Yelemiya 23:12 - IBAYIBOLO 2024

¹² “Polelo izila zyabo zizyo bakwendamo zikwiza pakuba zya butyelele, bakwiza pakuchimbiziwa ku chisi, sona bakwiza pakuwila kulakula. Nkwiza pakubizila nintamyo, sona akabalilo aka lufundo kakwiza. Ane ne Mwene nanena.

Yelemiya 23:12 Iomraidhean Croise

Yobu 18:18

Bakamuchimbizyamo mulukozyo, nukumwinjizya muchisi, sona bakumuchimbizyamo muchisu ichapasi.

Masalimo 35:6

Izila zyabo zibanje ni chisi sona batyelemukaye bulo, bo uwantumi uwa Mwene akubachimbizya.

Masalimo 73:18

Naloli wababika pabutyelemuke, po ukubawisya mupaka bananganike.

Masalimo 82:5

“Batakumanyapo nachimochimo sona bate na mahala naghamoghamo. Bakwendakwenda bulo muchisi, ulwalo lwachisu ichapasi lukuyingana.

Ukufuma 32:34

Losi ulu bukagha pakubalongozezya abantu kubuzilo bubo nkakubuzya. Ukumbuke ukuti uwantumi wane akwiza pakubalongolela. Loli isiku likwiza lilyo nkwiza pakubafunda abantu banaba pachifukwa icha mbibi zyabo.”

Ivyili 4:19

Loli izila iya bantu ababibi yili ngati chisi ichakoghofya, batakuchimanya na chicho chibapunuzizye.

Yesaya 8:22

Po bakwiza pakwennya pachisu ichapasi intamyo, nububavu ubukulu nkani ni chisi ichakoghofya, bakwiza pakutaghiwa muchisi.

Yelemiya 11:23

Atakwiza pakuponapo nayumoyumo pachifukwa ichakuti nkwiza pakubawisizya intamyo abantu aba ku Anatoti, mumwaka wabo uwa lufundo.”

Yelemiya 13:16

Mumuchindikaye u Mwene u Chala winyu bo achili pakwiza nichisi, bo ivinama vyinyu vitipunuye muchisi icha mumaghamba. Mukulindilila ulukozyo, loli akwiza pakulupela pakuba chisi ichakoghofya.

Yelemiya 48:44

“Umuntu wesi yuyo akuchimbila ichakoghofya, akwiza pakuwila muchiliba, wesi yuyo akwepamo muchiliba, akwiza pakulemiwa muchipingo, pakuti zinizi nkwiza pakumuwisizya u Mowabu, pakabalilo aka lufundo lwache. Ane ne Mwene nanena.

Yelemiya 50:27

Mubaghoghe abasilikali abalumendo bache bosi, baghoghe bosi, chighune kukwabo! Pakuti isiku lyabo lyabafikila, sona akabalilo kabo aka lufundo kakwana.

Yelemiya 8:12

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nabafunda. Ane ne Mwene nanena.’

Nkuto 2:20

Wee Mwene, ennya sona winong'onayepo zimo. “Nkimba wewenu umubombeyepo lumo bunubu? Fwandi abakolo balyanje abana babo, abana babo babasungagha bene? Nkimba abaputi na balaghuzi, baghogheliwanje Mubuzilo Ubuzelu ubwa Mwene?

Mika 7:4

Umuntu umwiza nkani mumwabo ali ngati we ntolovu, umugholosu nkani ukuchilapo mumwabo ali ngati lupaso ulwa mivwa. Isiku ilyakufundiwa abalindilili bako lyafika lilyo u Chala akubendela. Ilelo kanaka ko kabalilo akakuvulungana.

Yohani 12:35

U Yesu akabamula akati, “Ulukozyo lukwiza pakuba namwe pakabalilo akanandi bulo. Endelela pakubomba bunubu, bo ulukozyo luchili pakasi papinyu, umwakuti ichisi chitakabaghe. Pakuti umuntu yuyo akwenda muchisi atakumanya kuko akubuka.

Ukukumbusya Amalamulo 32:35

Ukutanizya ko kwane, ane nkwiza pakubatanizya babo kubabaghiye. Pakabalilo kache inyayo zyabo zikwiza pakutyelemuka, isiku lyabo ilya ntamyo lili papipi, sona ukunanganika kwabo kukwiza lubilolubilo.

1 Yohani 2:11

Loli nanti umuntu amubengite umukamu wache, kokuti achili ali muchisi. Akwenda muchisi sona atakumanya na kuko akubuka, pachifukwa ichakuti ichisi chamupela pakuba mufwamaso.

Yuda 1:13

Bayanite bulo na mayigha aghakoghofya agha panyanja ghagho ghakufumya itatafulu ilya mbibi zyabo. Bayanite bulo ni ntondwa zizyo zikwendakwenda bulo. U Chala abasungiye ubuzilo ubwa chisi ichakoghofya nkani icha bwila na bwila.