Yelemiya 2:8 - IBAYIBOLO 2024

⁸ Abaputi batakalalusyapo ukuti, ‘Nkimba u Mwene ali kwiyi?’ Abamanyandaghilo batakamanya, abalongozi bakansambukila. Abalaghuzi bakalaghulila mwitabwa ilya chala u Baala, nukuvikonka ivifwani vivyo vite ni mbombo.”

Yelemiya 2:8 Iomraidhean Croise

1 Abamwene 18:22

Po u Eliya akati, “Ane ne mulaghuzi mwene uwa Mwene yuyo asyala, loli u Baala ali na balaghuzi 450.

1 Abamwene 18:29

Bo umusanya wachila bakakolomoka mupaka pakabalilo akakubikila ivyakwiyipa ivya kuchamabwila, pope bulo kukaba bulo myee, atakabapo nayumoyumo uwakubamula pamo uwakubateghelezya.

1 Abamwene 18:40

Po u Eliya akabalamula akati, “Baleme abalaghuzi aba Baala. Atakabepo nayumoyumo uwakuchimbila!” Po bakalema, sona u Eliya akabuka nabo kwikombe ilya Kishoni nukubaghoghela kulakula.

Yobu 35:10

Loli atalipo nayumo yuyo akutinji, ‘Nkimba ali ko kwiyi u Chala Umupeli wane, yuyo akutupa inyimbo pabusiku?

Yesaya 28:7

sona na bantu banaba bope bakutantalila, pachifukwa icha vinyo. Abaputi na balaghuzi bakutantalila pachifukwa icha vinyo, bakutantalila bo bakwennya ivisetuka, bakupotwa pakulonga inongwa zizyo abantu bakubizila nazyo.

Yesaya 29:10

U Mwene abaghoneka nu tulo utwakufwa nato, abighalila amaso ghinyu amwe mwe balaghuzi, abavwinka imitu yinyu amwe mwe benelezi.

Yesaya 30:5

Umuntu wesi akwiza pakuba ni soni, pachifukwa icha bantu babo bate ni mbombo nayimoyimo, babo bate nu bwavwilizi pamo ubwiza bumo, loli bali soni zyene nu musamu.”

Yelemiya 10:21

Abalongozi bitu bapunganu sona batakubuzikizya kwa Mwene, pachifukwa chinichi ivintu vitakubendela akiza, sona imidimo yabo yinyampanite bulo.

Yelemiya 12:10

Abadimi abinji baghunangannya umughunda wane uwa mampesya, sona bakughukanyankila, baghupela umughunda wane umwiza ghula pakuba nkolongo.

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 2:11

Nkimba lulipo lumo uluko, lulo lwanduyepo lumo abachala babo, napapo bate boba chala? Loli pope bulo abantu bane baghulizannya u Chala wabo uwabuchindamu nabachala babo aba mwalwemwalwe.

Yelemiya 2:6

Batakalalusya ukuti, ‘Nkimba ali ko kwiyi u Mwene, yuyo akatufumya muchisu icha Ijiputi, nukutulongolela munkolongo, muchisu ichumizu sona nicha viliba, muchisu icha lulanga sona icha chisi, muchisu mumo atalimo nayumoyumo yuyo akwendamo nukwikalamo?’

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Yelemiya 5:31

Abalaghuzi bakulaghula ivyabumyasi, abaputi bakumanyisya chicho bakulonda, sona abantu bane bakuhoboka na zyosi zinizi. Po nkimba mukwiza pakubomba choni pabumalilo?”

Yelemiya 7:8

Loli ennya, amwe mukughasubila amazyu agha bumyasi ghagho ghate ni mbombo nayimoyimo.

Yelemiya 9:14

Mubuzilo bwache bakonka amoyo ghabo amakafu, babiputa abachala babo aba Baala ngati mumo abanyenya babo bakabamanyizikizya.”

Ezekiyeli 22:26

A baputi bache bakuzinangannya indaghilo nukuvinyazya ivintu vyane ivizelu. Batakulesannya ivintu ivizelu nivintu bulo, bakubamanyisya abantu ukuti patalipo ukulekana nakumo pakasi pa chicho chinyazu na chicho chiswefiwe, po batakughachindika Amasiku ghane Aghakutuzya, umwakuti nane bulo ntakuchindikiwa pakasi papabo.

Ezekiyeli 34:2

“Wee mwana uwa muntu, laghula umwakubasusya abadimi aba mu Izilayeli, laghula nukubabuzya ukuti, ‘Izi zyo zizyo u Mwene Uwamaka Ghosi akambuzya akati: Chighune ku badimi aba mu Izilayeli babo bakwisungilila bene! Nkimba abadimi batakughusungilila umudimo?

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Habakuku 2:18

“Nkimba ichifwani chili na mbombo yoni pakuti umuntu yuyo akachibiza? Pamo ichifwani chicho chikumanyisya ubumyasi? Pakuti umuntu yuyo akuchibiza, akuchisubila chicho apangite ni nyobe zyache, sona akupanga ivifwani vivyo vitakunena.

Matayi 16:26

Nkimba umuntu akukabapo chimo nanti akaba ichisu chosi ichapasi, loli abutaghe ubumi bwache? Awe! Chitalipo nachimo chicho angalipa ukuti asende sona ubumi bwache.

Luka 11:52

“Chighune nkani kukwinyu, amwe mwe bamanyisi aba Ndaghilo pakuti mwafyula inyighulilo yiyo yikwighula kunyumba uwa mulyango iya mahala, yiyo amwe mute mukinjilemo, sona mukubakanizya babo bakuyezya pakwinjilamo.”

Yohani 16:3

Abantu bakwiza pakubabombela zinizi pakuti batamumenye Utata, sona nane bulo batamenye.

Yohani 8:55

Amwe mutamumenyepo nalumo, loli ane imumenye. Nanti natinji intamumenye, ngali ne mumyasi ngati mwemwe. Loli ane imumenye, sona nkwivwila amazyu ghache.

2 Aba Kolinti 4:2

Loli tumalanite kale nazyo imbombo zyosi izyakubusyefu, sona ni zyakukozya isoni. Aswe tutakubombezya ubuzimbuli pamo ukunyongannya amazyu agha Chala. Loli pakunena ubwanaloli bosi pabuzelu pamaso pa Chala, ukuti twipale twebene kwa mabyebye uwa muntu wesi.

Ukukumbusya Amalamulo 33:10

U Levi weyuyo akwiza pakubamanyisya abana aba Yakobo, pakughakonka amalamulo ghako. Akwiza pakubika ivyakufukizya ivyakununkila pamaso papako, nukukocha ivyakwiyipa pachighemo chako.

1 Samuweli 12:21

Sona mutakavyiputaye ivifwani vivyo vite ni mbombo, vivyo vitangabavwa napo panadi, pamo ukubapoka bo muli muntamyo.

1 Samuweli 2:12

Abana aba Eli bakaba babibi nkani, babo batakamuchindikagha u Mwene.