Yelemiya 20:9 - IBAYIBOLO 2024

⁹ Loli nanti nkunena nkuti, “Ntakwiza pakumutambula u Mwene, pamo pakulinena itabwa lyache,” pakuti izyu lyache lili mumoyo wane ngati moto, lili ngati moto ghugho ghukocha mumafupa ghane. Nalita pakulisunga mukasi, naloliloli ntangachibomba.

Yelemiya 20:9 Iomraidhean Croise

Masalimo 39:3

Umoyo wane ghukatamiwa nkani, sona bo nkwinong'ona, umoto ghukakagha, po nkati:

Yelemiya 23:29

“Nkimba amazyu ghane ghatayanite bulo numoto? Nkimba ghatayanite bulo ni nyondo yiyo yikutizannya ibwe pakuba tumenyumenyu?

Yelemiya 23:9

Pakunena nizya balaghuzi, umoyo wane ghuli nichitima nkani, amafupa ghane ghakutetema. Indi ngati muntu yuyo akolizwe, umuntu yuyo u vinyo amumalite amaka pachifukwa icha Mwene sona na mazyu ghache amazelu.

Yelemiya 4:19

Mwee, intamyo! Mwee intamyo! Nkwigholola nu bubavu. Mwee umoyo wane ghukubaba, umoyo wane ghukukoma nkani, nkupotwa pakuba myee. Pakuti nivwa ukulila ukwa lipati, nivwa ichongo icha bwite.

Yelemiya 6:11

Loli nizuye nu bukali ubwa Mwene, nalita pakwilema. U Mwene akuti, “Pungulila ubukali bunubu pa bana aba mumisebo napa balumendo babo babunganite poka, bosi umulume nu muchi wache bakwiza pakulemiwa mumo, abasongo na baghosi bulo.

Ezekiyeli 3:14

Umuzimu akanyamulila mumwanya nukubuka nane, po umoyo wane ghukababa sona nkakalala, pakuti u Mwene akampa amaka.

Ezekiyeli 3:3

Akambuzya akati, “Wee mwana uwa muntu, lyanga ibuku lilyo nkukupa po wikute.” Nkalya, likanona ngati buchi.

Amosi 3:8

Inkalamu yabuluma, nkimba wewenu atanganyila? U Mwene Uwamaka Ghosi anena, nkimba wewenu yuyo atangalaghula?

Yona 1:2

“Bukagha kukaya akakulu nkani aka Ninive nukulumbilila amazyu sona nukubasusya pachifukwa ichakuti nennya ububibi bwabo.”

Yona 1:3

Loli u Yona akamuchimbila u Mwene nukubuka kuchisu icha Talishishi. Akabuka ku Yopa kuko akabwagha ubwato ubukulu nkani bukubuka ku Talishishi. Akalipila indalama izya kwendela ukuti abuke nabo ku Talishishi, umwakuti amuchimbile u Mwene.

Luka 9:62

U Yesu akati, “Umuntu wesi yuyo akwanda pakulima nukwennya kwisinda, atabaghiye mu Bumwene ubwa Chala.”

Imbombo 17:16

Bo u Pabuli akumulindilila u Sila mu Ateni, akakalala nkani, bo azyaghannya ukuti akaya akakulu nkani kosi kala kizuye ni vifwani.

Imbombo 18:5

Bo u Sila nu Timoti bafika ukufuma muchigaba icha Makedoniya, u Pabuli akiyipa akabalilo kache kosi pakulumbilila amazyu, ukubasimikizya aba Yuda ukuti u Yesu we Mesiya.

Imbombo 4:20

Pakuti tutangaleka pakunena zizyo twiyenezya na maso ghitu, sona nukwiyivwila na makutu ghitu.”