Yelemiya 23:16 - IBAYIBOLO 2024

¹⁶ U Mwene Uwamaka Ghosi akuti, “Mutakateghelezyanje ku zizyo abalaghuzi bakubalaghulila, bakubizuzya bulo ninyinong'ono izya buzimbuli. Bakunena nizya visetuka vivyo vili munyinong'ono zyabo, vivyo vitafumite mumulomo wane.

Yelemiya 23:16 Iomraidhean Croise

1 Abamwene 22:11

Umulaghuzi weka, u Zedekiya umwana uwa Kenana akapanga impembe izya chela nukuti, “U Mwene ati, ‘Ni mpembe izi ukwiza pakubavulazya nazyo aba Siliya nukubapota.’ ”

2 Abamwene 17:15

Bakazisulannya indaghilo zyache nu lufingo lulo akafingana na banyenya babo, sona ni soki zyache. Pachifukwa ichakuti bakavichindikagha ivifwani ivyamwalwemwalwe, po bope bakaba bamwalwemwalwe. Bakeghelelagha inyiho izya inko zizyo zikabazyungulila napapo u Mwene akabalamula akati, “Mutakabombaye ngati mumo inko zinizi zikubombela,” sona bakabombagha ivintu vivyo u Mwene akabakanizya.

2 Imbili 18:5

Po u mwene uwa Izilayeli yula akabitizya abalaghuzi 400 nukubalalusya ukuti, “Nkimba tubukaye pakulwa ubwite ku Lamoti Giliyadi pamo awe?” Abalaghuzi bala bakamwamula bakati, “Bukagha, pakuti u Chala akwiza pakukabika munyobe zyako.”

Ivyili 19:27

Wee mwana wane, nanti ukuchisulannya ichimanyisyo chane, ukwiza pakwepukako kumazyu agha mahala.

Yelemiya 14:14

Po u Mwene akambuzya akati, “Abalaghuzi bakulaghulila mwitabwa lyane bakunena ubumyasi. Intabatumite awe, pamo ukubasala pamo ukunena nabo. Bakubalaghulila muvisetuka ivyabumyasi, pamo pakunena ni mizimu iya bafwe, pamo pakwiputa ku vifwani, sona bakunena ivya munyinong'ono zyabo imbibi.

Yelemiya 2:5

U Mwene akukulalusya akuti, “Nkimba bubibi boni bubo abanyenya binyu bakabwagha mumwane, ukuti banchimbile? Bakavyiputa ivifwani ivya mwalwemwalwe nukwipela pakuba bamwalwemwalwe.

Yelemiya 23:21

U Mwene akuti, “Ntakabatumapo abalaghuzi banaba, loli pope bulo bakabuka. Ntakanenapo nabo, loli pope bulo bakalaghula.

Yelemiya 23:26

Nkimba abalaghuzi banaba bakwiza pakubazimbula abantu bane mupaka liyi?

Yelemiya 29:23

Pakuti babombite ivya bupunganu mu Izilayeli, balowa na bachi aba bapalamani babo, sona banenaye mwitabwa lyane ivyabumyasi vivyo intakababuzyapo ukuti banene. Ane inzimenye sona ne kaboni. Ane ne Mwene nanena.”

Yelemiya 29:8

U Mwene Uwamaka Ghosi, u Chala uwa Izilayeli akuti, “Mutakabitikizyanje abalaghuzi na babo bakunena ivya muntazi babo bali pakasi papinyu ukuti babazimbulaye. Mutakateghelezyanje ivilota vyabo.

Yelemiya 9:12

Nkimba wewenu uwamahala yuyo angivwisya zinizi? Nkimba wewenu yuyo u Mwene akamulingannya ukuti abalingannye abanji? Nkimba choni chicho ichisu chaba chisami sona chananganika ngati yo nkolongo yiyo atalipo uwakwendamo?

Yelemiya 9:20

Mwee bakolo, ivwa izyu ilya Mwene, Ighula amakutu ghinyu ukuti mwivwe zizyo akunena. Mubamanyisye abana binyu abalindu namumo bangimbila ulwimbo ulwa pamfwa, umuntu wesi amumanyisye umupalamani wache pakulila.

Nkuto 2:9

Imilyango yache yadwiba pasi, sona zyope ni mpingwi zyache zyananganika. Abamwene bache poka na makambala ghache bali kubuzya pakasi pa inko izinji. Batakuzikonka nalumo indaghilo, bope abalaghuzi bache batakwennya nalumolumo ivisetuka ivya Mwene.

Ezekiyeli 13:16

abalaghuzi banaba mu Izilayeli babo bakalaghula mu Yelusalemu nukumwenezya ivisetuka ivya mutende napapo umutende naghumo.” U Mwene Uwamaka Ghosi anena.

Ezekiyeli 13:23

Polelo mutakwiza pakwennya ivisetuka ivyabumyasi pamo ukulaghula. Nkwiza pakubapoka abantu bane munyobe zyinyu. Po mukwiza pakumanya ukuti ane ne Mwene.’ ”

Ezekiyeli 13:3

U Mwene Uwamaka Ghosi akuti, “Chighune kubalaghuzi abapunganu, babo bakukonka inyinong'ono zyabo napapo batavyenizyepo ivisetuka navimovimo!

Ezekiyeli 13:6

Ivisetuka vyabo vyabumyasi sona bakulaghula ivyabumyasi bakuti, ‘U Mwene akuti,’ loli u Mwene atabatumitepo, sona bakusubila ukuti amazyu ghabo ghakwaniliziwe.

Ezekiyeli 22:28

Abalaghuzi bache bakufisa ububibi bwabo ngati bantu babo bakuyisingula inyumba nibanya, muvisetuka vyabo bakunena ubumyasi bakuti, u Mwene Uwamaka Ghosi anena, napapo atanenitepo.

Mika 2:11

Nanti umuntu umumyasi sona umuzimbuli akwiza nukunena ukuti, ‘Nkwiza pakubalaghulila ukuti: Mukwiza pakuba nu vinyo umwinji, sona ni vyakungw'ela vivyo umuntu angakolwa navyo,’ umuntu yunuyu angaba mulaghuzi winyu!

Matayi 7:15

“Muchebaye nabo abalaghuzi abamyasi; bakwiza kukwinyu ngati zyo ng'ozi, loli mukasi bayanite bulo ni mpumpi!

Aba Loma 1:21

Napapo bakamumanya u Chala, loli batakamuchindika, pamo ukumupalizya. Loli inyinong'ono zyabo zikaba zyamwalwe, sona amoyo ghabo ghakizula ni chisi.

1 Yohani 4:1

Mwee bamanyani bane abaghaniwa, mutakabasubilaye abantu bosi babo bakuti bali nu Muzimu Umuzelu, loli mubayezyanje ukuti mumanye nanti naloli umuzimu ghugho bali nagho wakwa Chala. Pakuti abalaghuzi abamyasi binji nkani muchisu chosi ichapasi.