Yelemiya 2:36 - IBAYIBOLO 2024

³⁶ Nkimba choni chicho mukwisamula mwebene pakwendakwenda uku na uku? Aba Ijiputi bakwiza pakubakozya isoni ngati mumo aba Asiliya bakabombela.

Yelemiya 2:36 Iomraidhean Croise

2 Imbili 28:16

Pakabalilo kalakala u mwene u Ahazi akatuma intumi kwa mwene uwamu Asiliya ukuti amwavwe.

Yesaya 20:5

Abantu bosi babo bakuchisubila ichisu icha Etiyopiya nukwituvya pachifukwa icha Ijiputi bakwiza pakusamuliwa.

Yelemiya 2:18

Nkimba po choni chicho ukubuka kuchisu icha Ijiputi, pakung'wela amizi mu Nayelo? Nkimba choni chicho ukubuka kuchisu icha Asiliya pakung'wela amizi agha mu Yufuleti?

Yelemiya 2:23

“Nkimba unganena bulibuli ukuti, ‘Ntinyazizyepo, sona ntabiputitepo lumo aba Baala’? Ennya mumo ukabombela mwikombe, sona wennye nazizyo ukabomba. Wayana bulo ni ngamila inkolo yiyo yikuchimbilila uku na kula,

Yelemiya 2:33

Amwe muzimenye nkani izila nanti mukulonda abaghaniwa binyu! Bope abamalaya bamanyila izila zyinyu imbibi.

Yelemiya 22:20

U Mwene akubabuzya abantu aba mu Yelusalemu ukuti, “Kwela kumaghamba agha Lebanoni, nukulila kulakula umwakukolomoka, amazyu ghinyu ghivwike mupaka ku Bashani, mulilaye umwakukolomoka bo muli mumaghamba agha Mowabu, pakuti abamanyani binyu bosi bapotwa.

Yelemiya 22:22

Impepo yikwiza pakubaputila kubutali abadimi bako bosi, sona abaghaniwa bako bakwiza pakubuka nabo kubuzya. Po isoni zikwiza pakukulema sona ukwiza pakusamuka pachifukwa icha bubibi bwako.

Yelemiya 31:22

Nkimba mukwiza pakwendakwenda mupaka liyi, mwee bana bane basita busubiliwa? U Mwene akwiza pakupela ichintu ichipya pachisu ichapasi, umukolo weyuyo akumusungilila umwanavuli.”

Yelemiya 37:7

“Umubuzye u mwene uwa ba Yuda: U Chala uwa ba Izilayeli yuyo akakutuma ukuti wize ulabe amahala kukwane ukuti, ‘Abasilikali aba Falabo babo bakiza pakukwavwa, bakwiza pakunyokela kuchisu ichabo ni chabo icha Ijiputi.

Yelemiya 46:12

Inko zikwiza pakwivwa ni nkozyasoni zyako, ukulila kwako kwivwika pachisu chosi ichapasi. Umusilikali weka akwiza pakwipunula pawamwabo, po bosi bakwiza pakuwila poka.”

Nkuto 4:17

Amaso ghitu ghakalita pakubulindilila ubwavwilizi bwako. Tukalindilililagha inko yiyo yitangatupoka.

Nkuto 5:6

Tukababombela aba Ijiputi naba Asiliya, ukuti batupeko ichakulya ichakukwana.

Ezekiyeli 16:28

Ukabomba ubwamalaya naba Asiliya, pachifukwa ichakuti utakikutiziwa, naloli ukabomba nabo loli pope bulo utakikutiziwa.

Ezekiyeli 29:7

bo bakukulema ninyobe zyabo ukapyoka nukubalasa ivipunko vyabo. Bo bakweghamila ukapyoka sona inyuma zyabo zikaneng'ena.

Hoseya 10:6

Ichifwani chila chikwiza pakusendiwa nukubuka nacho ku Asiliya, ukuti chibanje chabupi kwa mwene umukulu. Aba Efulayimu bakwiza pakusamuliwa aba Izilayeli bope bakwiza pakuba ni soni, pachifukwa icha kwivwila amahala ghabo.

Hoseya 12:1

Ichakulya icha ba Efulayimu yo mpepo, sona isiku lyosi bakuyichimbizya impepo iyakubufumilo bwizuba, nukufingana nabo ubumyasi nu lombwa. Bakulapa ichilapo nu Asiliya, sona bakutuma amafuta gha misyunguti ku Ijiputi.

Hoseya 14:3

U Asiliya atangatupoka, aswe tutakwiza pakukwelapo pafalasi izya bwite. Tutakwiza pakunenapo sona ukuti, ‘Abachala bitu’ babo twapanga ni nyobe zyitu, pakuti mumwako abalanda bakuchaghamo ichililizi.”

Hoseya 5:13

Bo aba Efulayimu babwennya ububine bwabo, sona bo abantu aba mu Yuda bavyennya ivilonda vyabo, po aba Efulayimu bakabuka kwa Asiliya, pakumulaba u mwene uwa maka nkani ukuti abavwe. Loli atakakupoka, sona atakakupozya ivilonda vyako.

Hoseya 7:11

Aba Efulayimu bali ngati yo nkunda, yiyo yikuzimbuliwa sona yitakwivwisya. Ilelo bakubitizya aba Ijiputi ukuti babavwe, indabi bakweghamila ku Asiliya ukuti abapoke.