Yelemiya 20:12 - IBAYIBOLO 2024

¹² Wee Mwene Uwamaka Ghosi, wewe ukubayela abagholosu, ukuzyennya zizyo zili mumoyo ghabo na munyinong'ono zyabo. Leka nennye ukutanizya kwako papabo, pakuti nayibika inongwa yane munyobe zyako.

Yelemiya 20:12 Iomraidhean Croise

2 Imbili 24:22

U mwene u Yowashi atakachikumbuka nalumo ichisa chicho uwise u Zekaliya akamubombela, loli akamughogha umwana wache. Bo u Zekaliya akufuta ilyabumalilo akati, “U Mwene ennyanje zizyo ukubomba sona akufunde.”

Masalimo 11:5

U Mwene akubapima abagholosu, loli ababengite abantu ababibi, na babo bavighanite ivyongo.

Masalimo 139:23

Wee Chala, undondelezye umwakuti ughumanye umoyo wane, umpime umwakuti uzimanye inyinong'ono zyane.

Masalimo 17:3

Napapo ungaghuyela umoyo wane, pamo ukumpima pabusiku, loli utanganyagha ninongwa nayimoyimo. Nadumula ukuti umulomo wane ghutakwiza pakunanga.

Masalimo 54:7

Pakuti akampoka muntamyo zyane zyosi, sona amaso ghane ghenizye namumo nkabapotela abalwani bane.

Masalimo 58:10

Umuntu umugholosu akwiza pakuhoboka, bo akubennya ababibi bakufundiwa, sona akwiza pakuzyozya inyayo zyache mwibanda ilya bantu ababibi.

Masalimo 59:10

Ulughano ulwa Chala wane lutakupotwangapo nalumolumo. U Chala akwiza pakunsindikila sona akwiza pakunyitikizya ukuti inhobokaye ukubennya abalwani bane bakupotwa.

Masalimo 62:8

Mwebaya mumusubilaye akabalilo kosi, mumubuzyanje intamyo zyinyu zyosi, pakuti u Chala we buzilo bwitu ubwakuvwamilamo.

Masalimo 7:9

Wee Chala umugholosu, we uzimenye inyinong'ono nu moyo uwa muntu, zimizya imbombo izya bantu ababibi, sona ubikazyanje abagholosu.

Masalimo 86:4

Wee Mwene musekelezyanje umubombi wako, pakuti kukwako, nkughubika umuzimu wane.

Yesaya 37:14

U Hezekiya akapokela ukalata yula kuntumi zila nukumubelenga. Po akabuka ku Nyumba iya Mwene nukumuzungulula pantazi pa Mwene.

Yesaya 38:14

Izyu lyane likaghanda sona likaba lidedebazu, nkalila ngati nkunda. Amaso ghane ghakalita pakwennya kumwanya ukuti indabe ubwavilizi. Wee Mwene indi muntamyo, unyavwe!”

Yelemiya 11:20

Loli wee Mwene Uwamaka Ghosi, wewe ukulongela mubugholosu uzimenye izya mumoyo na munyinong'ono, leka nennye ukutanizya kwako pabantu aba, pakuti nayibika inongwa yane kukwako.

Yelemiya 12:8

Abachilingo chane bali ngati nkalamu zizyo zili mumusitu. Bakumbulumila nizyu ilya bukali, cho chifukwa imbabengite.

Yelemiya 17:10

“Ane ne Mwene nkwenelezya inyinong'ono, nukughupima umoyo, nkumupa umuntu umuvwalo ukuyana ni nkalo yache, sona ukuyana ni mbombo zyache.”

Yelemiya 17:18

Leka abalwani bane bakoziwanje isoni, loli ane intakakoziwanje isoni, leka ubogha bubaleme, loli ane butakanyaghaye. Ubatumile intamyo, ubanangannye, sona nako kuboneka batakabonekaye.

1 Pitala 2:23

Bo bakumutuka, atakatanizyapo ni ntuko. Bo akuyimba atakanenapo nalimolimo izyu ilyakoghofya. Loli akavibika vyosi munyobe izya Chala, yuyo we mulongi umugholosu.

1 Pitala 4:19

Polelo abantu babo bakuyimba pachifukwa icha bwighane ubwa Chala, biyipe bene kwa Mupeli wabo, yuyo akusungilila ilayizyo lyache, sona bendelele pakubomba ubwiza.

Ubuvumbuli 18:20

Hobokagha we chisu icha kumwanya, hobokagha mwe bantu abazelu aba Chala, na batumiwa, sona na balaghuzi! Pakuti u Chala amususya ukuyana bulo namumo akabombelagha!”

Ubuvumbuli 2:23

Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.

Ubuvumbuli 6:10

Bakakolomoka nkani bakati, “Mwene, Uwamaka Ghosi, umuzelu nu wanaloli, nkimba choni chicho ukukaba pakubalonga abantu aba muchisu ichapasi nukubafunda babo bakatughogha?”

1 Samuweli 1:15

U Hana akamwamula akati, “Wee mwene wane, awe intakolizwe. Ane nkutamiwa nkani mumoyo wane, sona namulililagha u Mwene nu moyo wane ghosi.