Yelemiya 21:7 - IBAYIBOLO 2024

⁷ Pisinda pache u Mwene akuti, ‘Abantu aba nkwiza pakubabika munyobe izya Nebukadineza u mwene uwa Babiloni nakubalwani babo bakulonda pakubaghogha: U Zedekiya u mwene uwa ba Yuda, poka na makambala ghache na bantu aba mukaya akakulu nkani aka, babo bakapona kuchiwaya nupanga na kuzala. U Nebukadineza akwiza pakubaghogha nupanga, atakwiza pakubapelela ichisa pamo pakubapasikizya pamo pakuba nichililizi.’

Yelemiya 21:7 Iomraidhean Croise

Yesaya 27:11

Nanti isamba zyache zyumila zikupyoka, sona abakolo bakuzitenya nukuzipela pakuba nkwi. Pakuti banaba bo bantu babo batakwivwa, po Umupeli wabo ate ni chililizi nabo, Umupeli wabo atakubapelela ichisa.

Yesaya 47:6

Nkabakalalila abantu bane nukubayivya ngati po te bampyana yane, nkababika munyobe zyako, po utakabapelela ichisa. Na pabaghosi bulo pope ukabikapo ikoli ing'wamu.

Yelemiya 13:14

Nkwiza pakubakomezya imitu abawise nabana. Ntakwiza pakubapelela ichisa napo panandi sona ntakwiza pakubahobokela mupaka imbanangannye.’ ”

Yelemiya 14:12

Napapo bangatuzya pakulya, ntakwiza pakwivwa ukulila kwabo, napapo bangabika ivyakwiyipa ivyakocha sona ni vyakwiyipa ivya busu pope bulo ntakwiza pakubapokela. Mubuzilo bwache, nkwiza pakubanangannya nupanga, nizala sona ni chiwaya.”

Yelemiya 15:5

Wee Yelusalemu, nkimba wewenu yuyo angakupelela ichisa? Nkimba wewenu yuyo akwiza pakukulila? Fwandi wewenu yuyo atakwiza pakukulalusya nizya bumi bwako?”

Yelemiya 15:9

U nyina uwa bana seveni akwiza pakuzilika nukuzililika. Izuba likwiza pakumwinjilila pakasi pamusanya bulo. Akwiza pakukoziwa isoni nukusamuliwa. Abakusyalikila bosi nkwiza pakubaghogha pamaso pabalwani babo. Ane ne Mwene nanena.”

Yelemiya 19:7

“ ‘Pabuzilo bunubu nkwiza pakuvulungannya imbatiko zyosi izya bantu aba muchisu icha Yuda nicha Yelusalemu. Abalwani babo bakwiza pakubapota nukubaghoghela kubwite. Nkwiza pakuvipa iviyuni ni vinyamana imivimba yabo ukuti cho chibanje chakulya chabo.

Yelemiya 20:4

Pakuti u Mwene akuti, ‘Nkwiza pakukupela pakuba we muntu uwakoghofya ku wemwene sona na kubamanyani bako, na maso aghako na ghako ukwiza pakubennya bosi bakughoghiwa nupanga uwa balwani babo. Abantu bosi aba mu Yuda bakwiza pakuba pasi pabulaghili ubwa mwene uwa ichisu icha Babiloni, akwiza pakubasenda bamo pakuba bazya sona akwiza pakubaghogha bamo.

Yelemiya 22:25

Nkwiza pakukubika munyobe izya bantu babo bakubulonda ubumi bwako, babo ukubanyila, kokuti kwa Nebukadineza u mwene uwa Babiloni sona na bantu bache.

Yelemiya 27:6

Ilelo nkwiza pakuvibika ivyisu vyosi vinivi munyobe izya mubombi wane u Nebukadineza u mwene uwa chisu icha Babiloni. Namupa sona ivinyamana ivya munkolongo ukuti avilaghilaye.

