Yelemiya 22:3 - IBAYIBOLO 2024

³ U Mwene akuti: Ulongelaye inongwa mubugholosu na mubwanaloli. Umupokaye umuntu munyobe izya bayinvyi sona na yuyo afyuliwe ivyache. Utakamubombelaye nachimochimo ichibibi umuyeni, pamo umupina, pamo umwana umulanda, pamo umukolo umufwilwe, sona utakakupulaye ibanda ilya bantu babo bate nakalema mubuzilo bunubu.

Yelemiya 22:3 Iomraidhean Croise

2 Samuweli 23:3

U Chala uwa Izilayeli akanena, Ilyalabwe ilya Izilayeli likanena nane likati, ‘Nanti umuntu akubalaghila abantu mubwanaloli nanti akubalaghila umwakumunyila u Chala,

2 Abamwene 24:4

Ukonjelezyapo ukubaghogha abantu abasita nongwa. Pakuti u Manase akizuzya akaya akakulu nkani aka Yelusalemu ni banda ilya bantu babo bate ninongwa nayimoyimo, po u Mwene atakalondagha pakumuhobokela u Manase.

Yobu 22:9

Ukababwezya abakolo abafwilwe nyobe zyene, nukubayivya abana abalanda.

Yobu 24:9

Abana abalanda bakuzompoliwa bo bali pakonka, ababonda aba bantu abapina bakusendiwa pakuba chikole.

Masalimo 68:5

Uwise uwa balanda, sona nu muvighilili uwa bakolo abafwilwe, we Chala yuyo akwikala mu Nyumba yache izelu.

Masalimo 82:4

Mubatabule abadedebazu na bapotwe, mubapokaye munyobe izya bantu ababibi.

Masalimo 94:21

Bakubavwima abagholosu, po bakubaghogha abantu babo bate ninongwa.

Masalimo 94:6

Bakubaghogha abakolo abafwilwe na bayeni babo bakwikala muchisu chitu, na bana abalanda bulo, bope bakubaghogha,

Ukufuma 22:21

“Mutakamuyivyanje pamo ukumukanyilila umuyeni, pakuti namwe bulo mukabapo mwe bayeni muchisu icha Ijiputi.

Ukufuma 22:22

“Utakasendelayepo ulusako pa bakolo abafwilwe pamo abana abalanda.

Ivyili 23:10

Utakakefyanje ichimanyilo icha mpaka iyakale, pamo ukwinjila mumughunda uwa bana abalanda.

Ivyili 6:17

Ivintu vinivi vyo ivi: Amaso agha mituvyo nu lulimi ulwakutamanta, inyobe zizyo zikumughogha umuntu yuyo ate ninongwa nayimoyimo,

Yesaya 1:23

Abalongozi bako basambuke, sona baba bo bamanyani aba biba. Baghanite nkani pakupokela amabeko, sona akabalilo kosi bakulonda vyo vyabupi. Batakubavighilila abana abalanda, pamo pakuteghelezya inongwa izya bakolo abafwilwe.

Yesaya 58:6

“Ukutuzya pakulya kuko nkulonda ko uku, Ukubasatula babo bapinyiwe nukwefya ivyakupinyila ikoli, nukubasatula babo bakuyiviwa, nukupyola ikoli lyosi.

Yesaya 58:7

Nkimba te kugabana ichakulya nababo bali nizala, nukubasendela kunyumba yako babo bakwendenda bulo, nukubavwika babo bate namenda, nukubavwa abakamu bako?

Yelemiya 19:4

Nkwiza pakuchibomba ichi pachifukwa ichakuti abantu bandeka, sona babunyazya ubuzilo ubu pakubika ivyakwiyipa ku bachala babo abayeni, babo abene pamo abanyenya babo batabamenye nalumolumo, pamo abamwene aba muchisu icha Yuda. Babwizuzya ubuzilo bunubu nibanda ilya bantu babo bate ninongwa nayimoyimo.

Yelemiya 21:12

Wee nyumba iya Devedi! Ulongelaye inongwa mubugholosu indabindabi yosi, yuyo ali muntamyo mumupokaye munyobe iya muyinvyi, yuyo afyuliwa, pamo ubukali bwane bungaka ngati moto, pachifukwa icha bubibi bwinyu, sona nukuti atalipo nayumoyumo uwakughuzimya.

Yelemiya 22:17

“Loli amaso ghako nu moyo wako vili pabukabi ubwa buzimbuli, vili pakukupula ibanda ilya bantu abasita nongwa nayimoyimo, sona nukubayivya abantu abasita nongwa nayimoyimo, nukufyula ivintu vyabo.”

Yelemiya 26:16

Po amakambala na bantu bosi bakababuzya abaputi na balaghuzi bakati, “Umuntu uyu atakaghoghiwe! Pachifukwa ichakuti anenelagha mwitabwa ilya Mwene u Chala witu.”

Yelemiya 5:28

binite sona bali na mabili amatyelemusu. Ububibi bubo bakubomba bute ni mpaka, batakulongela mubugholosu inongwa izya bana abalanda ukuti zibendele akiza sona batakubalwila abantu abapina.

