Yelemiya 22:11 - IBAYIBOLO 2024

¹¹ Pakunena nizya Shalumu umwana uwa Yosiya, yuyo akamupyana u wise pakuba we mwene uwa Yuda, u Mwene akuti, “Akepamo muno sona ate akanyokelemo nalumolumo.

Yelemiya 22:11 Iomraidhean Croise

2 Abamwene 23:29

Bo u mwene u Yosiya akulaghila, u Falabo u Neko uwamu Ijiputi akabuka kulusoko ulwa Yufuleti pakumwavwa u mwene uwamu Asiliya. U mwene u Yosiya akabuka pakulwa nawe ubwite. Loli u Falabo Neko akamughoghela u Yosiya ku Megido.

2 Abamwene 23:30

Po amakambala gha Yosiya ghakaghunyamulila umuvimba wache mungolo nukubuka nagho ku Yelusalemu. Bakamusyila mwipumpa ilyache ni lyache. Po abantu aba mu Yuda bakamusenda umwana wache u Yehowahazi, bakamupakazya amafuta nukumwimika pakuba we mwene pakumupyana uwise.

2 Abamwene 23:31

U Yehowahazi akaba na maka 23 bo anda pakulaghila, sona akalaghila amezi matatu bulo bo ali mu Yelusalemu. Unyina akaba we Hamutali umwana uwa Yelemiya, uwamu Libina.

2 Abamwene 23:34

U Falabo Neko akamwimika u Eliyakimu umwana uwa Yosiya pakumupyana uwise, po akalyandula itabwa lyache pakuba we Yehoyakimu. U Falabo Neko akamusenda u Yehowahazi nukubuka nawe ku Ijiputi, nukufwila kulakula.

1 Imbili 3:15

Abana aba Yosiya bakaba bo aba: Umwana wache ukatote akaba we Yohanani. Umwana wache uwabubili akaba we Yehoyakimu. Umwana wache uwabutatu akaba we Zedekiya sona uwafolo akaba we Shalumu.

2 Imbili 28:12

Po abalongozi bamo aba muchisu icha Efulayimu, kokuti u Azaliya umwana uwa Yehohanani nu Belekiya umwana uwa Meshilemoti nu Yehizikiya umwana uwa Shalumu sona nu Amasa umwana uwa Hadilayi bakasusannya na basilikali babo bakafuma kubwite.

2 Imbili 34:22

U Hilikiya poka na bantu babo bakatumiwa nu mwene bakabuka pakubuzikizya ku mulaghuzi umukolo u Hulida, umuchi uwa Shalumu umwana uwa Tokati, umwana uwa Hasila, yuyo akaba musungi uwa menda. U Hulida akikalagha mu Yelusalemu muchigaba ichabubili.

Yelemiya 22:27

Mutakwiza pakunyokelako sona kuchisu chicho mukulonda pakunyokelako.”

Zefaniya 1:1

Pakabalilo aka bulaghili ubwa Yosiya umwana uwa Amoni, yuyo akaba we mwene uwa chisu icha Yuda, u Mwene akamubuzya u Zefaniya umwana uwa Kushi, umwizukulu uwa Gedaliya umwana uwa Amaliya, yuyo akaba waluko ulwa Hezekiya akati,