Yelemiya 22:21 - IBAYIBOLO 2024

²¹ Nkakusoka bo ufwasite, loli ukati, ‘Intakwivwa napo panandi!’ Momumo wabeleye bo uchili we mulumendo, utakaghivwila amalamulo ghane.

Yelemiya 22:21 Iomraidhean Croise

2 Imbili 33:10

U Mwene akanena nu Manase na bantu bache, loli abantu batakabikilako umoyo.

Masalimo 129:1

U Izilayeli anenaye atinji, Abalwani bane banjivya nkani ukwanda ko kubulumendo bwane.

Ivyili 30:9

Pakuti nanti naba mukabi nkani, nkwiza pakwikuta nukwanda pakukukana, pamo nanti naba mupina nkwiza pakwiba ivya bantu po nkwiza pakulinyazya itabwa ilya Chala wane.

Yesaya 48:8

Mutavyivuyepo pamo ukuvimanya, ukwanda bulo kale amakutu ghinyu ghatighukitepo. Pachifukwa ichakuti nkumanya ukuti awe we mulwani, ukitiziwanga ukuti we musambuke, ukwanda ko kubwana bwako.

Yelemiya 13:10

Abantu ababibi aba, babo bakukana pakuteghelezya ku mazyu ghane, sona bakukonka ubukafu ubwa moyo ghabo, bakubabombela nukubiputa abachala abanji, bakwiza pakuba ngati we lamba yuyo ate nimbombo nayimoyimo!

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 2:25

Utakendaye vinama vyene sona pimilo lyako patakabanje inyota. Loli awe ukati, ‘Chite ni mbombo! Imbaghanite abachala abayeni, sona imbaghiye pakubakonka.’

Yelemiya 2:31

Amwe mwe bantu aba nkulilo iya ilelo, ivwa zizyo u Mwene akunena. Nkimba name ne nkolongo kwa Izilayeli pamo ichisu icha chisi ichikulu? Nkimba choni chicho abantu bane bakuti, ‘Aswe twe bantu abasatuke, tutangiza sona kukwako?’

Yelemiya 25:3

Ukwamaka 23 napokela amazyu ukufuma kwa Mwene (ukwandila mumwaka uwa 13, uwa Yosiya umwana uwa Amoni u mwene uwa ba Yuda mupaka mwisiku linili) ghagho naghanenagha nukubabuzya kabilikabili, loli mutakivwa.

Yelemiya 25:4

Loli napapo u Mwene akabatumila ababombi bache abalaghuzi kabilikabili, pope bulo mutakivwa pamo ukuteghelezya.

Yelemiya 25:7

Loli u Mwene akuti, “Mutakanyivwila, sona mwankalalizya ni mbombo izya nyobe zyinyu, sona mwivulazya mwebene.”

Yelemiya 25:8

Polelo u Mwene Uwamaka Ghosi akuti, “Pachifukwa ichakuti mutaghivwila amazyu ghane,

Yelemiya 3:24

Loli ukwandila ku bulumendo bwitu, abachala abakozya isoni batupela aswe ukuti tutaghe vyosi, vivyo abanyenya bitu bakatubombela, kokuti imidimo iya ng'ozi niya ng'ombe, abana babo abalumendo na balindu ukwanda kale.

Yelemiya 3:25

Zagha tulambalale pasi bo tuli nisoni, sona ukwisamula kwitu kutuvwinke. Pakuti twamunangila u Mwene u Chala witu, aswe poka na banyenya bitu, ukwandila ko kubulumendo bwitu mupaka nilelo, sona twapotwa pakumwivwila u Mwene u Chala witu.”

Yelemiya 32:30

“Pakuti ukwandila po pa bwana bwabo, aba Izilayeli naba Yuda batabombitepo nazimozimo inyiza loli bo bubibi bwene pamaso papane, imbombo yabo yakunkalalizya ni mbombo zyabo imbibi.

