Yelemiya 23:14 - IBAYIBOLO 2024

¹⁴ Loli mu balaghuzi aba mu Yelusalemu nachennyamo ichintu ichakoghofya nkani. Bakulowa nukunena ubumyasi. Bakubavwa abantu pakubomba ububibi, umwakuti atalipo nayumoyumo uwakuleka pakubomba ububibi. Kukwane bosi banaba bali ngati we Sodomu, abantu aba mu Yelusalemu bali ngati we Gomola.”

Yelemiya 23:14 Iomraidhean Croise

Ubwandilo 13:13

Abantu aba mu Sodomu bakaba babibi nkani, sona bakamunangila nkani u Mwene.

Ubwandilo 18:20

Po u Mwene akamubuzya u Abulahamu akati, “Nivwa ukuti abantu aba mu Sodomu nu Gomola bananga nkani, sona vivyo bakubomba vibibi nkani.

Ubwandilo 19:24

Po u Mwene akalaghazya amabwe agha moto uwa sulufule mu Sodomu nu Gomola.

Ubwandilo 19:25

Akatuzimizya utwaya tula ni kombe lyosi, sona na bantu bosi aba mutwaya tula, poka ni vimelwa vyosi muchisu chilachila.

Yesaya 9:15

Abasongo na bantu abachindikiwa gho mutu, abalaghuzi babo bakumanyisya ubumyasi gho misinda.

Yelemiya 14:14

Po u Mwene akambuzya akati, “Abalaghuzi bakulaghulila mwitabwa lyane bakunena ubumyasi. Intabatumite awe, pamo ukubasala pamo ukunena nabo. Bakubalaghulila muvisetuka ivyabumyasi, pamo pakunena ni mizimu iya bafwe, pamo pakwiputa ku vifwani, sona bakunena ivya munyinong'ono zyabo imbibi.

Yelemiya 18:13

Polelo u Mwene akuti, “Lalusya pakasi pa inko, nkimba wewenu yuyo azyivuyepo lumo zinizi? Umulindu wane u Izilayeli abomba ichintu ichinyazu.

Yelemiya 20:16

Umuntu yunuyo abanje ngati twaya utukulu nkani, tuto u Mwene atakatupelela ichisa pakutunangannya. Ivwa ukulila ukwa pandabindabi, sona nipati ilya bwite pakasi pamusanya,

Yelemiya 23:17

Bakwendelela pakubabuzya abantu babo bakukana pakuteghelezya ku zizyo nkubabuzya bakuti, ‘U Mwene akuti: Mukwiza pakuba nu mutende.’ Sona bakubabuzya babo bali na moyo amakafu bakuti, ‘Intamyo zitakwiza pakubawila napo panandi.’

Yelemiya 23:22

Nanti bakimilila lumo mulukomano lwane, po ngali bakalumbilila amazyu ghane ku bantu bane, sona ngali bakabanyosyako ku zila zyabo imbibi, nakumbombo zyabo imbibi.”

Yelemiya 23:32

Momumo, nkubakana abalaghuzi babo ubulaghuzi bwabo ubwa vilota ivyabumyasi. Bakubabuzya nukubapuvya abantu bane napapo intakabatuma sona intakabasalapo. Ubulaghuzi bwabo bute nubwavwilizi nabumobumo ku bantu banaba. Ane ne Mwene nanena.”

Yelemiya 29:21

U Mwene Uwamaka Ghosi, u Chala uwa Izilayeli, akunena nizya Ahabu umwana uwa Koliya nu Zedekiya umwana uwa Maseya, yuyo akulaghulila mwitabwa lyane ivyabumyasi akuti, “Nkwiza pakubabika munyobe izya Nebukadineza u mwene uwa Babiloni, po akwiza pakubaghogha bo mukwennya na maso ghinyu.

Yelemiya 29:23

Pakuti babombite ivya bupunganu mu Izilayeli, balowa na bachi aba bapalamani babo, sona banenaye mwitabwa lyane ivyabumyasi vivyo intakababuzyapo ukuti banene. Ane inzimenye sona ne kaboni. Ane ne Mwene nanena.”

Yelemiya 36:2

“Senda ibuku nukusimbamo amazyu ghosi ghagho nakubuzya nizya Izilayeli nu Yuda sona ninko zyosi izinji ukwandila pakabalilo kako nkandila pakunena nawe mubulaghili ubwa Yosiya mupaka ilelo.

Yelemiya 49:18

Ngati mumo u Sodomu nu Gomola akananganikila, poka nutwaya twache utupalamani po atalipo nayumoyumo uwakwikalamo, sona atalipo nayumoyumo umuntu uwakuzengamo. Ane ne Mwene nanena.

Nkuto 4:6

Abantu bane bafundiwa nkani, ukuchila namumo bakafundiliwanga abantu aba mu Sodomu, Abantu banaba bakafundiwa mukabalilo akapimpa bulo sona patakabapo nayumoyumo umuntu uwakubavwa.

