Yelemiya 21:13 - IBAYIBOLO 2024

¹³ Nkulwana nawe Yelusalemu, we ukwikala mwikombe pakaghamba aka mabwe ukuti, ‘Nkimba wewenu yuyo angalwana naswe? Nkimba wewenu yuyo akwiza pakwinjila mwilinga lyitu?’ Ane ne Mwene nanena.

Yelemiya 21:13 Iomraidhean Croise

Masalimo 125:2

Ngati mumo amaghamba ghamuzyunguliye u Yelusalemu, umwakuyana bulo u Mwene abafukatiye abantu bache, ukwanda ilelo mupaka bwila na bwila.

Ukufuma 13:20

Aba Izilayeli bakepamo mukaya aka Sukoti nukuzenga ivisakasa pa Etamu mulubazu ulwa nkolongo.

Ukufuma 13:8

Pisiku linilyo mubabuzye abana binyu ukuti, ‘Tukuba nu lusekelo ulu pachifukwa icha zizyo u Mwene akatubombela, bo tukwepamo muchisu icha Ijiputi.’

Yesaya 22:1

Agha gho mazyu aghabulaghuzi ghagho ghakunena nizya ikombe ilya chisetuka: Nkimba choni chicho chikubombiwa ilelo, ukuti mwebosi mukwele patusonje?

Yelemiya 17:3

Pamaghamba ghane agha muchisu, ni chuma chinyu sona nu bukabi bwinyu, vikwiza pakufyuliwa na balwani binyu, poka nu buzilo bwinyu ubwapamwanya, pachifukwa icha mbibi zyinyu zizyo mubombite muchisu chinyu chosi.

Yelemiya 21:5

Ane nemwene nkwiza pakulwa namwe namaka ghane ghosi, nukukalala kwane kosi sona nu bukali bwane bosi.

Yelemiya 49:16

Ukwituvya ukwa moyo wako kwakuzimbula, awe we ukwikala mumpako izya mabwe, sona na patughamba pamwanya nkani. Napapo ungazenga ichivulumbo chako, pamwanya ngati lyo lizwanga, pope bulo nkwiza pakukwisya. U Mwene anena.

Yelemiya 50:31

U Mwene Uwamaka Ghosi akuti, “Ennya, nkwiza pakulwa nawe, wee muntu uwa madinko awe, pakuti isiku lyako lyafikila, akabalilo akakuti ufundiwe kakwana.

Yelemiya 51:25

“Wee Babiloni, we lighamba ilyakunangannya, nkulwana nawe, wewe ukuchinangannya ichisu chosi ichapasi. Ane ne Mwene nanena. “Nkwiza pakukukoma ni nyobe yane, nukukubungulukizya pasi ukufuma pilyalabwe, nkwiza pakukupela pakuba lighamba ilyakulungulila.

Yelemiya 7:4

Mutakaghasubilaye amazyu agha bumyasi ghagho ghakuti, “Iyi yo Nyumba iya Mwene, Inyumba iya Mwene, Inyumba iya Mwene!”

Nkuto 4:12

Abamwene aba pachisu ichapasi batakuzisubila sona wepe umuntu wesi uwa muchisu ichapasi atakuzisubila ukuti abalwani bakinjila pamilyango iya kaya akakulu nkani aka Yelusalemu.

Ezekiyeli 13:8

“Polelo u Mwene Uwamaka Ghosi akuti: Pachifukwa ichakuti mwanena amazyu agha bumyasi, sona nukuti ivisetuka vyinyu vyabumyasi, po nkubasusya u Mwene Uwamaka Ghosi anena.

Ezekiyeli 21:3

sona uchibuzye ukuti, ‘U Mwene akuti: Ane nkulwana namwe. Nkwiza pakuwesa upanga munyambi yache nukubaghogha mwebosi abagholosu na babibi.

Ezekiyeli 34:10

U Mwene Uwamaka Ghosi akuti: Indi pabwite na badimi, nkubasusya abadimi pachifukwa icha ng'ozi zyane. Nkwiza pakubafyula ing'ozi zyane umwakuti abadimi batakwiza pakuzilyesya sona. Nkwiza pakuzipoka ing'ozi zyane kumilomo yabo, po zitakwiza pakuba chakulya chabo.

Ezekiyeli 5:8

U Mwene Uwamaka Ghosi akuti, “Nane bulo nkulwana nawe Yelusalemu nkwiza pakukufunda pamaso pa inko.

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Nahumu 2:13

U Mwene Uwamaka Ghosi akuti, “Ane imbasambukiye amwe. Nkwiza pakuzyocha numoto ingolo zyinyu izya bwite, sona abana binyu abalumendo bakwiza pakughoghiwa kubwite. Nkwiza pakubafyula vyosi vivyo mukabafyula abantu abanji muchisu ichapasi. Izyu ilya ntumi zyinyu litakwiza pakwivwika sona.”