Yelemiya 20:2 - IBAYIBOLO 2024

² po akabalamula abantu ukuti bamukome u Yelemiya umulaghuzi nukumupinya ni mpingu papipi nu Mulyango Uwapamwanya uwa Benjamini mu Nyumba iya Mwene.

Yelemiya 20:2 Iomraidhean Croise

1 Abamwene 13:4

Bo u mwene u Yelobowamu ivwa amazyu agha mulaghuzi yula nizya chighemo icha mu Beteli, akagholosezya inyobe yache ku chighemo chila nukuti, “Muleme!” Loli inyobe yache yiyo akamusonta nayo umulaghuzi yula yikuma umwakuti akapotwa pakuyinyosezya.

1 Abamwene 22:27

u mwene uwamu Izilayeli akuti, ‘Mwighalile mujele, sona mumupanje chene ichibama na mizi mupaka inyokeko akiza bulo.’ ”

2 Imbili 16:10

U Asa akamukalalila nkani umulaghuzi yula pachifukwa icha mazyu ghanagha, umwakuti akamwighalila mujele. Pakabalilo kalakala u Asa akabayivya nkani abantu bamo.

2 Imbili 18:23

Po u Zedekiya umwana uwa Kenana akapalamila nukumukoma u Mikaya nipi kumaso, po akamulalusya akati, “Nkimba umuzimu uwa Mwene wendite zila yoni, bo wepamo mumwane nukunena nawe?”

2 Imbili 24:21

Loli bakabatika nizya kumughogha u Zekaliya, sona bo u mwene alamula, bakamughogha na mabwe muntanda iya Nyumba iya Mwene

Yobu 13:27

Ukuvipinya ivinama vyane ni minyololo; sona ukwenelezya posi papo nkukanya, pakubika ivimanyilo papo inyayo zyane zyakanya.

Yobu 33:11

Akuvipinya ivinama vyane ni minyololo, akwenelezya akendele kane kosi.”

Yelemiya 1:19

Bakwiza pakulwa nawe, loli batakwiza pa kukupota, pakuti ane indi nawe, sona nkwiza pakukupoka. Ane ne Mwene nanena.”

Yelemiya 26:10

Bo amakambala agha Yuda ghivwa nizya vintu vinivi bakafuma munyumba iya bumwene nukubuka ku Nyumba iya Mwene nukwikala pa Mulyango Umupya uwa Nyumba iya Mwene.

Yelemiya 26:8

Loli bo u Yelemiya amala bulo pakubabuzya abantu bosi amazyu ghagho u Mwene akamulamula ukuti ababuzye, abaputi na balaghuzi poka na bantu bosi bakamulema nukumubuzya ukuti, “Ubaghiye pakufwa!

Yelemiya 29:26

“U Mwene akusala awe pakuba muputi mubuzilo ubwa Yehoyada, ukuti ubanje mulaghili uwa kwenelezya Inyumba iya Mwene, umupinyaye ni mpingu uchipena wesi yuyo akwinena mwene pakuba mulaghuzi nukumwighalila mujele.

Yelemiya 36:26

Mubuzilo bwache, u mwene akamulamula u Yelahameli, umwana uwa mwene, u Selaya umwana uwa Aziliyeli sona nu Shelemiya umwana uwa Abidele ukuti bamuleme u Baluki umusimbi nu Yelemiya umulaghuzi. Loli u Mwene akabavwamika.

Yelemiya 37:13

Loli bo afika pa Mulyango uwa Benjamini, umulindilili usongo uwa pamulyango, yuyo itabwa lyache akaba we Iliya umwana uwa Shelemiya, umwana uwa Hananiya akamulema umulaghuzi u Yelemiya nukunena ukuti, “Ukuchimbilila ku bantu aba ku Babiloni!”

Yelemiya 37:21

Po u mwene u Zedekiya akalamula ukuti u Yelemiya asungiwe muchipinda icha balindilili nukupeghiwa ichibama icha baghulizi aba mumisebo isiku ni siku mupaka ivibama vyosi vimale mukaya akakulu nkani. U Yelemiya akasungiwa mulubinjilo muchipinda icha mulindilili.

Zekaliya 14:10

Ichisu chosi chikwiza pakuba likombe ukwanda ku Geba mupaka ku Limoni, kuntende ukwa kaya akakulu nkani aka Yelusalemu. Loli u Yelusalemu akwiza pakuba buzilo ubwakukwela ukwanda pa Mulyango uwa Benjamini mupaka pa Mulyango Uwakwanda, mupaka pa Mulyango Uwapakunto, sona ukwanda pa Chitembe icha Hananeli mupaka pachakukanyilamo amampesya icha mwene.

Matayi 21:35

“Abalimi bala bakabalema abambombo bala, weka bakamukoma, uwamwabo bakamughogha nukumusumba uyunji na mabwe.

Imbombo 4:3

Po bakabalema nukubighalila mujele mupaka indabi yache pakuti kukaba ukuti kwila kale.

Imbombo 5:18

Bakabalema abatumiwa nukubighalila mujele.

Imbombo 5:40

Bakabitizya abatumiwa bala ukuti binjile sona mulamula, bakabasyempa nukubachinyintizya ukuti batakanenele sona mwitabwa ilya Yesu, po bakabasatula.

Imbombo 7:52

Nkimba kukabako umulaghuzi yumo yuyo abanyenya binyu batakamuvwimapo? Bakaghogha abantumi aba Chala, babo kale bakafumusya izya kwiza ukwa Mubombi wache Umugholosu. Po losi ulu mwamubika munyobe izya balwani nukumughogha.

Ubuvumbuli 17:6

Po nkennya ukuti umukolo yula akolizwe ni banda ilya bantu abazelu aba Chala, sona ni banda ilya babo bakaghoghiwa pachifukwa ichakuba bakaboni aba Yesu. Bo namwennya umukolo yula, nkaswigha nkani.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.