Yelemiya 35:15

Kabilikabili nkabatumilagha ababombi bane abalaghuzi ukuti bize bababuzye ukuti, “Umuntu wesi mumwinyu azileke imbombo zyache imbibi. Yannya inkalo zyinyu, sona mutakabakonkaye abachala abanji nukubabombela. Po mukwiza pakwikala muchisu chicho imbapiye amwe na baghuso.” Loli pope bulo mutakanteghelezya sona mutakanyivwila.

Yelemiya 48:11

U Mwene akuti, “U Mowabu ame pamutende ukwanda pabulumendo bwache, ngati bwalwa bubo butikaye nkani mumasika ghache, bubo butapunguliwe musonta yimo nukwinjila musonta iyinji, atabukiteko kubuzya. Po inkalo yache yili ngati mumo yikabela, sona umunusi wache ghuli ngati mumo ghukabela.

Yelemiya 6:16

U Mwene akuti, “Imilila mulubazu mumusebo nukutalankannya, lalusya izila izya kale. Lalusya kuko kuli izila inyiza sona nukwendamo mulamula, po imizimu yinyu yikwiza pakubwagha ubutuzyo. Loli amwe mukati, ‘Tutakwiza pakwendamo.’

Ezekiyeli 20:13

“ ‘Loli pope bulo abantu aba mu Izilayeli bakansambukila munkolongo. Batakazikonka indaghilo zyane loli bakaghakana amalamulo ghane napapo umuntu yuyo akughivwila akubanga nubumi. Bakaghanyazya Amasiku ghane Aghakutuzya. Po nkinong'onagha pakubapungulila ubukali bwane nukubanangannya munkolongo.

Ezekiyeli 20:21

“ ‘Loli abana babo bakansambukila, batakazikonka indaghilo zyane, sona batakabikilako umoyo pakukonka amalamulo ghane, ghagho nanti umuntu akughakonka akuba nubumi. Bakaghanyazya Amasiku ghane Aghakutuzya. Po nkwiza pakupungulila ubukali bwane papabo nukubakalalila munkolongo.

Ezekiyeli 20:28

Bo nabinjizya muchisu chicho nkafingana nabo pakubapa sona bo bennya akaghamba pamo ikwi ilyakulemba amani, palapala bakabika ivyakwiyipa vyabo sona ni vyabupi vivyo vikankalalizya, nukubika ichakwiyipa icha utwakununkila poka ni chakwiyipa icha vinyo.

Ezekiyeli 20:8

“ ‘Loli bakansambukila ane sona batakanteghelezya, batakavyefyamo ivifwani vivyo bakuvyiputa, pamo pakuvileka ivifwani ivya mu Ijiputi po nkati: Nkwiza pakubapungulila ubukali bwane nukukalala kwane bo bali muchisu icha Ijiputi.

Zefaniya 3:2

Katakumwivwila nayumoyumo, sona katakwitika ukuchemeliwa. Katakumusubila u Mwene, katakupalamila kwa Chala wache.

Zekaliya 7:7

Nkimba te mazyu ghagho u Mwene akalumbilila ukwendela mubalaghuzi abavula intazi bala, bo akaya aka Yelusalemu poka nutwaya utukulu tuto tukazyunguliye tuli pamutende sona, kuchigaba icha kuntende sona na mumaghamba, kuko bakikalagha?’ ”

Ukukumbusya Amalamulo 31:27

Pakuti inzimenye ukuti amoyo ghinyu makafu nkani, sona mukunsambukila. Nanti mukumusambukila u Mwene, bo inchili ne mumi, po zingaba bulibuli nanti infuye!

Ukukumbusya Amalamulo 9:24

Amwe mwamusambukila u Mwene ukwandila pakabalilo kako nkabamanyilagha.

Ukukumbusya Amalamulo 9:7

Mukumbukaye namumo mukamukalalizizya u Mwene u Chala winyu munkolongo. Ukwandila pisiku lilyo mukepelaghamo mu Ijiputi mupaka pisiku lilyo mukafikila kuno, amwe mwamusambukila u Mwene.