Yelemiya 32:4

U Zedekiya u mwene uwamu Yuda atakwiza pakupona munyobe izya bantu aba mu Babiloni, loli bakwiza pakubikiwa munyobe izya mwene uwa Babiloni. Akwiza pakunenezannya nukwenannya nawe pamaso na pamaso.

Yelemiya 34:3

Utakwiza pakuponapo munyobe zyache. Loli ukwiza pakulemiwa nukubikiwa munyobe zyache. Ukwiza pakumwennya u mwene uwa ku Babiloni na maso ghako, sona akwiza pakunena nawe pamaso na pamaso. Po akwiza pakukusenda nukubuka nawe ku Babiloni.

Yelemiya 36:29

Umubuzye sona u Yehoyakimu u mwene uwa ba Yuda ukuti, ‘U Mwene akuti: Awe ukalyocha ibuku lila nukunena ukuti, “Nkimba choni chicho ukasimbamo ukuti naloliloli u mwene uwa Babiloni akwiza nukuchinangannya ichisu ichi sona akwiza pakughoghamo abantu ni vinyamana?”

Yelemiya 37:17

Po u mwene u Zedekiya akamwitizya u Yelemiya nukumupokela munyumba yache iya bumwene mumo akamulalusya bo bali bene bulo akati, “Nkimba ghalipo ghamo amazyu ghagho u Mwene akubuzizye?” U Yelemiya akamula akati, “Ghalipo, ukwiza pakubikiwa munyobe izya mwene uwa ku Babiloni.”

Yelemiya 50:17

U Mwene akuti, “Aba Izilayeli bali ngati zyo ng'ozi zizyo zinyampanite bulo, zizyo inkalamu zyazichimbizya. U mwene uwa ku Asiliya weyuyo akaba wakwanda pakubaghogha. Nebukadineza u mwene uwa ku Babiloni weyuyo akaba wabumalilo pakughamemena amafupa ghabo.

Nkuto 2:20

Wee Mwene, ennya sona winong'onayepo zimo. “Nkimba wewenu umubombeyepo lumo bunubu? Fwandi abakolo balyanje abana babo, abana babo babasungagha bene? Nkimba abaputi na balaghuzi, baghogheliwanje Mubuzilo Ubuzelu ubwa Mwene?

Nkuto 2:22

“Ukabitizya abalwani bane kunkuto zyosi ngati mumo ukubitizizya abantu kulusekelo. Pisiku lilyo u Mwene akakalala, atakabapo nayumoyumo uwakupona pamo uwakusyala mumi. Bosi babo nkabapakatapo nukubalela, abalwani bakabaghogha.”

Ezekiyeli 23:28

“Pakuti u Mwene Uwamaka Ghosi akuti: Indi papipi pakukubika munyobe izya babo pisinda pache ukababenga, sona abantu babo ukabakalalila pachifukwa ichabunyazu bwabo.

Ezekiyeli 7:9

Ntakwiza pakubapelela ichisa, pamo pakubaleka bulo. Nkwiza pakutanizya pachifukwa icha nkalo yinyu, sona ni mbombo zyinyu izya mwiko pakasi papinyu. Po mukwiza pakumanya ukuti, ane ne Mwene yuyo akughogha.

Ezekiyeli 8:18

Polelo, ntakwiza pakubaleka bulo, ntakwiza pakubapelela ichisa pamo ukubaleka bumi. Napapo bakukolomoka mumakutu ghane, ntakwiza pakubateghelezya.”

Ezekiyeli 9:10

Po ntakwiza pakubapelela ichisa pamo pakubaleka bumi, loli nkwiza pakubatanizya pazizyo babombite.”

Ukukumbusya Amalamulo 28:50

Uluko lunulu lukwiza pakuba lwakoghofya nkani, lulo lutakwiza pakumupelela ichisa nayumoyumo umuntu, manyi mwana, manyi muntu umughosi.