Yelemiya 2:32 - IBAYIBOLO 2024

³² Nkimba u mulindu angaluvya ivyakwibonesekezya akiza, pamo u mulindu yuyo akusendwa nkimba angaluvya ivyakuvwala vyache ivya pasendwa? Loli pope bulo abantu bane banduvizye, amasiku ghagho ghatangabelengiwa.

Yelemiya 2:32 Iomraidhean Croise

Ubwandilo 24:22

Bo ingamila zila zyang'wela, umuntu yula akafumya akela akang'wamu nkani nukukabika pampuno yache, sona akamuvwika ivibangili vibili ivikulu nkani panyobe yache.

Ubwandilo 24:30

U Labani akennya akela aka golide pampuno ni vibangili vivyo umuyemba wache akavwala, sona nukumwivwa u Labeka akubapangila zizyo umuntu yula akamubuzya. U Labani akabukako nukumwagha imiliye papipi ni ngamila zyache ku chiziba chila.

Ubwandilo 24:53

Po uwambombo yula akafumya ivintu ivyinji ivya siliva nu golide poka na menda amiza nkani nukumupa u Labeka. Akamupa umuyemba wache nu nyina ivyabupi ivya mutengo.

2 Samuweli 1:24

“Mwee bakolo aba mu Izilayeli, mumulile nkani u Sabuli. Pachifukwa icha yuyo amwe mukavwalagha amenda amachesamu na matonte, pakuba ghakuboneka akiza nkani ni vyakwibonesekezya akiza ivya golide.

Masalimo 106:21

Bakamuluvya u Chala yuyo akabapoka, yuyo akabomba ivintu ivikulu nkani mu Ijiputi,

Masalimo 9:17

Ababibi bakwiza pakubuka kuchisu icha bafwe, kokuti inko izya bantu bosi babo bamuluvyizye u Chala.

Yesaya 17:10

Amwe mwamuluvya u Chala Umupoki winyu, mutakumukumbuka yuyo lyalabwe linyu ilyakuponelamo. Polelo, napapo mukabyala imbeyu inyiza, nukwitikizya imbeyu iya bachala abayeni,

Yesaya 57:11

U Mwene akuti, “Nkimba wewenu yuyo mukamunyilagha, nukumutetema ukuti muzimbulaye, mutakunkumbuka pamo ukumbikilako umoyo? Nkimba te chifukwa ichakuti nkaba myee akabalilo akatali, ukuti mutakanyilaye?

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Yelemiya 13:10

Abantu ababibi aba, babo bakukana pakuteghelezya ku mazyu ghane, sona bakukonka ubukafu ubwa moyo ghabo, bakubabombela nukubiputa abachala abanji, bakwiza pakuba ngati we lamba yuyo ate nimbombo nayimoyimo!

Yelemiya 13:25

Ichi cho chigaba chinyu chicho imbagabiye, pachifukwa ichakuti munduvizye, nukubasubila abachala abazimbuli. Ane ne Mwene nanena.

Yelemiya 18:15

Loli pope bulo abantu bane banduvizye, bakochela utwakufukizya ku bachala babo bate nimbombo nayimoyimo, bakwipunula muzila zyabo izyakale. Bakwenda mutuzila utwa mwisote, na mumisebo yiyo yitalimiwepo nalumolumo.

Yelemiya 2:11

Nkimba lulipo lumo uluko, lulo lwanduyepo lumo abachala babo, napapo bate boba chala? Loli pope bulo abantu bane baghulizannya u Chala wabo uwabuchindamu nabachala babo aba mwalwemwalwe.

Yelemiya 2:33

Amwe muzimenye nkani izila nanti mukulonda abaghaniwa binyu! Bope abamalaya bamanyila izila zyinyu imbibi.

Yelemiya 23:27

Abalaghuzi banaba bakwinong'ona ukuti abantu bakwiza pakunduvya pachifukwa icha vilota vivyo bakubabuzya abantu ngati mumo abanyenya babo bakanduvizya nukumwiputa u Baala.

Yelemiya 3:21

Ichongo chikwivwika pamwanya pamaghamba, aba Izilayeli bakulila nukulaba ichisa, pachifukwa icha mbibi zyabo, sona bamuluvizye u Mwene u Chala wabo.

Ezekiyeli 22:12

Pakasi papinyu abantu bakupokela amabeko ukuti bakupule ibanda, bakupokela ichuma ichakonjelezya pamwanya kubapalamani binyu, loli mwanduvya ane. U Mwene Uwamaka Ghosi anena.

Hoseya 8:14

Aba Izilayeli bamuluvizye umupeli wabo, nukuzenga inyumba inkulu izya bumwene. U Yuda abalizya utwaya utukulu nkani utwa malinga. Loli Nkwiza pakutuwisizya umoto, ghugho ghukwiza pakughalungulizya amalinga ghabo.”

Ukukumbusya Amalamulo 32:15

Aba Izilayeli bakaba bakabi nkani, loli bakunsambukila. Bakina nkani, sona bakalya nukuvimbilwa. Pisinda pache bakamuleka u Chala wabo yuyo akabapela, nukulikana Ilyalabwe, yuyo Mupoki wabo.

Ubuvumbuli 21:2

Nkennya Akaya Akakulu nkani Akazelu, u Yelusalemu umupya kakwika kumwanya kwa Chala, bo kiyanizye ukuyana nu mukolo yuyo avwalite amenda amiza ukuti akomane nu mulume.

Abalongi 8:34

Aba Izilayeli bakamuluvya u Mwene u Chala wabo, yuyo akabapoka munyobe izya balwani babo kunkuto zyosi.