Yelemiya 22:15 - IBAYIBOLO 2024

¹⁵ “Nkimba ukwinong'ona ukuti, we mwene uwakubachila abamwinyu, pachifukwa ichakuti uzengeye inyumba yako na matabwa agha mwale? Nkimba ughuso atakaba ni chakulya sona ni chakung'wela? Akabomba chicho chikaba chigholosu sona ni chanaloli po vyosi vikamwendela akiza.

Yelemiya 22:15 Iomraidhean Croise

2 Samuweli 8:15

U Devedi akalaghilagha mu Izilayeli mosi, sona akabombelagha vyosi mubwanaloli na mubugholosu pakasi pa bantu bosi.

1 Abamwene 10:9

Umupalaye u Mwene u Chala wako yuyo ahobokite nawe nukukwikazya pachitengo icha bumwene ubwa Izilayeli. Pachifukwa ichakuti u Mwene abaghanite nkani aba Izilayeli nu lughano ulwa bwila na bwila, akupakazya ukuti ubanje we mwene umwakuti ulaghilaye mubwanaloli na mubugholosu.”

2 Abamwene 22:2

Akamuhobosya u Mwene pakubomba ingolosu, sona akabombagha zyosi zizyo umunyenya wache u Devedi akabombagha, po atakapaghukila kundilo pamo kumongo.

2 Abamwene 23:25

Bo u Yosiya atimikiwe pakuba we mwene, patakabapo nayumoyumo u mwene yuyo akayana nawe, yuyo nu moyo wache ghosi ni nyinong'ono zyache zyosi sona na maka ghache ghosi akiyipa kwa Mwene ukuyana nu Lulaghilo ulwa Mozesi sona atakabapo nayumoyumo kwisinda kukwache yuyo akayana nawe.

1 Imbili 3:15

Abana aba Yosiya bakaba bo aba: Umwana wache ukatote akaba we Yohanani. Umwana wache uwabubili akaba we Yehoyakimu. Umwana wache uwabutatu akaba we Zedekiya sona uwafolo akaba we Shalumu.

2 Imbili 34:2

Akamuhobosya u Mwene pakubomba ingolosu sona akabombagha zyosi zizyo umunyenya wache u Devedi akabombagha, po atakapaghukila kundilo pamo kumongo.

2 Imbili 35:22

Pope bulo u Yosiya atakaleka pakulwa nawe ubwite, po akiyandula mwene nukuba ngati muntu uyunji ukuti alwe nawe ubwite. Atakateghelezyanga zizyo u Chala akamulamula u Neko, loli akabuka pakulwa nawe ubwite mwikombe ilya Megido.

2 Imbili 35:26

Imbombo izinji zyosi zizyo u Yosiya akabomba nukwiyipa kwache kosi ukuyana namumo zizyo zisimbiwe mu Ndaghilo izya Mwene

Ivyili 20:28

Ulughano nu busubiliwa vikumusungilila u mwene sona ichitengo chache chikusungililiwa nu bugholosu.

Ivyili 21:3

Ukubomba ingolosu ni nyiza, kukumuhobosya u Mwene ukuchila ichakwiyipa.

Ivyili 25:5

Efyapo ububibi pamaso agha mwene, po ubumwene bwache bukwiza pakwikalana pachifukwa icha bugholosu.

Ivyili 29:4

Nanti u mwene akulongela mubwanaloli ichisu chikwikalana, loli yuyo akupokela amabeko akuchinangannya ichisu.

Ivyili 31:9

Unenaye sona ulongelaye mubwanaloli, ubimilaye abapina na bapotwe.

Umulumbilili 10:17

Wee musayiwa we ichisu chicho u mwene wache we mwana uwa muntu umumanyikwe, sona nanti amakambala ghache ghakulyanga pakabalilo kache umwakuti ghabanje na maka, te ukuti ghatakakolwanje, awe.

Umulumbilili 2:24

Ichintu ichiza nkani chicho umuntu angachibomba mubumi bwache ko kulya nukung'wela sona nukwilagha imbombo zyache. Nkwennya ukuti vyope vinivi vikufuma kwa Chala.

Yesaya 3:10

Babuzye abagholosu ukuti vikwiza pakubendela akiza, pakuti bakwiza pakwilagha ivikomwa ivya mbombo zyabo.

Yesaya 33:16

umuntu yunuyu akwiza pakwikala pamwanya, ubuzilo bwabo ubwakuponelamo, bukwiza pakuba lilinga ilya lighamba, akwiza pakupokela ichakulya, sona atakwiza pakusobelwapo amizi.

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Yelemiya 21:12

Wee nyumba iya Devedi! Ulongelaye inongwa mubugholosu indabindabi yosi, yuyo ali muntamyo mumupokaye munyobe iya muyinvyi, yuyo afyuliwa, pamo ubukali bwane bungaka ngati moto, pachifukwa icha bubibi bwinyu, sona nukuti atalipo nayumoyumo uwakughuzimya.

Yelemiya 22:18

Polelo u Mwene pakunena nizya Yehoyakimu umwana uwa Yosiya u mwene uwa Yuda akuti, “Atakwiza pakubapo nayumoyumo uwakumulila ukuti, ‘Wee, wamwitu! Wee, muyemba wane!’ Atakwiza pakubapo nayumoyumo uwakumulila ukuti, ‘Wee mwene wane! Wee muchindikiwa wane!’

Yelemiya 22:3

U Mwene akuti: Ulongelaye inongwa mubugholosu na mubwanaloli. Umupokaye umuntu munyobe izya bayinvyi sona na yuyo afyuliwe ivyache. Utakamubombelaye nachimochimo ichibibi umuyeni, pamo umupina, pamo umwana umulanda, pamo umukolo umufwilwe, sona utakakupulaye ibanda ilya bantu babo bate nakalema mubuzilo bunubu.

Yelemiya 23:5

“Amasiku ghakwiza ghagho ane ne Mwene nkwiza pakubimikila u mwene umugholosu pa banyenya aba Devedi. Weyuyo akwiza pakubalaghila abantu mubugholosu na mumahala, sona akwiza pakulongelagha mubugholosu na mubwanaloli inongwa izya bantu aba muchisu.

Yelemiya 42:6

Manyi vikutuhobosya pamo vikutukalalizya, aswe tukwiza pakumwivwila u Mwene u Chala witu yuyo tukukutumako, umwakuti vitwendele akiza, pakuti tukwiza pakumwivwila u Mwene u Chala witu.”

Yelemiya 7:5

“ ‘Nanti naloliloli mukuyannya inkalo zyinyu ni mbombo zyinyu sona mukulongelana mubugholosu,

Luka 11:41

Loli mubapanje abapina vivyo vili mukasi mumbako ni mbale, po vyosi vikwiza pakubaswepela.

Imbombo 2:46

Isiku ni siku bakakomanagha pakabukatila mu Nyumba iya Chala, nukumenyannya ichibama poka munyumba zyabo, bakalyanga mubuhobosu na moyo aghakwiyisya,

1 Aba Kolinti 10:31

Po manyi mukulya, pamo mukung'wela, manyi mukubomba akantu kosi, mubombaye vyosi bulo ukuti mumuchindike u Chala.

Ukukumbusya Amalamulo 4:40

Muzikonkaye indaghilo na malamulo ghache ghosi ghagho nkubapa ilelo, umwakuti ivintu vyosi vibendelaye akiza, amwe na bana binyu, sona nukuti mwendelele pakwikala muchisu chicho u Mwene u Chala winyu akubapa ukuti chibanje chinyu bwila na bwila.