoyo ghabo amabibi ghakalondogha. Bakanyokela kwisinda mubuzilo ubwakwendelela.

Yelemiya 8:11

Bakupozya ivilonda ivya bantu bane pamwanya bulo. Bakunena bakuti, “Umutende, umutende,” loli bo umutende ghutalimo naghumoghumo.

Yelemiya 9:14

Mubuzilo bwache bakonka amoyo ghabo amakafu, babiputa abachala babo aba Baala ngati mumo abanyenya babo bakabamanyizikizya.”

Nkuto 2:14

Ivisetuka ivya balaghuzi binyu vikaba vyabumyasi, sona vitakaba ni mbombo nayimoyimo. Bakazivumbula imbibi zyako umwakuti ivintu vikwendelaye akiza. Amazyu aghabulaghuzi ghakaba ghabumyasi sona ghakabasovyanga bulo abantu.

Ezekiyeli 13:10

“Pachifukwa ichakuti bakusobezya abantu bane, nukunena ukuti, ‘Umutende,’ napapo pate umutende bali ngati bantu babo bazenga ilinga, po abene bakwiza pakusingula nibanya,

Ezekiyeli 13:19

Mwankozya isoni pakasi pabantu bane pachifukwa ichakupokela amapemba amanandi bulo nu tumenyu utwa chibama. Mwabazimbula abantu bane, babo bakuteghelezya ubumyasi, mwabaghogha abantu babo batabaghiye pakufwa nukubaleka babo batabaghiye pakuba bumi.

Ezekiyeli 13:22

Pachifukwa icha bumyasi bwinyu mwabawisya amaka abantu bane abagholosu napapo ane intakulonda ukubapelela ichitima awe, loli mwabakazya ababibi ukuti batakazileke izila zyabo imbibi, po pakubomba bunubu bakubupoka ubumi bwabo.

Amosi 9:10

Ababomba mbibi bosi pakasi pabantu bane, bakwiza pakufwa nupanga, sona abantu bosi babo bakuti, ‘Chitalipo nachimochimo ichibibi ichakutuwila pamo ukuti ubupalapala butuwile.’ ”

Mika 2:11

Nanti umuntu umumyasi sona umuzimbuli akwiza nukunena ukuti, ‘Nkwiza pakubalaghulila ukuti: Mukwiza pakuba nu vinyo umwinji, sona ni vyakungw'ela vivyo umuntu angakolwa navyo,’ umuntu yunuyu angaba mulaghuzi winyu!

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Mika 3:5

U Mwene akuti, “Abalaghuzi babo bakubasovya abantu bane, nanti yumo akubapa ichakulya, kokuti bakulumbilila ‘umutende.’ Nanti atakubomba bunubu, kokuti bakwiyannya pakulwa nawe ubwite.

Zefaniya 1:12

“Pakabalilo kalakala, nkwiza pakumulondelezya u Yelusalemu ni nyale nukubafunda babo bakwituvya, sona abantu babo bali navyo vyosi nukwisubila. U Mwene anena. “Abantu banaba bakwinong'ona ukuti, ‘U Mwene atakwiza pakubombapo chimo, ichiza pamo ichibibi.’

Zekaliya 10:2

Ivifwani vikunena ubumyasi, bope abalaghuzi bakwennya ivisetuka ivyabumyasi, bakunena ivilota ivyabumyasi, ukusangalusya kwabo kwabulo. Polelo abantu bakwendakwenda bulo ngati ng'ozi izyakuyivyiwa zizyo zite nu mudimi.

Malaki 1:6

U Mwene Uwamaka Ghosi akuti, “Umwana akumuchindika uwise, wepe uwambombo akumuchindika u mwene wache. Nanti ne tata winyu, nkimba umuchizi wane ghugho ghumbaghiye ghuli kwiyi? Nanti ne mwene winyu, nkimba umuchizi ghugho ghumbaghiye ghuli kwiyi? Mwee baputi mwe mukulisamula itabwa lyane. “Loli mukulalusya ukuti, ‘Nkimba tukulisamula bulibuli itabwa lyako?’

Ukubelengiwa 11:20

Loli mukwiza pakuyilya umwezi ghosi mupaka yifumile mumpuno zyinyu, sona mupaka muyitapike, pakuti amwe mwamukana u Mwene yuyo ali pakasi papinyu. Amwe mwilumbusizye pantazi papache ukuti, “Nkimba choni chicho tukepamo mu Ijiputi?” ’ ”

Luka 10:16

U Yesu akababuzya abamanyili bache akati, “Umuntu wesi yuyo akubateghelezya, akunteghelezya nane bulo. Umuntu wesi yuyo akubakana, akunkana nane bulo. Umuntu wesi yuyo akunkana, akumukana wepe yuyo akantuma.”

Ukukumbusya Amalamulo 29:18

Mwenelezye ukuti atakabepo nayumoyumo umwanavuli pamo umukolo pamo inyumba pamo uluko kokuti amwe mwebosi mwe mwimiliye pano ilelo mwapaghukako kwa Mwene u Chala witu nukubiputa abachala aba inko izinji. Mwenelezye nkani ukuti katakabepo nakamokamo akagululuzi pakasi papinyu kako kangela ivikomwa ivyakubaba nivimelwa ivyakughogha.

Ukukumbusya Amalamulo 29:19

Mwenelezye nkani ukuti atakabepo nayumoyumo umuntu pakasi papinyu ilelo, yuyo akwivwa amazyu ghanagha loli akunena mumoyo wache akuti, “Ivintu vyosi vikunyendela akiza bulo, napapo nkubomba ubwighane bwane.” Panapa akwiza pakwipalaghulila mwene ukunanganika manyi muntu umubibi manyi muntu umwiza bulo.

1 Aba Tesalonika 4:8

Po umuntu wesi yuyo akukana ichimanyisyo chinichi, atakumukana umuntu, loli akumukana u Chala, yuyo akubapa u Muzimu wache Umuzelu.

1 Samuweli 2:30

“ ‘Ane ne Mwene u Chala uwa Izilayeli nkabalayizya abamunyumba yako na baluko lwako ukuti bakwiza pakuba baputi bane bwila na bwila. Losi ulu ntakulonda sona! Loli nkwiza pakubachindika abantu babo bakunchindika, loli abantu babo batakunchindika nane bulo ntakwiza pakubachindika.