Yelemiya 22:12 - IBAYIBOLO 2024

¹² Akwiza pakufwila kubuzya, atakwiza pakuchennya nalumolumo ichisu ichi.”

Yelemiya 22:12 Iomraidhean Croise

2 Abamwene 23:29

Bo u mwene u Yosiya akulaghila, u Falabo u Neko uwamu Ijiputi akabuka kulusoko ulwa Yufuleti pakumwavwa u mwene uwamu Asiliya. U mwene u Yosiya akabuka pakulwa nawe ubwite. Loli u Falabo Neko akamughoghela u Yosiya ku Megido.

2 Abamwene 23:34

U Falabo Neko akamwimika u Eliyakimu umwana uwa Yosiya pakumupyana uwise, po akalyandula itabwa lyache pakuba we Yehoyakimu. U Falabo Neko akamusenda u Yehowahazi nukubuka nawe ku Ijiputi, nukufwila kulakula.

Yelemiya 22:18

Polelo u Mwene pakunena nizya Yehoyakimu umwana uwa Yosiya u mwene uwa Yuda akuti, “Atakwiza pakubapo nayumoyumo uwakumulila ukuti, ‘Wee, wamwitu! Wee, muyemba wane!’ Atakwiza pakubapo nayumoyumo uwakumulila ukuti, ‘Wee mwene wane! Wee muchindikiwa wane!’

Yelemiya 22:27

Mutakwiza pakunyokelako sona kuchisu chicho mukulonda pakunyokelako.”

Yelemiya 42:18

U Mwene Uwamaka Ghosi, u Chala uwa Izilayeli akuti, ‘Ngati mumo ubukali bwane sona nukoghofya kwapunguliliwa ku bantu babo bakwikala mu Yelusalemu, momumo ubukali bwane bukwiza pakupunguliliwa papinyu bo mukubuka ku Ijiputi. Mukwiza pakuba chintu chicho abantu bakuchighuna sona nichakoghofya, ni chamusamu pamo ichakusekiwa, mutakwiza pakubwennya sona ubuzilo bula.’ ”

Aba Levi 26:38

Mukwiza pakufwila muchisu icha bantu aba inko injeni, sona ichisu icha balwani binyu chikwiza pakubamila.