Yelemiya 23:1 - IBAYIBOLO 2024

¹ U Mwene akuti, “Chighune ku badimi babo bakuzinangannya nukuzinyampannya ing'ozi izya mudimo wane!”

Yelemiya 23:1 Iomraidhean Croise

Yelemiya 10:21

Abalongozi bitu bapunganu sona batakubuzikizya kwa Mwene, pachifukwa chinichi ivintu vitakubendela akiza, sona imidimo yabo yinyampanite bulo.

Yelemiya 12:10

Abadimi abinji baghunangannya umughunda wane uwa mampesya, sona bakughukanyankila, baghupela umughunda wane umwiza ghula pakuba nkolongo.

Yelemiya 13:17

Loli nanti mutakuteghelezya, nkwiza pakubalilila kubusyefu, pachifukwa icha mituvyo ghinyu, amaso ghane ghakwiza pakulila nkani, ghakwiza pakwizula namasozi pachifukwa ichakuti ing'ozi izya Mwene zili mubuzya.

Yelemiya 2:26

“Ngati mumo u mwiba akubela ni soni bo alemiwa, momumo aba Izilayeli bakubela ni soni, na bamwene babo na makambala ghabo na baputi babo sona na balaghuzi babo.

Yelemiya 2:8

Abaputi batakalalusyapo ukuti, ‘Nkimba u Mwene ali kwiyi?’ Abamanyandaghilo batakamanya, abalongozi bakansambukila. Abalaghuzi bakalaghulila mwitabwa ilya chala u Baala, nukuvikonka ivifwani vivyo vite ni mbombo.”

Yelemiya 22:22

Impepo yikwiza pakubaputila kubutali abadimi bako bosi, sona abaghaniwa bako bakwiza pakubuka nabo kubuzya. Po isoni zikwiza pakukulema sona ukwiza pakusamuka pachifukwa icha bubibi bwako.

Yelemiya 23:2

Polelo u Mwene u Chala uwa Izilayeli akubabuzya abalongozi babo bakubasungilila abantu bane akuti, “Pachifukwa ichakuti mwabanyampannya abantu bane nukubachimbizizya kubutali, sona mutakubasungilila, nkwiza pakubika ulufundo papinyu pachifukwa icha mbibi zizyo mwabomba.

Yelemiya 50:6

“Abantu bane basobelite ngati zyo ng'ozi, abadimi babo babapuvizye nukubapela ukuti bendabendaye pamaghamba. Bakendakenda pamaghamba sona na patughamba, nukuluvya ubuzilo bwabo ubwakutuzyapo.

Ezekiyeli 13:3

U Mwene Uwamaka Ghosi akuti, “Chighune kubalaghuzi abapunganu, babo bakukonka inyinong'ono zyabo napapo batavyenizyepo ivisetuka navimovimo!

Ezekiyeli 34:1

U Mwene akambuzya akati,

Ezekiyeli 34:21

Ing'ozi idedebazu mukuzisyempya nukuzisunkilizizya kubutali, po mukuzilasa ni mpembe nukuzinyampanizizya kubutali,

Ezekiyeli 34:31

Amwe mwe ng'ozi zyane, ing'ozi zizyo nkuzilyesya, sona ane ne Chala winyu, u Mwene Uwamaka Ghosi anena.’ ”

Ezekiyeli 36:38

ngati ng'ozi zizyo bakubuka pakubika pakuba chakwiyipa mu Yelusalemu palusekelo ulupaghuliwa. Utwaya utukulu nkani tuto tukaba visami tukwiza pakwizula nichilundilo icha bantu. Po bakwiza pakumanya ukuti ane ne Mwene.”

Zekaliya 10:3

U Mwene Uwamaka Ghosi akuti, “Ukukalala kwane kukwaka pabadimi, sona nkwiza pakubafunda abalongozi. Pakuti nkwiza pakuzisungilila ing'ozi zyane, abantu aba mu Yuda, nkwiza pakubapela pakuba bamaka nkani ngati falasi izya bwite.

Matayi 15:14

Baleke bene bulo, abafwamaso banaba, abalongozi aba bafwamaso. Nanti umufwamaso akulongozya umufwamaso uwamwabo, bosi babili bakuwila muchiliba.”

Matayi 9:36

Bo ennya ichilundilo icha bantu, akaba ni chililizi na bantu bala pachifukwa ichakuti bakalita nukutamiwa, pakuti bakayana bulo ni ng'ozi zizyo zite nu mudimi.

Yohani 10:10

Umwiba akwiza pakwiba, pakughogha nukunangannya bulo. Ane nizite ukuti mubanje nubumi, ubumi ubwakufikapo.

Yohani 10:12

Umudimi uwaganyu bulo, yuyo ate mudimi, sona yuyo ing'ozi zite zyache, nanti akuyennya impumpi yikwiza, akuzileka ing'ozi nukuchimbila, po impumpi yikulemapo ing'ozi zila nukuzinyampannya.

Yohani 10:8

Bosi babo bakiza bo ane inchili pakwiza, biba, sona mavyondongo, loli ing'ozi zitakabivwila.