Yelemiya 22:8 - IBAYIBOLO 2024

⁸ “Bo inko inyinji zikudumusannya mukaya akakulu nkani aka zikwiza pakulalusannya ukuti, ‘Nkimba choni chicho u Mwene abomba ichintu chinichi mukaya akakulu nkani kanaka?’

Yelemiya 22:8 Iomraidhean Croise

Yelemiya 16:10

“Bo ukubabuzya abantu banaba amazyu ghosi ghanagha po bakukulalusya bakuti, ‘Nkimba choni chicho u Mwene alamula ukuti ichintu ichipalapala ngati chinichi chituwile? Nkimba twananga ichoni? Fwandi twamubombela mbibi yoni u Mwene u Chala witu?’

Yelemiya 40:2

Bo umulongozi uwa balindilili amwagha u Yelemiya, akamubuzya akati, “U Mwene u Chala wako akanena nizya chintu ichibibi chicho chikwiza pakukawila akaya aka.

Yelemiya 40:3

Sona ilelo u Mwene achikwanilisya. Abomba ngati mumo akanenela ukuti akwiza pakuchibomba. Chosi ichi chikabombiwa pachifukwa ichakuti mwe bantu mukamubombela imbibi u Mwene sona mutakamwivwila.

Nkuto 4:12

Abamwene aba pachisu ichapasi batakuzisubila sona wepe umuntu wesi uwa muchisu ichapasi atakuzisubila ukuti abalwani bakinjila pamilyango iya kaya akakulu nkani aka Yelusalemu.

Ezekiyeli 12:16

Loli nkwiza pakubaleka bamo bumi kubwite, kuzala nakuchiwaya, umwakuti ku inko zizyo bakubukako bitikizyanje inyiho zyabo imbibi. Po bakwiza pakumanya ukuti ane ne Mwene.”

Ezekiyeli 14:23

Ukwiza pakusangalusiwa nanti wennya inkalo yabo ni mbombo zyabo, po mukwiza pakumanya ukuti intabombitepo nachimochimo awe mukaya akakulu nkani bo pate ichifukwa ichenecho.” U Mwene Uwamaka Ghosi anena.

Ezekiyeli 39:23

Inko zikwiza pakumanya ukuti abantu aba mu Izilayeli bakabuka kubuzya pachifukwa icha mbibi zyabo, pakuti batakaba basubiliwa kukwane. Nkabafisa icheni chane, nukubabika munyobe izya balwani babo, po bakafwila kubwite.

Ezekiyeli 5:15

Ukwiza pakuba chintu chakusekiwa ni chakusamuliwa. Sona ukwiza pakuba we soki ni chintu ichakoghofya ku inko zizyo zikuzyunguliye, bo nkubafunda amwe mu kukalala sona na mubukali bwane nukubachemela.

Daniyeli 9:7

“Wee Mwene, awe we mugholosu, loli ilelo tuli ni soni nkani. Abantu babo bakwikala muchisu icha Yuda, ni icha Yelusalemu sona na mu Izilayeli mosi, bosi aba papipi naba kubutali, sona na kuvyisu vyosi kuko ubanyapanizizye, pachifukwa ichakuti tute basubiliwa kukwako.