Yelemiya 21:9 - IBAYIBOLO 2024

⁹ Umuntu wesi yuyo akwikala mukaya akakulu nkani aka, akwiza pakughoghiwa nupanga, nizala pamo ni chiwaya. Loli bosi babo bakwibika munyobe izya ba Babiloni babo bakubavwima, bakwiza pakuba nubumi.

Yelemiya 21:9 Iomraidhean Croise

Yelemiya 14:12

Napapo bangatuzya pakulya, ntakwiza pakwivwa ukulila kwabo, napapo bangabika ivyakwiyipa ivyakocha sona ni vyakwiyipa ivya busu pope bulo ntakwiza pakubapokela. Mubuzilo bwache, nkwiza pakubanangannya nupanga, nizala sona ni chiwaya.”

Yelemiya 21:7

Pisinda pache u Mwene akuti, ‘Abantu aba nkwiza pakubabika munyobe izya Nebukadineza u mwene uwa Babiloni nakubalwani babo bakulonda pakubaghogha: U Zedekiya u mwene uwa ba Yuda, poka na makambala ghache na bantu aba mukaya akakulu nkani aka, babo bakapona kuchiwaya nupanga na kuzala. U Nebukadineza akwiza pakubaghogha nupanga, atakwiza pakubapelela ichisa pamo pakubapasikizya pamo pakuba nichililizi.’

Yelemiya 24:10

Nkwiza pakubatumila ubwite, nizala sona ni chiwaya mupaka bosi bananganike muchisu chicho nkabapa abene poka na banyenya babo.’ ”

Yelemiya 27:11

“ ‘Loli uluko losi lulo lukwiza pakumulambila u mwene uwa muchisu icha Babiloni nukumubombela, nkwiza pakululeka ukuti lusyale muchisu chache umwakuti lulimaye mulamula. Ane ne Mwene nanena.’ ”

Yelemiya 27:12

Nkamubuzya sona amazyu ghanagha u Zedekiya u mwene uwa chisu icha Yuda. Nkati, “Umulambilaye u mwene uwamu Babiloni, umubombelaye yuyo na bantu bache, po ukwiza pakupona.

Yelemiya 27:13

Nkimba choni chicho awe poka na bantu bako mufwilaye kubwite, nizala sona ni chiwaya, chicho u Mwene akaloghofya uluko losi lulo lutakamubombelagha u mwene uwa chisu icha Babiloni?

Yelemiya 38:2

“Umu momumo u Mwene akunenela: Wesi yuyo akwikala mukaya akakulu nkani aka akwiza pakughoghiwa nu bwite, nizala pamo ichiwaya, loli wesi yuyo akufumamo nukubuka kuba Babiloni akwiza pakuba mumi.

Yelemiya 38:3

U Mwene akuti: Akaya akakulu nkani aka kakwiza pakubikiwa munyobe izya basilikali aba abamwene uwa ku Babiloni, yuyo akwiza pakukafyula akaya akakulu nkani aka.”

Yelemiya 39:18

Nkwiza pakukupoka, utakwiza pakufwila kubwite awe, loli ukwiza pakubupoka ubumi bwako pachifukwa ichakuti unsubiye.’ Ane ne Mwene nanena.”

Yelemiya 45:5

Nkimba choni chicho ukwilondela ivintu ivya pamwanya? Utakavilondaye awe. Pakuti nkwiza pakubizila abantu nintamyo, loli kosi kuko ukubuka nkwiza pakukuleka mumi.’ ”

Ezekiyeli 5:12

Ichigaba ichabutatu icha bantu bakwiza pakufwa ni chiwaya pamo nizala, ichigaba ichabutatu bakwiza pakufwila kubwite kuzi ukwa kaya kinyu akakulu nkani, sona ichigaba ichabutatu nkwiza pakubanyampannya kosi na kosi, nukubachimbizya nupanga.