Yelemiya 20:18 - IBAYIBOLO 2024

¹⁸ Nkimba choni chicho nkapapiwa? Nkimba nkapapiliwa intamyo ni chitima, nukuti ubumi bwane bumalile mukukoziwa isoni?

Yelemiya 20:18 Iomraidhean Croise

1 Abamwene 19:4

Loli u Eliya akenda isiku lyosi munkolongo. Po akikala mukazundila aka makwi agha vyisilo nukwiputa ukuti ngali afwanga bulo. Akati, “Wee Mwene nayimba mpela! Ngogha bulo, ane te ne mwiza ukubachila abanyenya bane.”

Yobu 14:1

“Umuntu yuyo akupapiwa nu mukolo amasiku ghache manandi bulo, sona ghizuye nintamyo zyene.”

Yobu 14:13

“Nalondagha nkani nanti wanfisagha bulo mwipumpa mupaka papo ubukali bwako bwatozoka! Nanti wambikilagha akabalilo,” ukuti unkumbuke sona.

Yobu 3:20

“Nkimba choni chicho ulukozyo lukumulamila, umuntu yuyo ali mumayimba? Sona ubumi bukupeghiwa ku muntu yuyo ali mububavu,

Yobu 5:7

Loli umuntu apapiliwe muntamyo, ngati mumo tukupantila utumpesese utwa moto.

Masalimo 102:3

Pakuti amasiku ghane ghakuzyebeluka bulo ngati lyosi, amafupa ghane ghakwaka ngati moto.

Masalimo 69:19

Uzimenye mumo abantu bakunsamulila nukunkozya isoni, sona abalwani bane bosi ubamenye.

Yesaya 1:6

Ukwanda kunyayo mupaka kumutu, patalipo napamopamo pabugwalazule, napapo paboliwe, sona ni vilonda ivyakukomiwa bulo umwakuti atalipo nayumoyumo umuntu uwakuvipinya, pamo ukupakazya amafuta.

Yesaya 51:7

Nteghelezya, amwe mwe mubumenye ubugholosu, amwe mwe bantu mwe muli nu lulaghilo lwane mumoyo ghinyu. Mutakaghunyilaye umusamu uwa bantu pamo intuko zyabo.

Yelemiya 15:10

Wee mayi, nkimba choni chicho nkapapiwa, ukuti imbe wakulwana na bantu pachisu chosi? Intakopezizyepo lumo indalama ku muntu sona intakopitepo nalumo ku muntu, loli pope bulo bakunguna.

Yelemiya 15:18

Nkimba choni chicho ukubaba kwane kutakumala ichilonda chane chitakupola sona choni chicho chitangapoziwa? Nkimba ukulonda pakuba ngati kasoko kako kakupwa, sona ngati mbwibi yiyo yikukamuka?”

Yelemiya 3:25

Zagha tulambalale pasi bo tuli nisoni, sona ukwisamula kwitu kutuvwinke. Pakuti twamunangila u Mwene u Chala witu, aswe poka na banyenya bitu, ukwandila ko kubulumendo bwitu mupaka nilelo, sona twapotwa pakumwivwila u Mwene u Chala witu.”

Yelemiya 8:18

Ukubaba ukwa moyo wane kute numulembo naghumoghumo, umoyo wane wawa amaka.

Nkuto 1:12

Nkimba chinichi chitakubaswighisya mwebosi mwe mukudumusannya bulo? Po talankannya mwennye nanti ghalipo amayimba aghanji, ghagho ghayanite na mayimba ghane, amayimba ghagho u Mwene akangwisizya pisiku lilyo akankalalila.

Nkuto 3:1

Ane ne muntu yuyo akomana na mayimba, nafundiwa ni ndisa iya bukali ubwa Chala.

Habakuku 1:3

Nkimba choni chicho ukumpela ukuti nennyanje ububibi bunubu? Nkimba choni chicho ukwitikizya ukuti abantu bambombaye ububibi? Nkukomana nintamyo, sona nukunanganika pamaso papane, posi na posi abantu bakulwa nukudalinkana.

Yohani 16:20

Naloli nkubabuzya ukuti mukwiza pakulila nukufwifwitila, loli abantu aba muchisu ichapasi bakwiza pakuhoboka nkani. Amwe mukwiza pakuba ni chitima, loli ichitima chinyu chikwiza pakuba buhobosu.

Imbombo 5:41

Bo abatumiwa bepapo pamaso pa balongi, bakahoboka pakuti u Chala akinong'ona ukuti babaghiye pakuyimba pachifukwa icha Yesu.

2 Timoti 1:12

sona cho chifukwa nkuyimba. Loli pope bulo inchili indi nu lusubilo pakuti imumenye yuyo namusubila. Intakwilamwa ukuti akwiza pakuvisungilila akiza vivyo akansungisya mupaka Pisiku ilyabumalilo.

Aba Hebeli 10:36

Amwe mubaghiye mubanje bafisalyoyo, umwakuti mubombaye zizyo u Chala akulonda. Po mukwiza pakupokela zizyo akalayizya.

Aba Hebeli 11:36

Abantu bamo bakasamuliwa nukusyempiwa, sona abanji bakabapinya ni mpingu nukubighalila mujele.

Aba Hebeli 12:2

Zagha tulolotele pa Yesu yuyo we bwandilo nu bumalilo ubwa lwitiko lwitu. Loli pachifukwa icha buhobosu bubo bukamulindilagha, akajimba nkani pachipinjika, napapo chikaba chintu chakukozya isoni, po ilelo akwikala pachitengo icha bumwene kunyobe indilo iya Chala.

Aba Hebeli 13:13

Po twende, tubukaye kukwache kuzi ukwa visakasa ukuti tusamuliwe poka nawe.