Yelemiya 23:11 - IBAYIBOLO 2024

¹¹ “Bosi babili banaba, abalaghuzi na baputi batakumunyila u Chala, Imbaghite bakubomba ububibi mu Nyumba yane. Ane ne Mwene nanena.

Yelemiya 23:11 Iomraidhean Croise

2 Imbili 33:5

U Manase akazizengela intondwa ivighemo muntanda zyosi zibili izya Nyumba iya Mwene.

2 Imbili 33:7

U Manase akabika mu Nyumba iya Mwene ichifwani chicho akapanga. U Chala akamubuzya u Devedi nu mwana wache u Solomoni akati, “Mu Nyumba iyi, sona mu Yelusalemu muno, bo buzilo bubo imbusalite pakasi panko izya ba Izilayeli, ukuti bubanje buzilo bwane ubwakuchindikiliwamo bwila na bwila.

2 Imbili 36:14

Ukonjelezyapo, abalongozi bosi aba baputi poka na bantu batakaba basubiliwa sona bakakonka inkalo imbibi iya inko izinji, nukuyinyazya Inyumba iya Mwene yiyo akayipaghula mu Yelusalemu.

Ezila 10:18

Abanavuli babo bakaba na bachi abayeni bakaba bo aba: Pakasi pa baluko ulwa Yeshuwa umwana uwa Yozadaki, na bawamwabo pakabapo: U Maseya nu Eliyezeli nu Yalibu nu Gedaliya.

Yelemiya 11:15

Nkimba abantu bane abaghaniwa biza pakubomba choni munyumba yane? Nkimba te mwemwe mwabomba ivintu ivibibi nkani? Fwandi inyama yinyu impaghuliwa yingefyapo ulufundo lwinyu? Bo mukubomba imbibi, po mukusekela.”

Yelemiya 23:15

Polelo, pakunena nizya balaghuzi banaba, u Mwene Uwamaka Ghosi akuti, “Nkwiza pakubalyesya ivyakulya ivibabe, sona bakwiza pakung'wela amizi agha bwanga, pachifukwa ichakuti ukwendela mu balaghuzi aba mu Yelusalemu imbeyu imbibi yapesiwa muchisu chosi.”

Yelemiya 32:34

Bakabika ivifwani munyumba yane iyakwiputilamo nukuyinyazya.

Yelemiya 5:31

Abalaghuzi bakulaghula ivyabumyasi, abaputi bakumanyisya chicho bakulonda, sona abantu bane bakuhoboka na zyosi zinizi. Po nkimba mukwiza pakubomba choni pabumalilo?”

Yelemiya 50:6

“Abantu bane basobelite ngati zyo ng'ozi, abadimi babo babapuvizye nukubapela ukuti bendabendaye pamaghamba. Bakendakenda pamaghamba sona na patughamba, nukuluvya ubuzilo bwabo ubwakutuzyapo.

Yelemiya 6:13

“Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Yelemiya 7:30

“ ‘Abantu aba mu Yuda babomba ububibi pamaso papane. Babika ivifwani vyabo ivinyazu munyumba iyi yiyo yikumanyikwa ni tabwa lyane, sona bayinyazya.

Yelemiya 8:10

Polelo nkwiza pakubalemeka abachi babo abanavuli abanji sona amaghunda ghabo ku bantu abanji. Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Nkuto 2:20

Wee Mwene, ennya sona winong'onayepo zimo. “Nkimba wewenu umubombeyepo lumo bunubu? Fwandi abakolo balyanje abana babo, abana babo babasungagha bene? Nkimba abaputi na balaghuzi, baghogheliwanje Mubuzilo Ubuzelu ubwa Mwene?

Ezekiyeli 23:39

Pisiku lilalila bakabika abana babo pakuba vyakwiyipa kuvifwani vyabo, bakinjila mubuzilo bwane ubuzelu nukubunyazya. Izi zyo zizyo bakabomba munyumba yane.

Ezekiyeli 44:10

“ ‘Aba Levi babo bakepako kukwane bo aba Izilayeli basobela, pachifukwa chakubakonka abachala abanji, babaghiye pakupokela ulufundo pachifukwa icha mbibi zyabo.

Ezekiyeli 7:20

Bakituvyanga ni vintu ivyakwibonesekezya akiza, pakupangila ivifwani ivyamwiko. Polelo nkwiza pakuvipela pakuba vyakubanyazya.

Ezekiyeli 8:11

Pantazi papabo pakimilila abasongo 70 aba Izilayeli nu Yazaniya umwana uwa Shafani, yuyo akimilila pakasi papabo. Umuntu wesi akaba nicha kochelapo utwakununkila munyobe yache, ilyosi ilya vyakununkila likakwela mumwanya.

Ezekiyeli 8:16

Po akanyinjizya mulubinjilo ulwa Nyumba iya Mwene, palapala pamulyango uwa Nyumba iya Chala pakasi pibalaza ni chighemo, pakaba abantu 25. Inkoto zyabo zikennya ku Nyumba iya Mwene bo ivyeni vyabo vikennya kubufumilo bwizuba, bakalyiputagha izuba.

Zefaniya 3:3

Amakambala ghache ghakubuluma ngati nkalamu, abalaghili bache bali ngati bo bakambwe babo bakwenda pachamabwila, batakuchilekapo nachimochimo ichakulya icha pandabindabi.

Zefaniya 3:4

Abalaghuzi bache bakwituvya sona te basubiliwa. Abaputi bache bakubunyazya Ubuzilo Ubuzelu nukuzinangannya indaghilo.