Yelemiya 2:6 - IBAYIBOLO 2024

⁶ Batakalalusya ukuti, ‘Nkimba ali ko kwiyi u Mwene, yuyo akatufumya muchisu icha Ijiputi, nukutulongolela munkolongo, muchisu ichumizu sona nicha viliba, muchisu icha lulanga sona icha chisi, muchisu mumo atalimo nayumoyumo yuyo akwendamo nukwikalamo?’

Yelemiya 2:6 Iomraidhean Croise

2 Abamwene 2:14

Akakoma pamizi nu mwenda uwa Eliya ghula nukuti, “Nkimba ali ko kwiyi u Mwene u Chala uwa Eliya?” Bo akoma sona, amizi ghala ghakagabinkana, po u Elisha akaloboka.

Yobu 3:5

Ichisi ichakoghofya nu muzyezye vilikupukilaye sona ibingu lilivwinkaye, chope ichisi chilumilaye ulukozyo lwache.

Yobu 35:10

Loli atalipo nayumo yuyo akutinji, ‘Nkimba ali ko kwiyi u Chala Umupeli wane, yuyo akutupa inyimbo pabusiku?

Masalimo 23:4

Napapo nkwenda mwikombe ilya chisi icha bufwe, ntakwiza pakunyila ichintu ichibibi nachimochimo, pakuti uli nane. Intughu ni ndisa yako vikunsangalusya.

Masalimo 77:5

Nkinong'ona nizya masiku aghakale, nizyamaka ghagho ghendapo.

Ukufuma 20:2

“Ane ne Mwene u Chala winyu, ne nkabefyamo mu Ijiputi, mumo mukaba mwe bazya.

Yesaya 63:9

Mumayimba ghabo ghosi wepe bulo akayimba, po uwantumi yuyo akaba palapala akabapoka, akabapoka mulughano lwache na muchisa chache. Akabanyamula nukubasenda mumasiku aghakale.

Yesaya 64:7

Patalipo nayumo yuyo akwiputila mwitabwa lyako, pamo ukwiyula ukuti akakatiye kukwako, pakuti watufisa icheni chako, sona watupela pakuba, bazya abambibi zyitu.

Yelemiya 13:16

Mumuchindikaye u Mwene u Chala winyu bo achili pakwiza nichisi, bo ivinama vyinyu vitipunuye muchisi icha mumaghamba. Mukulindilila ulukozyo, loli akwiza pakulupela pakuba chisi ichakoghofya.

Yelemiya 2:2

“Buka nukufumusya ku muntu wesi mu Yelusalemu ukuti: ‘Nkubukumbuka ubusubiliwa bwako bo we mulumendo, namumo ukanganila ngati mulindu yuyo akulonda pakusendwa, namumo ukendelegha nane munkolongo, muchisu chicho batakabyalamo nachimochimo.

Yelemiya 2:8

Abaputi batakalalusyapo ukuti, ‘Nkimba u Mwene ali kwiyi?’ Abamanyandaghilo batakamanya, abalongozi bakansambukila. Abalaghuzi bakalaghulila mwitabwa ilya chala u Baala, nukuvikonka ivifwani vivyo vite ni mbombo.”

Yelemiya 5:12

Abantu bamutamantila u Mwene bati, “Atangatubombela nachimochimo, ubupalapala butakwiza pakutuwila, po tutakwiza pakwennyapo ubwite pamo izala.

Yelemiya 5:2

Napapo bakulapila mwitabwa ilya Mwene umumi, pope bulo bakulapa ivyabumyasi.”

Yelemiya 51:43

Utwaya twache utukulu tukwiza pakuba chisami, ni chisu ichumizu, sona nicha nkolongo, ichisu chicho mutakwikalamo nayumoyumo, mumo abantu batakwendamo.

Hoseya 12:13

U Mwene akabefya aba Izilayeli muchisu icha Ijiputi, pakubabombezya abalaghuzi, akabasungilila akiza nkani.

Hoseya 13:4

Loli ane ne Mwene u Chala winyu, yuyo akabefya muchisu icha Ijiputi. Mutakabamanye aba Chala abanji loli ane ne mwene, sona ataliko Umupoki uyunji loli ane ne mwene.

Amosi 2:10

Nkabefyamo mu Ijiputi, nukubalongozya munkolongo amaka 40, sona nkabapa ichisu icha ba Amoli.

Matayi 4:16

Abantu babo bakwikala muchisi, bennya ulukozyo ulukulu; Abantu babo bakwikala muchisu icha bantu abafwe, ulukozyo lwabalamila.”

Ukukumbusya Amalamulo 1:19

Aswe tukabomba zizyo u Mwene u Chala witu akatulamula. Tukepapo pighamba ilya Sinayi nukudumusannya munkolongo inkulu iyakoghofya yila, yiyo mukayennya bo tukubuka kuchisu icha mumaghamba icha ba Amoli. Bo twafika ku Kadeshi Balineya,

Ukukumbusya Amalamulo 32:10

Akabagha munkolongo muchisu mumo mutakabamo nakamokamo. Akabavighilila nukubasungilila ngati mumo angalisungilila ilyiso lyache.

Ukukumbusya Amalamulo 8:2

Mukumbukaye namumo u Mwene u Chala winyu akabalongolela munkolongo amaka 40 pakubawisizya amayimba ukuti abayelaye umwakuti aghamanye amoyo ghinyu nanti mungaghakonka amalamulo ghache.

Abalongi 6:13

U Gidiyoni akamula akati, “Wee mwene wane, loli nanti u Mwene ali naswe, nkimba choni chicho ivintu vyosi vinivi vyatuwila? Nkimba vili ko kwiyi iviswigho vyosi vivyo abanyenya bitu bakatubuzya bo bakuti, ‘Nkimba te wewe Mwene we ukatwefyamo mu Ijiputi?’ Loli ilelo u Mwene atulekite nukutubika munyobe izya ba Midiyani.”