Yelemiya 20:11 - IBAYIBOLO 2024

¹¹ Loli u Mwene ali kulubazu lwane, ngati musilikali uwamaka ghosi, po babo bakunvwima bakwiza pakwipunula sona batakwiza pakumpota. Bakwiza pakukoziwa isoni akabalilo kosi, sona batakwiza pakumpota. Ukukoziwa isoni kwabo kutakwiza pakuluvyiwa.

Yelemiya 20:11 Iomraidhean Croise

Masalimo 129:2

Banjivya nkani ukwanda ko kubulumendo bwane, loli batampotitepo nalumo.

Masalimo 35:26

Bakoziwanje isoni nkani nukuvulungana abantu bosi, babo bakuhoboka pachifukwa ichakuyimba kwane. Bakoziwanje isoni nukusamuliwa, babo bakwikwezya pamaso papane.

Masalimo 40:14

Bosi babo bakulonda pakubwefya ubumi bwane, bakoziwanje isoni nukuvulungana. Bosi babo bakulonda pakubupelela intamyo ubumi bwane, banyokelaye kwisinda nukukoziwa isoni.

Masalimo 47:2

Pakuti u Chala Uwakumwanya Nkani wakuswighisya, we Mwene umukulu nkani pachisu chosi ichapasi.

Masalimo 6:10

Abalwani bane bosi bakwiza pakukoziwa isoni nukuba nubogha, po bakwiza pakuchimbila lubilolubilo pachifukwa icha soni.

Masalimo 65:5

Wee Chala Umupoki witu, ukutwamula pakutupoka ni mbombo zyako izyakuswighisya ingolosu. Abantu bosi aba pachisu ichapasi aba pisila ilya nyanja izya kubutali bakukusubila.

Masalimo 66:5

Zagha mwennye zizyo u Chala abomba, imbombo zyache zyakuswighisya nkani pakasi pabantu!

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 41:14

“Wee somi, Yakobo utakanyilaye, mwe bantu aba mu Izilayeli mutakanyilaye! Nkwiza pakubavwa, ane ne Mutabuli sona u Muzelu uwa Izilayeli.

Yesaya 45:16

Bosi babo bakuyannya abachala aba vifwani, bakwiza pakukoziwa isoni nukusamuliwa poka.

Yelemiya 1:18

Ilelo nakupela pakuba we kaya akakulu nkani akakuzyunguliliwa ni linga, ni mpanda iya chela, sona nulubumba ulwa mukuba, umwakuti utakachinyilaye ichisu chosi, abamwene bosi aba mu Yuda pamo amakambala ghache pamo abaputi bache sona na bantu aba muchisu chilachila.

Yelemiya 1:19

Bakwiza pakulwa nawe, loli batakwiza pa kukupota, pakuti ane indi nawe, sona nkwiza pakukupoka. Ane ne Mwene nanena.”

Yelemiya 1:8

Utakabanyilaye, pakuti indi nawe sona nkwiza pakukupoka. Ane ne Mwene nanena!”

Yelemiya 15:15

Po nkati, “Wee Mwene uzimenye zyosi, unkumbuke nukunsungilila. Ubatanizye imbibi babo bakunvwima. Umpelele ichisa sona utakabusende ubumi bwane. Uzimanye ukuti nkutamiwa pachifukwa icha wewe.

Yelemiya 15:20

Nkwiza pakukupela awe pakuba we lubumba ulwa bantu aba, ilinga ilya mukuba. Bakwiza pakulwa nawe, loli batakwiza pakukupota, pakuti ane indi nawe pakukwavwa nukukupoka. Ane ne Mwene nanena.

Yelemiya 17:18

Leka abalwani bane bakoziwanje isoni, loli ane intakakoziwanje isoni, leka ubogha bubaleme, loli ane butakanyaghaye. Ubatumile intamyo, ubanangannye, sona nako kuboneka batakabonekaye.

Yelemiya 22:22

Impepo yikwiza pakubaputila kubutali abadimi bako bosi, sona abaghaniwa bako bakwiza pakubuka nabo kubuzya. Po isoni zikwiza pakukulema sona ukwiza pakusamuka pachifukwa icha bubibi bwako.

Yelemiya 23:40

Nkwiza pakubasamula bwila na bwila nukubakozya isoni zizyo zitakwiza pakuluviwapo.”

Yelemiya 32:18

Ubalanjizye ulughano abantu amasabuzani loli ubafunde abantu pachifukwa icha mbibi izya bapapi babo. Wee Chala umukulu sona uwamaka ghosi, itabwa lyako we Mwene Uwamaka Ghosi,

Daniyeli 12:2

Abantu abinji babo bakafwa kale sona bakasyiliwa bakwiza pakuzyuka. Abanji bakwiza bakwilaghagha ubumi ubwa bwila na bwila sona bamo bakwiza pakufundiwanga bwila na bwila.

Aba Loma 8:31

Muvyosi vinivi, po nkimba tungati choni? Nanti u Chala ali kulubazu lwitu, wewenu angatususya?

2 Timoti 4:17

Loli u Mwene akaba kulubazu lwane nukumpa amaka, umwakuti nkalumbilila Amazyu umwakufikapo ukuti abantu babo bate ba Yuda bivwe. Pakubomba bunubu nkapona ku mulomo uwa nkalamu.