Ezekiyeli 13:16

abalaghuzi banaba mu Izilayeli babo bakalaghula mu Yelusalemu nukumwenezya ivisetuka ivya mutende napapo umutende naghumo.” U Mwene Uwamaka Ghosi anena.

Ezekiyeli 13:19

Mwankozya isoni pakasi pabantu bane pachifukwa ichakupokela amapemba amanandi bulo nu tumenyu utwa chibama. Mwabazimbula abantu bane, babo bakuteghelezya ubumyasi, mwabaghogha abantu babo batabaghiye pakufwa nukubaleka babo batabaghiye pakuba bumi.

Ezekiyeli 22:25

Abamwene babo bali ngati nkalamu zizyo zikubuluma zikukavulannya ichinyamana. Bakubaghogha abantu, bakusenda ivyuma vyabo ni vintu vyabo ivya mutengo, nukubapela abafwilwe pakuba binji mukaya kache.

Hoseya 6:10

Navyennya ivintu ivyakoghofya vivyo vikubombiwa mu Izilayeli. Kulakula aba Efulayimu bakubomba ubwamalaya, sona aba Izilayeli binyazya bene.

Amosi 4:11

“Nkabanangannya abantu bamo pakasi pa papinyu, ngati mumo nkabananganizizya abantu aba mu Sodomu naba mu Gomola. Mukaba ngati ko kachizinka kako kazompoliwa pamoto, loli pope bulo mutakanyokela kukwane.” U Mwene anena.

Mika 1:5

Zyosi zinizi zili bunubu pachifukwa icha kunanga ukwa baluko ulwa Yakobo, sona na pachifukwa icha mbibi izya ba Izilayeli. Nkimba ukunanga ukwa Izilayeli ko koni? Fwandi te we Samaliya? Nkimba bo bawenu babo bakabapela abantu aba mu Yuda ukuti biputaye ivifwani? Fwandi batakaba bantu aba ku Yelusalemu?

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Zefaniya 3:4

Abalaghuzi bache bakwituvya sona te basubiliwa. Abaputi bache bakubunyazya Ubuzilo Ubuzelu nukuzinangannya indaghilo.

Zekaliya 13:2

“Pisiku lilalila, nkwiza pakughazimya amatabwa agha vifwani ivya muchisu, batakwiza pakughakumbuka sona. Nkwiza pakubefyamo bosi babili abalaghuzi ni mizimu iminyazu iya muchisu chilachila. U Mwene anena.

Malaki 1:1

Agha gho mazyu ghagho u Mwene akamubuzya u Malaki ukuti ababuzye aba Izilayeli.

Matayi 11:24

Nkubabuzya ukuti pisiku lilyo u Chala akwiza pakubalonga abantu, u Chala akwiza pakubapelela ichisa ichikulu abantu aba mukaya aka Sodomu ukuchila amwe!”

Ukukumbusya Amalamulo 32:32

Abalwani babo babibi nkani, bayanite bulo nu Sodomu nu Gomola, sona bayanite bulo na mampesya amababe, ghagho ghali nubwanga.

1 Timoti 4:2

Ivimanyisyo vinivi ivya bantu abazimbuli, babo umabyebye wabo afuye ngati ochiwe ni chela ichipye.

2 Pitala 2:6

U Chala akatufunda utwaya utwa Sodomu nu Gomola pakutuzimizya numoto, umwakuti chibanje chifwanikizyo icha vintu vivyo vikwiza pakubabonekela abantu babo batakumunyila u Chala.

Yuda 1:7

Mukumbuke sona u Sodomu nu Gomola, nutwaya utupalamani, tuto abantu bache bakalowa nukubomba ivintu ivibibi. Abantu banaba bakafundiwa numoto uwa bwila na bwila pakuba chifwanikizyo ichakubasoka abantu bosi.

Ubuvumbuli 11:8

Imivimba yabo yikwiza pakulambalala mumisebo iya kaya akakulu nkani kako u Mwene wabo akakomeliwamo pachipinjika. Akaya akakulu nkani kala itabwa lyache umwachili bulo we Sodomu, pamo mu Ijiputi.

Ubuvumbuli 19:20

Loli ichinyamana chikalemiwa poka nu mulaghuzi umumyasi, yuyo akabombagha iviswigho pantazi papache. Ni viswigho vilavila akabazimbula abantu babo bakadindiwa ni chidindo icha chinyamana, sona na bantu babo batakachiputa ichifwani icha chinyamana chila. Ichinyamana poka nu mulaghuzi umumyasi yula, bosi babili aba bakasumbiwa bumi munyanja iya moto uwa sulufule.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”

Ubuvumbuli 22:15

Loli kuzi ukwa kaya akakulu nkani kuli imbwa na bamayele na bamalaya na baghoghi na bakwiputa ivifwani sona na babo babughanite ubumyasi.