Yelemiya 20:10 - IBAYIBOLO 2024

¹⁰ Nkubivwa abinji bakuteketa bakuti, “Ukoghofya kuli imbazu zyosi! Mumulongelele! Zagha tumulongelele!” Na bamanyani bane bosi bakulindilila ukuti ingwilemo bakuti, “Lumo angazimbuliwa, po tungamulema nukumutanizya ububibi.”

Yelemiya 20:10 Iomraidhean Croise

1 Abamwene 19:2

Po u Yezibeli akamutumila intumi u Eliya pakumoghofya ukuti, “Abachala banfunde nkani nanti ukufika indabi pakabalilo ngati kanaka ntakwiza pakukughogha ngati mumo ukubaghoghela abalaghuzi bala.”

1 Abamwene 21:20

Bo Ahabu amwennya u Eliya akamubuzya akati, “Wee mulwani wane, fwandi wanyagha?” U Eliya akamula akati, “Eee, nakwagha pachifukwa ichakuti wabomba ichintu ichibibi nkani pamaso pa Mwene.”

1 Abamwene 22:27

u mwene uwamu Izilayeli akuti, ‘Mwighalile mujele, sona mumupanje chene ichibama na mizi mupaka inyokeko akiza bulo.’ ”

1 Abamwene 22:8

U mwene uwa Izilayeli akamwamula u Yehoshafati akati, “Asyalako umulaghuzi weka uwakuti tungabuzikizizyako, itabwa lyache we Mikaya umwana uwa Imula. Loli imubengite pachifukwa ichakuti atandaghuliyepo nalumo ivintu ivyiza, akabalilo kosi akundaghulila ivintu ivibibi vyene.” U Yehoshafati akamwamula akati, “Wee mwene wane, utakanenaye bunubu.”

Yobu 19:19

Abamanyani bane abapamoyo bakuntoloka, bosi babo imbaghanite bampiye inkonto.

Masalimo 31:13

Pakuti nkwivwa ukuteketa ukwa bantu abinji sona bakunyoghofya kumbazu zyosi. Bakunenezannya nizya kunsambukila, sona bakubatika ukuti bangoghe.

Masalimo 31:14

Wee Mwene wane, nkusubiye wewe. Po nkuti, “Awe we Chala wane.”

Masalimo 41:10

Loli awe Mwene, umpelelaye ichisa, unyamusye umwakuti imbatanizye.

Masalimo 41:9

Wepe nu mumanyani wane bulo uwa pamoyo, yuyo nkulya poka nawe ichibama, ansambukiye.

Masalimo 57:4

Indi pakasi pa nkalamu, sona indambalaye pakasi pa vinyamana ivyakoghofya. Banaba bo bantu babo bali na mino ngati zyo mpalala nu tulasilo, sona zyope indimi zyabo zikwete nkani ngati bapanga.

Ivyili 10:18

Umuntu yuyo akufisa ulubengo mumyasi, sona wesi yuyo akuyebagha mupunganu.

Yesaya 29:21

U Chala akwiza pakubanangannya babo bakubanena abamwabo kabibi, abantu babo bakubalongela ababomba mbibi, sona babo bakubikila bukaboni ubwa bumyasi, nukubakanizya abantu abasubiliwa, ukuti batakalongiwanje mubugholosu.

Yelemiya 1:19

Bakwiza pakulwa nawe, loli batakwiza pa kukupota, pakuti ane indi nawe, sona nkwiza pakukupoka. Ane ne Mwene nanena.”

Yelemiya 11:19

Nkaba ngati ne mwana uwa ng'ozi yuyo akubuka pakughoghiwa. Intakazimanya ukuti amaso ghosi ghali papane, bo bakunena ukuti, “Zagha tulidumule ikwi ili bo lichili libisi. Zagha tumughoghe ukuti itabwa lyache lizimile.”

Yelemiya 11:21

Polelo umu momumo u Mwene akunenela nizya bantu aba ku Anatoti babo bakalondagha pakungogha nukunena ukuti, “Utakalaghulilaye sona mwitabwa ilya Mwene pakuti tukwiza pakukughogha.”

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 20:3

Indabi yache, bo u Pashulu amwefyamo mujele, u Yelemiya akamubuzya akati, “U Mwene atakakwita ukuti we Pashulu, loli Uwakoghofya Kosi na Kosi.

Yelemiya 37:13

Loli bo afika pa Mulyango uwa Benjamini, umulindilili usongo uwa pamulyango, yuyo itabwa lyache akaba we Iliya umwana uwa Shelemiya, umwana uwa Hananiya akamulema umulaghuzi u Yelemiya nukunena ukuti, “Ukuchimbilila ku bantu aba ku Babiloni!”

Yelemiya 6:25

Mutakabukaye ku maghunda, pamo pa kwenda mumisebo, pakuti u mulwani ali nupanga, sona ubogha buliko kosi.

Ezekiyeli 22:9

Pali abantu abinji pakasi papinyu babo bakunena ububibi abamwabo ukuti bakupule ibanda sona babo bakubika ivyakwiyipa pabuzilo ubwapamwanya nukubomba ivyamwiko na bakolo.

Daniyeli 6:4

Pachifukwa chinichi amakambala na balongozi bala bakanda pakumulondelezya ivifukwa u Daniyeli nizya mumo akalongozezya ichisu chila, loli bakapotwa. Batakamwaghapo ni chifukwa icha mabeko, pakuti akaba musubiliwa, akaghabenga nkani amabeko, sona atakabombaghapo chimo ichibibi.

Luka 20:20

Po bakalonda akabalilo akiza. Bakababeka abatendezi bamo ukuti baboneke banaloli nukubatuma ukuti bamuteghe u Yesu na malalusyo, ukuti bamubike munyobe izya mulaghili uwa Chiloma.

Imbombo 24:13

Polelo batangasimikizya ukuti zizyo bakunena zyanaloli.

Imbombo 5:33

Bo abalongi bivwa zinizi, bakakalala nkani mupaka nukulonda ukuti abatumiwa bala baghoghiwe.

Imbombo 7:54

Bo abalongi bakuteghelezya kwa Sitefani, bakakalala nukumumemenela amino.