Yelemiya 2:34 - IBAYIBOLO 2024

³⁴ Mumenda ghinyu mukwaghiwa ibanda ilya bantu abapina babo bate ninongwa nayimoyimo, napapo mutakabagha bakupankula inyumba zyinyu. Loli pavyosi vinivi,

Yelemiya 2:34 Iomraidhean Croise

2 Abamwene 21:16

Ukonjelezya pazinizi u Manase akabaghogha abantu abasita nongwa umwakuti ibanda lyabo likizula mumisebo iya mu Yelusalemu mosi okonjelezya pa mbibi yiyo akabomba pakubapela aba Yuda ukuti bope banangaye pamaso pa Mwene.

2 Abamwene 24:4

Ukonjelezyapo ukubaghogha abantu abasita nongwa. Pakuti u Manase akizuzya akaya akakulu nkani aka Yelusalemu ni banda ilya bantu babo bate ninongwa nayimoyimo, po u Mwene atakalondagha pakumuhobokela u Manase.

Ukufuma 22:1

“Nanti umuntu iba ing'ombe pamo ing'ozi nukuyighogha pamo ukuyighulizyayo, abaghiye atanizyepo ing'ombe fayivi pa ng'ombe yoka, pamo atanizyepo ing'ozi folo pa ng'ozi yoka.

Ukufuma 22:2

“Nanti umuntu amulema umwiba ali pakupankula inyumba, po amukoma nukumughogha, umuntu yuyo amughogha ate ninongwa pachifukwa icha bufwe ubwa mwiba yula.

Yesaya 57:5

Mukwiputagha ivifwani nukunyonywa pakubomba ububibi, muntende mwiku ilya mupandapanda nikwi lyosi ibisi, mukubika abana binyu pakuba chakwiyipa mumakombe, na mumpako izya ilyabwe.

Yesaya 59:3

Inyobe zyinyu zili bulo chee ni banda, utufingwi twinyu tope twizuye ni mbibi. Imilomo ghinyu yikunena ubumyasi, zyope indimi zyinyu zikunena ivintu ivibibi.

Yesaya 59:7

Inyayo zyabo zikuchimbilila pakubomba imbibi, zyengo pakukupula ibanda lilyo lite ninongwa. Inyinong'ono zyabo mbibi, kosi kuko bakwenda, bakunangannya nukuleka ivisami.

Yelemiya 19:4

Nkwiza pakuchibomba ichi pachifukwa ichakuti abantu bandeka, sona babunyazya ubuzilo ubu pakubika ivyakwiyipa ku bachala babo abayeni, babo abene pamo abanyenya babo batabamenye nalumolumo, pamo abamwene aba muchisu icha Yuda. Babwizuzya ubuzilo bunubu nibanda ilya bantu babo bate ninongwa nayimoyimo.

Yelemiya 2:33

Amwe muzimenye nkani izila nanti mukulonda abaghaniwa binyu! Bope abamalaya bamanyila izila zyinyu imbibi.

Yelemiya 6:15

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nkubafunda. Ane ne Mwene nanena.”

Yelemiya 7:31

Bazenga ichitembe chicho chikwitiziwa ukuti Tofeti mwi Kombe ilya Beni Hinomu, ukuti bochelayeko abana abalumendo na balindu pamoto pakuba chakwiyipa ku bachala abayeni, ichintu chicho intakabalamulapo sona chicho chite na munyinong'ono zyane.

Yelemiya 7:6

nanti mutakubakanyilila abayeni, abana abalanda, pamo abafwilwe, sona mutakukupula ibanda ilya bantu babo bate ninongwa pabuzilo bunubu, sona mutakubakonka abachala abanji ukuti batakabanangannye,

Yelemiya 8:12

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nabafunda. Ane ne Mwene nanena.’

Nkuto 1:9

Ubunyazu bwache bukakatiye pamenda ghache, pakuti atakinong'onelaghako nizya lufundo lwache. Ukunanganika kwache kukaba kwakoghofya nkani, umwakuti patakabapo uwakumusangalusya. “Wee Mwene, ennya amayimba ghane, pakuti abalwani bane bampota.”

Nkuto 4:14

Ilelo bakupapasyapapasya bulo mumisebo, ngati po bafwamaso. Binyazya bene ni banda umwakuti atalipo nayumo uwakujimba pakupalamasya inkazo zyabo.

Ezekiyeli 20:31

Nanti mukubika ivyabupi vyinyu, sona mukubika abana binyu pakuba vyakwiyipa ivya kocha mukwinyazya mwebene ni vifwani vyinyu mupaka nilelo bulo. Mwee ba Izilayeli, nkimba ningabitikizya bulibuli pakumbuzikizya? Naloli nkulapa ukuti mutakwiza pakundalusya ane, u Mwene Uwamaka Ghosi anena, ntakwiza pakubitikizya pakumbuzikizya.

Ezekiyeli 22:25

Abamwene babo bali ngati nkalamu zizyo zikubuluma zikukavulannya ichinyamana. Bakubaghogha abantu, bakusenda ivyuma vyabo ni vintu vyabo ivya mutengo, nukubapela abafwilwe pakuba binji mukaya kache.

Ezekiyeli 23:45

Loli abantu abagholosu bakwiza pakubalonga abakolo bala pakubafunda nu bwamalaya ninongwa iya kukupula ibanda, pachifukwa ichakuti abakolo banaba bo bamalaya sona ibanda lili munyobe zyabo.

Ezekiyeli 24:7

“ ‘Pakuti ibanda lilyo akakupula lili pakasi papache. Akalikupulila pilyalabwe, atakalikupulila pitope, papo ulufumbi lungalifukila.

Ezekiyeli 9:9

Akanyamula akati, “Imbibi izya aba Izilayeli sona nizya Yuda nkulu nkani, ichisu chizuye nukukupula ibanda sona mutwaya mute ubwanaloli nabumobumo. Bakuti, ‘U Mwene achileka chene ichisu sona atakwennya.’