Yelemiya 22:16 - IBAYIBOLO 2024

¹⁶ Akabalongela akiza inongwa abapina na bakusobelwa, vyosi vikamwendela akiza. Nkimba ichi chitakulanjizya ukuti ammenye? Ane ne Mwene nanena.

Yelemiya 22:16 Iomraidhean Croise

1 Imbili 28:9

“Wee mwana wane Solomoni, umwivwilaye nukumubombela u Chala uwa ghuso nu moyo wako ghosi pakuti u Mwene azimenye inyinong'ono izya muntu na kabombele kache. Nanti ukumulondelezya, ukwiza pakumwagha, loli nanti ukumusula, wepe akwiza pakukukana bwila na bwila.

Masalimo 109:31

Pakuti u Mwene akwimilila papipi na bantu aba kusobelwa, ukuti abapoke ku bantu babo bakudumula ukuti baghoghiwanje.

Masalimo 36:10

Ubaghanaye abantu babo bakumenye, sona ubalanjizyanje ubulugholosu abantu babo bali na moyo aghanaloli.

Masalimo 9:10

Babo balimenye itabwa lyako, bakwiza pakukusubila, pakuti we Mwene utabalekitepo nalumo babo bakukulonda.

Ivyili 31:9

Unenaye sona ulongelaye mubwanaloli, ubimilaye abapina na bapotwe.

Yesaya 1:17

Mumanyilaye pakubomba imbombo ingolosu, mubombelaye mubwanaloli, sona mubakazyanje abantu babo bakuyivyiwa. Mubasungililaye abana abalanda sona mubimilaye abakolo abafwilwe pa nongwa zyabo.”

Yelemiya 5:28

binite sona bali na mabili amatyelemusu. Ububibi bubo bakubomba bute ni mpaka, batakulongela mubugholosu inongwa izya bana abalanda ukuti zibendele akiza sona batakubalwila abantu abapina.

Yelemiya 9:16

Nkwiza pakubanyampanizizya pakasi pa inko zizyo abene pamo abanyenya binyu batazimenye nalumo, nukubatumila abasilikali pakubamala bosi.”

Yelemiya 9:24

Wesi yuyo akulonda ukwituvya, ituvikizyanje muchintu ichakuti, ammenye sona akunyivwisya, ukuti ane ne Mwene uwachisa, uwanaloli, sona umugholosu pachisu ichapasi, pakuti nkuhoboka na zinizi. Ane ne Mwene nanena.

Yelemiya 9:3

U Mwene akuti, “Bakupeteka indimi zyabo ngati bwele pakulasa ubumyasi, ichisu chizuye nu bumyasi mubuzilo ubwakwizula nu bwanaloli. Batakutuzya pakubomba imbibi, sona nako kumumanya batamumenye.

Mika 6:8

Wee muntu, u Mwene akulanjizya kale chicho chiza. Nkimba u Mwene akulonda choni kukwako? Ukuti ubombaye ubwanaloli, ubanje we wachisa, sona wiyisyanje pamaso pa Chala wako.

Yohani 16:3

Abantu bakwiza pakubabombela zinizi pakuti batamumenye Utata, sona nane bulo batamenye.

Yohani 17:3

Nanti abantu bakumanye awe, we Chala wemwene uwanaloli, sona nukumumanya u Yesu Kilisitu, yuyo ukamutuma, bakwiza pakuba nubumi ubwa bwila na bwila.

Yohani 17:6

“Nakuvumbula awe ku bantu babo ukampa pakasi pabantu aba muchisu ichapasi. Bakaba bako, po awe ukampa ane. Bivwila amazyu ghako,

Yohani 8:19

Bakamulalusya bakati, “Ali ko kwiyi ughuso?” U Yesu akamula akati, “Ane mutamenye, wepe nu Tata mutamumenye. Nanti mukamanyagha ane, ngali wepe Utata wane mumumenye.”

Titi 1:16

Bakwipima bene ukuti bamumenye u Chala, loli mumbombo zyabo bakumukana. Abene banyazu, na basita ukwivwila, sona batabaghiye napo panandi pakubomba ichintu ichiza.

1 Samuweli 2:2

“Atalipo nayumo yuyo muzelu ngati we Mwene, sona ataliko nayumoyumo yuyo ayanite nawe. Litalipo nalimolimo ilyalabwe ilinji, lilyo liyanite nu Chala witu.