Yelemiya 21:4 - IBAYIBOLO 2024

⁴ ‘U Mwene u Chala uwa Izilayeli akuti: Ivilwilo ivya bwite vivyo muvilemite vikwiza pakubanyokela, ivilwilo vivyo mukulwila nu mwene uwa Babiloni nababwite bache, babo bakazyunguliye akaya kinyu bimiliye kuzi ukwa malinga ghinyu. Nkwiza pakubabungannya abasilikali babo mukaya akakulu nkani aka.

Yelemiya 21:4 Iomraidhean Croise

Yesaya 10:4

Chitalipo nachimo chicho chikwiza pakusyala, loli mukwiza pakulemiwa nukubuka, namwe mubuzya pamo pakughoghiwa. Pa zyosi zinizi, ubukali bwache butakutozoka, inyobe yache yichili yigholokite bulo.

Yesaya 13:4

Teghelezya, ichongo pamaghamba, ngati chachilundilo ichikulu nkani! Teghelezya, ichongo ichikulu nkani pakasi pamabumwene, ngati inko zizyo zikubungana poka! U Mwene Uwamaka Ghosi akubabungannya abasilikali bache, ukuti balwe ubwite.

Yesaya 5:5

Nkwiza pakubabuzya zizyo nkwiza pakubomba, nu mughunda wane uwa mampesya. Nkwiza pakwefyako ulubagha lulo lughuzyunguliye, nukulumongolannya ulubumba lulo lughuzighiliye, po ghukwiza pakukanyankiliwa

Yelemiya 20:4

Pakuti u Mwene akuti, ‘Nkwiza pakukupela pakuba we muntu uwakoghofya ku wemwene sona na kubamanyani bako, na maso aghako na ghako ukwiza pakubennya bosi bakughoghiwa nupanga uwa balwani babo. Abantu bosi aba mu Yuda bakwiza pakuba pasi pabulaghili ubwa mwene uwa ichisu icha Babiloni, akwiza pakubasenda bamo pakuba bazya sona akwiza pakubaghogha bamo.

Yelemiya 21:3

Loli u Yelemiya akamula akati, “Mumubuzye u Zedekiya ukuti,

Yelemiya 32:24

“Ennya namumo abalwani bazengeye amakwelelo umwakuti bakafyule akaya akakulu nkani aka Yelusalemu. Pachifukwa icha bwite, nizala ni chiwaya akaya kanaka kakwiza pakubikiwa munyobe izya bantu aba mu Babiloni. Zizyo mukanena zyabombiwa ngati mumo mukwenezya.

Yelemiya 32:3

U Zedekiya u mwene uwamu Yuda akamwighalila u Yelemiya mulamula nukumulalusya ukuti, “Nkimba choni chicho ukulaghula ukuti, ‘Umu momumo u Mwene akunenela akuti: Indi papipi pakukalemeka akaya akakulu nkani aka munyobe izya mwene uwamu Babiloni, sona akwiza pakukafyula?

Yelemiya 32:5

Akwiza pakumusenda u Zedekiya nukubuka nawe ku Babiloni kuko akwiza pakwikala mupaka amubombele zimo. Nanti mukulwa na bantu aba mu Babiloni, mutakwiza pakubapota.’ ”

Yelemiya 33:5

Abaluko ulwa Babiloni bakwiza nu bwite sona inyumba izya Yelusalemu zikwiza pakwizula nimivimba iya bantu babo nkwiza pakubaghogha bo nkalaye. Nkwiza pakuchifisa icheni chane ku kaya akakulu nkani aka pachifukwa icha mbibi zyache zyosi.

Yelemiya 35:17

“Polelo, u Mwene u Chala Uwamaka Ghosi, u Chala uwa Izilayeli akuti, ‘Teghelezya! Nkwiza pakubanangannya aba Yuda na bantu bosi babo bakwikala mu Yelusalemu, pachifukwa ichakuti batakanyivwila bo nkunena nabo, batakanyamula bo nkubitizya.’ ”

Yelemiya 39:3

Po amakambala ghosi agha mwene uwa chisu icha Babiloni ghakinjila nukwikala pa Mulyango uwa Pakasikasi. Ghakaba gho agha: U Neligali Shalezala uwamu Samugala nu Nebo Salasekimu usongo nkani uwa basilikali nu Neligali Shalezala, ikambala ilya pamwanya poka na makambala ghosi aghanji agha mwene uwamu Babiloni.

Yelemiya 52:18

Bakasenda sona isonta na mafosholo nivya nyale na mabeseni sona ni vibombelo vyosi ivya mukuba, vivyo vikaba vibombelo pakabalilo aka chiputo mu Nyumba iya Mwene.

Nkuto 2:3

Mubukalale bwache azidumulannya impembe zyosi izya Izilayeli, sona aleka pakutwavwa pamaso pa balwani bache. Akwaka ngati ndimi izya moto pakasi pa Yakobo, ngati moto ghugho ghukulungulizya chosi chicho chili papipi nagho.

Nkuto 2:5

U Mwene aba ngati mulwani, po amumilite u Izilayeli. Azimongolannya inyumba zyache zyosi izya bumwene, sona aghanangannya amalinga ghache. Po abalizya inkuta ni chililo muchisu icha Yuda.

Nkuto 2:7

U Mwene achisulannya ichighemo chache, sona abukana ubuzilo bwache ubuzelu. Avibika munyobe izya balwani, ivibumba ivya nyumba zyache izya bumwene. Ichongo chikivwika mu Nyumba iya Mwene, nkaninkani pisiku ilya lusekelo.

Ezekiyeli 39:3

Po nkwiza pakubukomela pasi ubwele bwako munyobe yako imongo nukutuwisya utulasilo munyobe yako indilo.

Hoseya 9:12

Napapo bangabalela abana, nkwiza pakubasenda. Chighune nkani ku bantu banaba, bo nepukako kukwabo!

Zekaliya 14:2

Nkwiza pakuzibungannya inko zyosi umwakuti zilwe ubwite nu Yelusalemu. Akaya akakulu nkani kakwiza pakulemiwa sona inyumba zikwiza pakufyuliwa, bope abakolo bakwiza pakulemiwa pamaka. Abantu bamo abanandi bulo bakwiza pakuba bazya, loli abantu abanji bosi batakwiza pakubefyamo mukaya akakulu nkani.

Matayi 22:7

U mwene yula akakalala nkani, po akatuma abasilikali bache ababwite pakughogha abaghoghi bala nukocha akaya kabo.