Yelemiya 7:23

loli nkabapa ilamulo ilyakuti: Munyivwilaye po nkwiza pakubanga ne Chala winyu sona amwe mukwiza pakubanga mwe bantu bane. Muzikonkaye izila zyosi zizyo nkubalamula, nanti mukulonda ukuti ivintu vibendelaye akiza.

Yelemiya 9:24

Wesi yuyo akulonda ukwituvya, ituvikizyanje muchintu ichakuti, ammenye sona akunyivwisya, ukuti ane ne Mwene uwachisa, uwanaloli, sona umugholosu pachisu ichapasi, pakuti nkuhoboka na zinizi. Ane ne Mwene nanena.

Nkuto 3:36

Nanti mukubunyongannya ubwanaloli panongwa, nkimba u Mwene atakuzyennya zinizi?

Ezekiyeli 18:12

Akubayivya abapina na bapotwe. Akwiba sona atakunyosya vivyo akakopa. Akwiputa ivifwani. Akubomba ivintu ivyamwiko.

Ezekiyeli 18:7

Atakumuyivyapo nayumoyumo, loli akunyosya vivyo akasenda pankongole. Atakwiba loli akubapa ichakulya babo bali nizala, sona akubapa ivyakuvwala babo bali nkule.

Ezekiyeli 22:7

Pakasi papako abantu babasamula abapapi babo nukubayivya abayeni na balanda sona na bafwilwe.

Ezekiyeli 45:9

“ ‘U Mwene Uwamaka Ghosi akuti: Mwabomba imbibi akabalilo akatali, mwee bamwene aba muchisu icha Izilayeli! Leka ivyongo nukubayivya abantu sona mubombaye ubwanaloli nu bugholosu. Mutakabachimbizyanjemo abantu bane muchisu chabo, u Mwene Uwamaka Ghosi anena.

Yoweli 3:19

Loli u Ijiputi akwiza pakuba chisami, wepe u Edomu akwiza pakuba nkolongo, pachifukwa icha kulwa ubwite na bantu aba mu Yuda nukukupula ibanda ilya bantu babo bate ninongwa muchisu chabo.

Aba Levi 19:15

“ ‘Utakanyongannye ubwanaloli bo ukulonga inongwa, sona utakasalilaye pakasi pabantu abapina na bakabi, loli ulongelaye mubwanaloli.

Amosi 5:15

Mububenge ububibi, mubughane ubwiza, sona mubombe ubwanaloli pabulongi. Lumo u Mwene u Chala Uwamaka Ghosi akwiza pakubapelela ichisa abantu abakusyalako abaluko ulwa Yosefu.

Amosi 5:24

Loli buleke ubwanaloli bwendaye ngati lusoko, bope ubugholosu bwendaye ngati kasoko kako katakupwa nalumo.

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Mika 6:8

Wee muntu, u Mwene akulanjizya kale chicho chiza. Nkimba u Mwene akulonda choni kukwako? Ukuti ubombaye ubwanaloli, ubanje we wachisa, sona wiyisyanje pamaso pa Chala wako.

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Matayi 23:23

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukubika kwa Chala ichigaba choka pa vigaba 10 ivya vilungo vyinyu ngati bo busambya nu kale nu kanyezi, loli mukukana ukwivwila ichimanyisyo ichapamwanya nkani icha Ndaghilo, pakuba bwanaloli, ni chisa nu busubiliwa. Ivi vyo vintu vivyo mubombaye ukusita pakuvilekapo vimo.

Ukukumbusya Amalamulo 10:18

Akubalwila abana abalanda na bakolo abafwilwe. Akubaghana abayeni babo bakwikala pakasi papinyu, sona akubapa ichakulya na menda.

Ukukumbusya Amalamulo 24:17

Mubalongelaye mubwanaloli abayeni pamo abalanda, sona mutakamufyule umwenda umukolo umufwilwe pakuba chikole.

Ukukumbusya Amalamulo 24:7

Nanti umuntu yuyo akumwiba umu Izilayeli uwamwabo, pamo akumupima pakuba muzya, pamo akumughulizya, umuntu yulayula aghoghiwanje. Bunubu mukwiza pakwefyapo ububibi pakasi papinyu.

Ukukumbusya Amalamulo 25:1

Buli nanti abantu babili bakudalinkana, po bakubuka ku balongi, babo bakwiza pakudumula inongwa yila. Abalongi bala bakumunena ukuti weka ate ninongwa, nukumunena uyunji yula ukuti ali ninongwa.

Ukukumbusya Amalamulo 27:19

“Aghuniwanje umuntu wesi yuyo akusendelapo ulusako pa bayeni, na balanda sona na bakolo abafwilwe.” Po abantu bosi bamule batinji, “Ameni!”

Yakobo 1:27

Ichiputo ichanaloli, chicho chite ni chilema pamaso pa Chala u Tata cho ichi: Ukubasungilila abana abalanda na bakolo abafwilwe muntamyo zyabo, sona nukwisungilila wemwene ukuti utakinyazyanje ni vintu ivya muchisu ichapasi.