Yelemiya 20:5 - IBAYIBOLO 2024

⁵ Ichuma chosi icha mukaya akakulu nkani, ubukabi bwache bosi nu katundu wache wesi uwa bamwene aba mukaya aka Yuda, vyosi vinivi vikwiza pakufyuliwa na balwani nukubuka navyo kuchisu icha Babiloni.

Yelemiya 20:5 Iomraidhean Croise

2 Imbili 36:10

Bo amakwi ghakulemba, u mwene u Nebukadineza akabatuma abantu pakumulema nukwiza nawe ku Babiloni poka ni vibombelo ivyamutengo ivya mu Nyumba iya Mwene, po bakamwimika uwise umunandi uwa Yehoyakini, u Zedekiya pakuba we mwene uwamu Yuda na mu Yelusalemu.

Yesaya 39:6

Amasiku ghagho ghakwiza vyosi vivyo vili munyumba yako na vyosi vivyo abanyenya bako bakasunga mupaka ilelo, vikwiza pakusendiwa ukubuka ku Babiloni. Chitalipo nachimochimo chicho chikwiza pakusyalapo.

Yelemiya 12:12

Abakunangannya bakwiza mubuzilo bosi ubwapamwanya bubo buli munkolongo. Pakuti ubwite ubwa Mwene bukwiza pakuchinangannya ichisu ukwandila kubwandilo mupaka kubumalilo, sona atalipo nayumoyumo uwakupona.

Yelemiya 15:13

Ubukabi bwinyu ni chuma chinyu nkwiza pakuvibika kubalwani binyu ukusita kubikilapo nachimochimo pachifukwa icha mbibi zyinyu zyosi, muchisu chinyu chosi

Yelemiya 17:3

Pamaghamba ghane agha muchisu, ni chuma chinyu sona nu bukabi bwinyu, vikwiza pakufyuliwa na balwani binyu, poka nu buzilo bwinyu ubwapamwanya, pachifukwa icha mbibi zyinyu zizyo mubombite muchisu chinyu chosi.

Yelemiya 3:24

Loli ukwandila ku bulumendo bwitu, abachala abakozya isoni batupela aswe ukuti tutaghe vyosi, vivyo abanyenya bitu bakatubombela, kokuti imidimo iya ng'ozi niya ng'ombe, abana babo abalumendo na balindu ukwanda kale.

Yelemiya 32:24

“Ennya namumo abalwani bazengeye amakwelelo umwakuti bakafyule akaya akakulu nkani aka Yelusalemu. Pachifukwa icha bwite, nizala ni chiwaya akaya kanaka kakwiza pakubikiwa munyobe izya bantu aba mu Babiloni. Zizyo mukanena zyabombiwa ngati mumo mukwenezya.

Yelemiya 39:2

Mumwaka uwa 11 uwa bulaghili ubwa Zedekiya, mumwezi uwafolo pisiku ilya nayini ilinga ilya kaya akakulu nkani kala likamongoliwa.

Yelemiya 39:8

Abantu aba Babiloni bakayocha inyumba iya bumwene ni nyumba izya bantu nukulimongolannya ilinga ilya Yelusalemu.

Yelemiya 4:20

Intamyo zikwiza pamwanya pantamyo; ichisu chosi chipela pakuba chisami. Lubilolubilo ivisakasa vyane vyananganika, pakabalilo akapimpa bulo, umwenda uwakuzighila ghukazepunkana.

Nkuto 1:10

Umulwani akamufyula ubukabi bwache bosi, sona akazyennya inko izinji zikwinjila mubuzilo bwache ubuzelu, bubo ukazikanizya ukuti batakinjilemo.

Nkuto 1:7

Pakabalilo aka mayimba nu kwendakwenda kwache, u Yelusalemu akubukumbuka ubukabi bwache bubo akaba nabo bo ivintu vikumwendela akiza. Bo abantu bache balemiwa na balwani, patakabapo nayumoyumo umuntu uwakumwavwa. Abalwani bache bakamwenelezya nukumobezya, pachifukwa icha kunangika kwache.

Nkuto 4:12

Abamwene aba pachisu ichapasi batakuzisubila sona wepe umuntu wesi uwa muchisu ichapasi atakuzisubila ukuti abalwani bakinjila pamilyango iya kaya akakulu nkani aka Yelusalemu.

Ezekiyeli 22:25

Abamwene babo bali ngati nkalamu zizyo zikubuluma zikukavulannya ichinyamana. Bakubaghogha abantu, bakusenda ivyuma vyabo ni vintu vyabo ivya mutengo, nukubapela abafwilwe pakuba binji mukaya kache.

Daniyeli 1:2

Po u Mwene akamubika u Yehoyakimu munyobe zyache, sona akasenda ivibombelo vimo ivya mu Nyumba iya Chala nukubuka navyo kunyumba iya bachala bache muchisu icha Babiloni, sona akavibika ivibombelo vila muvipinda ivyakusungilamo ubukabi.

Hoseya 13:15

Napapo aba Efulayimu bangahoboka nkani ngati lutete. Impepo iya Mwene iyakubufumilo ubwizuba, iyikufuma munkolongo, imbwibwi niviziba vikwiza pakukamuka, ivibombelo vyache vyosi ivya mutengo vikwiza pakufyuliwa.