Yelemiya 22:18 - IBAYIBOLO 2024

¹⁸ Polelo u Mwene pakunena nizya Yehoyakimu umwana uwa Yosiya u mwene uwa Yuda akuti, “Atakwiza pakubapo nayumoyumo uwakumulila ukuti, ‘Wee, wamwitu! Wee, muyemba wane!’ Atakwiza pakubapo nayumoyumo uwakumulila ukuti, ‘Wee mwene wane! Wee muchindikiwa wane!’

Yelemiya 22:18 Iomraidhean Croise

2 Samuweli 1:26

Nkukulila awe we wamwitu Yonatani, pakuti ukaba we wapamoyo wane. Ulughano lwako papane lukaba lwakufikapo, sona lwakuswighisya ukuluchila ulughano ulwa bakolo.

1 Abamwene 13:30

Po umulaghuzi umughosi yula akaghusyila umuvimba ghula mumapumpa agha pakaya kache, sona pakumulila bakatinji, “Wee mukamu wane!”

2 Abamwene 23:36

U Yehoyakimu akaba na maka 25 bo anda pakulaghila, sona akalaghila amaka 11 bo ali mu Yelusalemu. Unyina akaba we Zebida, umwana uwa Pedaya uwamu Luma.

2 Abamwene 23:6

Akachefyamo ichifwani icha chala umukolo u Ashela mu Nyumba iya Mwene, akabuka nacho kwikombe ilya Kidiloni kuzi ukwa kaya akakulu nkani aka Yelusalemu, nukuchocha kulakula. Akachisya pakuba litoyi, po akalisumbila itoyi lila mumapumpa agha bantu bulo.

2 Abamwene 24:6

U Yehoyakimu akafwa. Po umwana wache u Yehoyakini akamupyana pakuba we mwene.

1 Imbili 3:15

Abana aba Yosiya bakaba bo aba: Umwana wache ukatote akaba we Yohanani. Umwana wache uwabubili akaba we Yehoyakimu. Umwana wache uwabutatu akaba we Zedekiya sona uwafolo akaba we Shalumu.

2 Imbili 35:25

Umulaghuzi u Yelemiya akata inyimbo izya pamfwa iya Yosiya, umwakuti mupaka nilelo bulo abimbi bosi abanavuli na bakolo bakumulila u Yosiya. Ulu lukaba lulaghilo mu Izilayeli sona lusimbiwe mwibuku ilya Chililo.

2 Imbili 36:5

U Yehoyakimu akaba na maka 25 bo anda pakulaghila, sona akalaghila amaka 11 bo ali mu Yelusalemu. U Yehoyakimu akamunangila u Mwene u Chala wache.

Yelemiya 16:4

“Bakwiza pakufwa nu bubine ubupalapala nkani. Batakwiza pakubalila pamo pakubasyila loli bakwiza pakuba ngati vinyazu vivyo vili pachisu. Bakwiza pakufwa nu bwite sona nizala. Imivimba yabo yikwiza pakuba chakulya icha viyuni ni vinyamana.”

Yelemiya 16:6

Bosi abasongo na banandi bulo, bakwiza pakufwila muchisu chinichi. Batakwiza pakubasyila pamo pakubalila, sona atalipo nayumoyumo uwakwibola mwene pamo uwakwimwa mwene kumutu, pachifukwa icha chitima.

Yelemiya 21:11

U Mwene akamubuzya u Yelemiya akati, “Ubabuzye abamunyumba iya Yuda uti: Ivwa amazyu agha Mwene.

Yelemiya 22:10

Utakamulililaye u mwene umufwe pamo pakumufwifwitilila, loli umulililaye yuyo epamo muchisu chache nukusendiwa pakuba muzya, pachifukwa ichakuti atakwiza pakunyokelako sona nukuchennya ichisu chicho akapapiliwamo.

Yelemiya 22:12

Akwiza pakufwila kubuzya, atakwiza pakuchennya nalumolumo ichisu ichi.”

Yelemiya 34:5

Loli ukwiza pakufwila mumutende. Ngati mumo abantu bakabikila utwakocha utwakununkila pakusyiliwa ukwa banyenya bako, babo bakaba bamwene bo awe uchili pakwinjila ubumwene, momumo bakwiza pakochela utwakununkila pakusyiliwa kwako nukukulila. Pakukwimbila inyimbo izya pafwa, bakwiza pakutinji, “U mwene witu afwa!” Ane ne Mwene nanena.’ ”

Yelemiya 36:30

Pakunena nizya Yehoyakimu u mwene uwa ba Yuda u Mwene akuti: Atakwiza pakubapo nayumoyumo uwakupyana pachitengo icha bumwene ubwa Devedi, umuvimba wache ghukwiza pakusumbiwa nukulekiwa pizuba pamusanya sona pabusiku ghukwiza pakulekiwa mubukatazu.