Yelemiya 2:7 - IBAYIBOLO 2024

⁷ Nkabinjizya muchisu icha muvundo ukuti mulyanje ivikomwa ivyiza sona nivyiza vyosi. Loli mukinjila nukuchinyazya ichisu chane chicho nkabapa nukuchipela pakuba chinyazu.

Yelemiya 2:7 Iomraidhean Croise

Nehemiya 9:25

Bakatufyula utwaya utukulu nkani utwa malinga ni chisu chabo icha mboto, ni nyumba zyabo inyizule ni vintu ivyiza ivyakulekanalekana ni viziba ivikumbe na maghunda ghabo agha mampesya na makwi agha misyunguti sona na makwi agha seke. Bakalyanga nukwikuta, sona bakina nkani. Bakilaghagha nkani ivintu vyosi ivyiza vivyo ukabapanga.

Nehemiya 9:26

“Pope bulo batakivwilagha sona bakakusambukila nukuzisulannya indaghilo zyako. Bakabaghogha abalaghuzi bako, babo bakabasokagha ukuti banyokele kukwako. Bakakusamula pakubomba ichintu ichibibi nkani.

Yesaya 19:25

U Mwene Uwamaka Ghosi akwiza pakubasaya nukuti, “Basayiwa abantu bane aba Ijiputi, naba Asiliya babo nkabapela, sona aba Izilayeli mpyana yane.”

Yelemiya 16:18

Nkwiza pakubanyosezya ulufundo kabili pachifukwa icha mbibi zyabo, pachifukwa ichakuti bachinyazya ichisu chane na bachala abanji abafwe sona bachizuzya ichilingo chane ni vifwani ivyamwiko.”

Yelemiya 3:1

“Nanti u mwanavuli akumusosya umuchi wache, sona u mukolo yula akwepako kukwache, nukusendana nu mwanavuli uyunji, nkimba u mwanavuli yula anganyokela nukumusenda sona u mukolo yula pakuba muchi wache? Nkimba ichisu chila chitanganyaziwa? Loli wabomba ubwamalaya na baghaniwa abinji nkani, nkimba unganyokela kukwane? Ane ne Mwene nanena.

Yelemiya 3:2

Ennya pamwanya pamaghamba. Nkimba buzilo boni bubo utabombeyepo ubwamalaya? Ukabalindilila abaghaniwa bako mulubazu muzila, ukikala mulubazu ulwa musebo ngati mu Alabu yuyo avwamiliye. Wachinyazya ichisu nu bwamalaya sona nu bubibi bwako.

Yelemiya 3:9

Pakuti u Yuda akachennya chintu chipepe pakubomba ubwamalaya, akachinyazya ichisu, akalowa pakughiputa amabwe sona na makwi.

Yelemiya 32:23

Bakinjila nukuchifyula ichisu chila loli batakakwivwila pamo ukukonka indaghilo zyako, batakabomba zizyo ukabalamula ukuti babombaye. Po ukabawisizya intamyo zyosi zinizi.

Yelemiya 32:30

“Pakuti ukwandila po pa bwana bwabo, aba Izilayeli naba Yuda batabombitepo nazimozimo inyiza loli bo bubibi bwene pamaso papane, imbombo yabo yakunkalalizya ni mbombo zyabo imbibi.

Ezekiyeli 20:24

pachifukwa ichakuti batakaghakonka amalamulo ghane loli bakazikana indaghilo zyane nukughanyazya Amasiku ghane Aghakutuzya, po bakavyiputagha ivifwani ivya banyenya babo.

Ezekiyeli 20:28

Bo nabinjizya muchisu chicho nkafingana nabo pakubapa sona bo bennya akaghamba pamo ikwi ilyakulemba amani, palapala bakabika ivyakwiyipa vyabo sona ni vyabupi vivyo vikankalalizya, nukubika ichakwiyipa icha utwakununkila poka ni chakwiyipa icha vinyo.

Ezekiyeli 20:6

Pisiku lilalila nkalapa kukwabo ukuti nkwiza pakubefyamo muchisu icha Ijiputi nukubabika muchisu chicho nabalondela, ichisu ichamboto, ichisu ichiza nkani pavyisu vyosi.

Ezekiyeli 23:35

“U Mwene Uwamaka Ghosi akuti: Pakuti wanduvya nukumbika kwisinda kwako, ubaghiye pakufundiwa pachifukwa icha chinyonywa chako nubwamalaya.”

Ezekiyeli 36:17

“Wee mwana uwa muntu, bo abantu aba mu Izilayeli bakwikala muchisu chabo, bakachinyazya pachifukwa icha nkalo yabo sona ni mbombo zyabo. Imbombo zyabo pamaso papane zikaba ngati zya mukolo yuyo ali ni chakumwezi.

Hoseya 9:3

Batakwiza pakulekiwa muchisu icha Mwene. U Izilayeli akwiza pakunyokela ku Ijiputi nukulya ichakulya ichinyazu mu Asiliya.

Mika 2:10

Nyamuka, bukagha! Pakuti ubu te buzilo bwinyu ubwakutuzyapo, pachifukwa ichakuti bunyazu, sona bwananganika ukuchilapo.

Ukubelengiwa 13:27

Bakamupangila u Mozesi bakati, “Tukafikako kuchisu chicho ukatutumako, naloli ichisu chila cha mboto, sona ivikomwa vyache vyo ivi.

Ukukumbusya Amalamulo 21:23

umuvimba ghula ghutakaghone pikwi lila pabusiku. Mwenelezye ukuti mwaghusyila pisiku lilalila, pakuti umuntu wesi yuyo apayikiwe pikwi, aghuniwe nu Chala. Mutakachinyazyanje ichisu chicho u Mwene u Chala winyu akubapa ukuti chibanje mpyana yinyu.

Ukukumbusya Amalamulo 32:9

Pakuti ubuzilo ubwa Mwene bo bantu bache akabasala abanyumba iya Yakobo pakuba mpyana yache.

Ukukumbusya Amalamulo 6:18

Bombagha bulo chicho chigholosu, sona chiza pamaso pa Mwene umwakuti ivintu vibendelaye akiza. Po mukwiza pakuchifyula ichisu icha mboto, chicho u Mwene akabalayizya abanyenya binyu pakulapa ichilapo.