Yelemiya 20:8 - IBAYIBOLO 2024

⁸ Nanti nkuti inene, nkulila, nukukolomoka nemwene bulo nukuti, “Ulombwa kuno! Ukunanganika kuno!” Wee Mwene, nkusekiwa nukusamuliwa akabalilo kosi, pachifukwa ichakuti nkulumbilila amazyu ghako.

Yelemiya 20:8 Iomraidhean Croise

2 Abamwene 2:23

U Elisha akepako ku Yeliko nukubuka ku Beteli. Bo akwenda muzila, abalumendo bamo aba mukaya akakulu kala bakanda pakumobezya bakati, “Epako kuno we wachipala! Epako kuno we wachipala!”

2 Imbili 36:16

Loli bakazyobezya intumi zyache nukughasulannya amazyu ghache sona bakabasamula abalaghuzi bache, po u Mwene akabakalalila nkani abantu bache, umwakuti patakabapo nayumoyumo uwakupona.

Yesaya 57:4

Nkimba mukumuseka uwenu? Nkimba wewenu yuyo mukumobezya, nukumufumizizya ululimi kuzi? Nkimba amwe mute luko ulusambuke, abana aba bamyasi?

Yelemiya 15:10

Wee mayi, nkimba choni chicho nkapapiwa, ukuti imbe wakulwana na bantu pachisu chosi? Intakopezizyepo lumo indalama ku muntu sona intakopitepo nalumo ku muntu, loli pope bulo bakunguna.

Yelemiya 15:15

Po nkati, “Wee Mwene uzimenye zyosi, unkumbuke nukunsungilila. Ubatanizye imbibi babo bakunvwima. Umpelele ichisa sona utakabusende ubumi bwane. Uzimanye ukuti nkutamiwa pachifukwa icha wewe.

Yelemiya 17:27

Loli nanti mutakunyivwila nukulisungilila Isiku Ilyakutuzya ukuti libanje lizelu sona nanti mutakunyamula u katundu bo mukwinjila pamilyango iya Yelusalemu Pisiku Ilyakutuzya, po nkwiza pakukozya u moto pamilyango iya Yelusalemu, ghugho ghutakuzimapo nalumo. U moto ghula ghukwiza pakulungulizya amalinga ghache.’ ”

Yelemiya 20:7

Wee Mwene, wanzimbula, sona nazimbuliwa. Awe uli namaka ukunchila, wampota. Nkobeziwa isiku lyosi, umuntu wesi akunseka.

Yelemiya 28:8

abalaghuzi abavula intazi, bakalaghula nizya bwite, nintamyo impalapala sona ni chiwaya vivyo vikwiza pakuziwila inko inyinji sona nu bumwene ubumanyikwe nkani.

Yelemiya 5:1

U Mwene akuti, “Chimbilila uku na uku mumisebo iya mu Yelusalemu, mwiyenezye mwebene, mwennye uku na uku pakasi pamunalo. Nanti mungamwaghako yumo u muntu yuyo akubomba ubugholosu nu bwanaloli umwakuti imuhobokele u Yelusalemu.

Yelemiya 5:6

Polelo inkalamu iya mumusitu yikwiza pakubaghogha, sona abakambwe aba munkolongo bakwiza pakubanangannya. Uzyela akwiza pakubavwamilila papipi nutwaya twabo utukulu. Akwiza pakubazepulannya mutupusa umuntu wesi yuyo akufumila kuzi, pakuti ukusambuka kwabo kukulu nkani, sona bate basubiliwa.

Yelemiya 6:10

Nkimba ninganena nu wenu nukumusoka? Nkimba wewenu yuyo anganyivwa? Amakutu ghabo ghighaliye umwakuti batangivwa. Bakughakana amazyu agha Mwene, sona batakuhoboka nagho.

Yelemiya 7:9

“ ‘Amwe mukwiba, mukughogha, mukulowa, mukulapa, mukumochela u Baala utwakununkila sona mukubakonka abachala babo mutabamenyemo nalumolumo.

Habakuku 1:3

Nkimba choni chicho ukumpela ukuti nennyanje ububibi bunubu? Nkimba choni chicho ukwitikizya ukuti abantu bambombaye ububibi? Nkukomana nintamyo, sona nukunanganika pamaso papane, posi na posi abantu bakulwa nukudalinkana.

Luka 11:45

Umumanyisi uwa Ndaghilo yumo akati, “Mumanyisi, bo ukunena zinizi, ukututuka naswe bulo.”

Aba Hebeli 11:26

Akinong'onagha ukuti ukuyimba pachifukwa icha Kilisitu bukaba bukabi ubukulu nkani ukuchila ubukabi bosi ubwa mu Ijiputi, pakuti amaso ghache ghakennyanga umuvwalo uwa muntazi.

Aba Hebeli 13:13

Po twende, tubukaye kukwache kuzi ukwa visakasa ukuti tusamuliwe poka nawe.

1 Pitala 4:14

Mwe basayiwa nanti abantu bakubasamula pachifukwa ichakuti mwe bakonki aba Kilisitu. Ichi chikung'anamula ukuti u Muzimu uwa buchindamu, yuyo we Muzimu uwa Chala ali papinyu.