Yelemiya 20:7 - IBAYIBOLO 2024

⁷ Wee Mwene, wanzimbula, sona nazimbuliwa. Awe uli namaka ukunchila, wampota. Nkobeziwa isiku lyosi, umuntu wesi akunseka.

Yelemiya 20:7 Iomraidhean Croise

2 Abamwene 2:23

U Elisha akepako ku Yeliko nukubuka ku Beteli. Bo akwenda muzila, abalumendo bamo aba mukaya akakulu kala bakanda pakumobezya bakati, “Epako kuno we wachipala! Epako kuno we wachipala!”

Yobu 12:4

“Ane naba ne chabakusesya abamanyani bane. Nkamwitizya u Chala po akanyamula napapo ne chakusesya bulo, sona ne muntu mugholosu nu musita akalema nakamo!”

Yobu 30:9

“Po ilelo abana babo bakunyimba mulwimbo pakunyobezya, sona naba ne chili chabo.”

Masalimo 119:51

Abantu abamituvyo bakunyobezya umwakufikapo, loli intakululekapo ululaghilo lwako.

Yesaya 8:11

U Mwene akanena nane namaka ghache ghosi, nukunsoka ukuti intakendaye muzila izya abantu banaba. Akambuzya akati,

Yelemiya 15:10

Wee mayi, nkimba choni chicho nkapapiwa, ukuti imbe wakulwana na bantu pachisu chosi? Intakopezizyepo lumo indalama ku muntu sona intakopitepo nalumo ku muntu, loli pope bulo bakunguna.

Yelemiya 15:18

Nkimba choni chicho ukubaba kwane kutakumala ichilonda chane chitakupola sona choni chicho chitangapoziwa? Nkimba ukulonda pakuba ngati kasoko kako kakupwa, sona ngati mbwibi yiyo yikukamuka?”

Yelemiya 17:16

Intakachimbila ukuti indeke pakuba mudimi wako, sona uzimenye ukuti intakalilonda isiku ilya ntamyo. Chosi chicho chikufuma mumulomo wane uchimenye.

Yelemiya 20:9

Loli nanti nkunena nkuti, “Ntakwiza pakumutambula u Mwene, pamo pakulinena itabwa lyache,” pakuti izyu lyache lili mumoyo wane ngati moto, lili ngati moto ghugho ghukocha mumafupa ghane. Nalita pakulisunga mukasi, naloliloli ntangachibomba.

Yelemiya 29:26

“U Mwene akusala awe pakuba muputi mubuzilo ubwa Yehoyada, ukuti ubanje mulaghili uwa kwenelezya Inyumba iya Mwene, umupinyaye ni mpingu uchipena wesi yuyo akwinena mwene pakuba mulaghuzi nukumwighalila mujele.

Yelemiya 38:19

U mwene u Zedekiya akamubuzya u Yelemiya akati, “Nkubanyila aba Yuda babo bakabuka kale ku bantu aba ku Babiloni, pakuti lumo aba ku Babiloni bangambika munyobe zyabo nukunjinvya.”

Nkuto 3:14

Nkaba ne chakusesya icha bantu bane bosi, sona bakimbagha inyimbo izyakunsamula isiku lyosi.

Ezekiyeli 3:14

Umuzimu akanyamulila mumwanya nukubuka nane, po umoyo wane ghukababa sona nkakalala, pakuti u Mwene akampa amaka.

Hoseya 9:7

Amasiku aghakufundiliwa ghafikila, ghope amasiku agha muvwalo ghafikila. Aba Izilayeli bazimanye zinizi. Pachifukwa ichakuti imbibi zyinyu nyinji nkani, sona lope ulubengo lwinyu lukulu, po mukuti umulaghuzi mupunganu, wepe umuntu yuyo akulongoziwa nu muzimu apenite.

Yona 4:2

Po akiputa kwa Mwene akati, “Wee Mwene izi zyo zizyo nkanenagha bo inchili indikukwitu. Ichi cho chifukwa nkachimbilila lubilolubilo kuchisu icha Talishishi. Nkazimanya ukuti we Chala uwa lughano sona uwachisa, nukuti akabalilo kosi we mufisalyoyo nu wachililizi sona wiyanizye pakuhobokela imbibi akabalilo kosi.

Mika 3:8

Loli ane, nizuye na maka, nu Muzimu uwa Mwene, sona nu bwanaloli na maka, ukuti imbabuzye abaluko ulwa Yakobo imbibi zyabo, sona nukunanga ukwa Izilayeli.

Luka 16:14

Bo aba Falisayi bivwa zyosi zinizi, bakamobezya u Yesu pakuti bakazighana nkani indalama.

Luka 23:11

U Helodi na basilikali bache ababwite bakamobezya u Yesu nukumutuka. Po bakamuvwika inkazo inyiza nukumutuma sona kwa Pilati.

Imbombo 17:18

Abamanyisi bamo aba mukabukatila aka Epikuliya nu Sitoyiki bakadalinkana nawe. Bamo bakalalusya bakati, “Nkimba umupunganu uwakunena mwalwemwalwe uyu akulonda pakunena choni?” Abanji bakamula bakati, “Akuboneka ngati po akulumbilila izya abachala abayeni.” Bakanena izi pakuti u Pabuli akalumbililagha nizya Yesu, sona nizya kuzyuka kubufwe.

Imbombo 17:32

Bo bivwa u Pabuli akunena nizya kuzyuka kubufwe, bamo bakazisenda ngati po zyalwangalo, loli abanji bakati, “Tukulonda tukwivwe ukunena sona nizya zinizi.”

1 Aba Kolinti 9:6

Nkimba nene ne mwene nu Balanabasi twe tubaghiye pakubomba imbombo ukuti twilondele twebene vivyo tukusobelwa?

Aba Hebeli 11:36

Abantu bamo bakasamuliwa nukusyempiwa, sona abanji bakabapinya ni mpingu nukubighalila mujele.