Yelemiya 22:5 - IBAYIBOLO 2024

⁵ Loli nanti mutakwivwila amalamulo, ane ne Mwene nkulapa ukuti inyumba iya bumwene iyi yikwiza pakuba chisami.’ ”

Yelemiya 22:5 Iomraidhean Croise

Ubwandilo 22:16

nukuti, “U Mwene akuti, ‘Nkulapa ukuti nkwiza pakukusaya nkani pachifukwa ichakuti utakanyima umwana wako, mwene na mwene.

2 Imbili 7:19

“Loli nanti waghasula amalamulo ni ndaghilo zyane, zizyo nkupiye nukubabombela abachala abanji pakubiputa,

2 Imbili 7:21

Napapo inyumba iyi nyiza nkani, abantu bosi babo bakudumusannya pano bakwiza pakuswigha nukulalusya ukuti, ‘Nkimba choni chicho u Mwene achibombela bunubu ichisu ichi ni Nyumba iyi?’

2 Imbili 7:22

Po abantu bakwiza pakwamula ukuti, ‘Pachifukwa ichakuti bakamukana u Mwene u Chala uwa banyenya babo, yuyo akabefya mu Ijiputi. Bakilondela bene abachala abanji nukubiputa sona nukubabombela. Ichi cho chifukwa u Mwene abawisizya intamyo zyosi zinizi.’ ”

Masalimo 95:11

Po nkalapa mubukalale bwane nkati, ‘Batakwiza pakwinjilamo nalumo muchisu chane icha butuzyo.’ ”

Yesaya 1:20

Loli nanti mukunkana nukunsambukila mukwiza pakughoghiwa nupanga.” Pakuti ane ne Mwene nanena.

Yelemiya 12:7

“Imbalekite aba Izilayeli, imbakanite abampyana yane, Nababika abaghaniwa bane munyobe izya balwani babo.

Yelemiya 17:27

Loli nanti mutakunyivwila nukulisungilila Isiku Ilyakutuzya ukuti libanje lizelu sona nanti mutakunyamula u katundu bo mukwinjila pamilyango iya Yelusalemu Pisiku Ilyakutuzya, po nkwiza pakukozya u moto pamilyango iya Yelusalemu, ghugho ghutakuzimapo nalumo. U moto ghula ghukwiza pakulungulizya amalinga ghache.’ ”

Yelemiya 26:4

Ubabuzye ukuti, ‘Umu momumo u Mwene akunenela: Nanti mutakunyivwila nukukonka ululaghilo lwane lulo nkabapa,

Yelemiya 39:8

Abantu aba Babiloni bakayocha inyumba iya bumwene ni nyumba izya bantu nukulimongolannya ilinga ilya Yelusalemu.

Yelemiya 44:26

Loli ivwa amazyu agha Mwene mwe ba Yuda mwebosi mwe mukwikala mu Ijiputi. U Mwene akuti, ‘Nkulapila mwitabwa lyane ikulu ukuti: Atalipo nayumoyumo umu Yuda yuyo akwikala mu Ijiputi akwiza pakulapila sona mwitabwa linili ukuti, “Nkulapa mwitabwa ilya Mwene Uwamaka Ghosi umumi.”

Amosi 6:8

U Mwene u Chala Uwamaka Ghosi alapila mwitabwa lyache akuti, “Ingabengite amituvyo agha Izilayeli, ghope amalinga ghabo ingabengite. Nkwiza pakukapoka akaya akakulu nkani, poka ni vintu vivyo vili mulamula.”

Mika 3:12

Polelo pachifukwa icha mwemwe, u Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.

Matayi 23:38

Ennya, ilelo Inyumba yinyu iya Chala yikwiza pakuba chisami.

Aba Hebeli 3:18

Nkimba bo bawenu babo akabalapila ukuti batakwiza pakwinjilamo nalumolumo muchisu chache icha butuzyo? Nkimba batakaba bantu babo bakamusambukila?

Aba Hebeli 6:13

Bo u Chala akumulayizya u Abulahamu, akalapa mwitabwa ilyache ni lyache, pakuti atakabapo nayumo umuntu uwakumuchila.

Aba Hebeli 6:17

Abantu babo bakabaghila pakupyana zizyo u Chala akabalayizya, u Chala akalondagha pakubalanjizya pabuzelu nkani ukuti atakwiza pakwandulapo nalumolumo inyinong'ono zyache. Po akonjelezyapo ichilapo kwilayizyo lyache.