Yelemiya 2:3 - IBAYIBOLO 2024

³ U Izilayeli akaba muzelu kwa Mwene, ivikomwa ivyakwanda ivya nyinulo yache, bosi babo bakalyako ivikomwa vinivi bakaba ninongwa, sona ububibi bukabawila. Ane ne Mwene nanena.’ ”

Yelemiya 2:3 Iomraidhean Croise

Ukufuma 22:29

“Mumpanje ivyakwiyipa ivya malezi ghinyu nu vinyo, sona na mafuta ghinyu agha misyunguti pakabalilo kache. “Mumpanje abakatote binyu abalumendo.

Ukufuma 23:16

“Mubanje nu Lusekelo ulwa Nyinulo ulwa vikomwa ivyiza ivyakwanda pakutona. Mubanje nu Lusekelo ulwa Visakasa pabumalilo ubwa mwaka, bo mukwinula imbeyu zyinyu.

Yesaya 41:11

“Babo bosi bakukukalalila, bakwiza pakusamuliwa nukukoziwa isoni, sona babo bakulwana nawe, bakwiza pakuba babulo nukuzimila.

Yesaya 47:6

Nkabakalalila abantu bane nukubayivya ngati po te bampyana yane, nkababika munyobe zyako, po utakabapelela ichisa. Na pabaghosi bulo pope ukabikapo ikoli ing'wamu.

Yelemiya 12:14

U Mwene akuti, “Nizya bapalamani bane bosi ababibi babo bakufyula ichilingo chicho nkabapa abantu bane aba Izilayeli, nkwiza pakubefyamo muchisu chilachila sona nkwiza pakubanyunkulannya aba muchisu icha Yuda mukasi mumwabo.

Yelemiya 2:4

Wee luko ulwa Yakobo, ivwa amazyu agha Mwene, sona na mwe bosi abaluko ulwa Izilayeli.

Yelemiya 30:16

“Loli nkwiza pakubanangannya bosi babo bakubanangannya, abalwani binyu bosi bakwiza pakusendiwa pakuba bazya. Bosi babo bakubafyula ivintu vyinyu, bope ivintu vyabo vikwiza pakufyuliwa. Bosi babo bakubayivya bakwiza pakuyinviwa

Yelemiya 50:7

Umuntu wesi yuyo akabagha akabalya, abalwani babo bakati, ‘Aswe tute ninongwa nayimoyimo, pakuti bakamunangila u Mwene, yuyo pakudimapo apanaloli, yuyo lusubilo ulwa banyenya babo.’

Yoweli 1:3

Mubabuzye chinichi abana binyu, bope abana binyu bababuzyanje abana babo, sona bope abana babo bababuzyanje abana babo, mupaka inkulilo iya muntazi.

Amosi 6:1

Chighune ku mwe mufwasite mu Ziyoni, mwe muli mumutende mwighamba ilya Samaliya! Chighune ku mwe baluko ulumanyikwe, kuko aba Izilayeli bakubukako ukuti bavwiliziwe!

Habakuku 1:11

Po bakudumusannya umwalubilolubilo ngati mpepo nukwibukila, sona abantu ababibi banaba, amaka we chala wabo.”

Zekaliya 1:15

loli inzikalaliye nkani inko zizyo zili pamutende. Nazikalaliye panandi bulo, loli ilelo babafunda nkani abantu bane.’

Zekaliya 2:8

Pakuti chinichi cho chicho u Mwene umuchindamu nkani Uwamaka Ghosi anena ati, “Inko zyosi zizyo zyababombela abantu bane ububibi zyambombela nane bulo ububibi.

Ukubelengiwa 18:12

“Nabapa amafuta amiza nkani nu vinyo wesi umwiza nkani, ni ngano yosi inyiza, sona ni vikomwa vyosi ivyakwanda pakutona, vivyo abantu bakumupa u Mwene.

Aba Loma 11:16

Nanti akamenyu akakwanda aka chibama kapaghuliliwa kwa Chala, kokuti chope ni chibama chosi chipaghuliliwe. Sona nanti igululuzi lizelu, kokuti zyope ni samba zelu.

Aba Loma 16:5

Mundamukileko sona na bantu babo bakukomana munyumba zyabo pakwiputa. Mundamukileko umughaniwa wane u Epaneta, yuyo akaba muntu wakwanda muchigaba icha Asiya pakumusubila u Kilisitu.

Aba Efeso 1:4

Pakuti akatusala aswe mwa Kilisitu, bo ni chisu ichapasi chitapeliwe ukuti tubanje bantu abazelu, sona na basita chilema pantazi papache.

Ukukumbusya Amalamulo 14:2

pakuti amwe mwe bantu abazelu aba Mwene u Chala winyu. U Mwene abasalite amwe pakasi pabantu aba inko izinji zyosi izya muchisu ichapasi ukuti mubanje bache na bache.

Ukukumbusya Amalamulo 26:19

U Mwene u Chala winyu akwiza pakubapela pakuba mwe luko ulukulu nkani ukuzichila inko zyosi zizyo akazipela, umwakuti amwe mukwiza pakumupalagha nukumuchindika. Amwe mukwiza pakuba mwe bantu bache ukuyana namumo akabalayizizya.

Ukukumbusya Amalamulo 7:6

Pakuti amwe mwe bantu abache na bache aba Mwene u Chala winyu. U Mwene akabasala amwe pakasi pabantu bosi aba muchisu ichapasi ukuti mubanje bantu bache.

Yakobo 1:18

Mubwighane bwache, akatupa ubumi ukwendela mu mazyu ghache aghanaloli, umwakuti tubanje nu buzilo ubwakwanda pakasi pa vipeliwa vyache vyosi.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

Ubuvumbuli 14:4

Abantu banaba bo babo batakinyazyapo na bakolo. Abantu banaba bayanite bulo na balindu babo batabamenye nalumo abanavuli. Bakumukonka u Mwana uwa ng'ozi yula kosi kuko akubuka. Abantu banaba bakapokiwa pakasi pabantu bosi, sona bakaba bakwanda pakubikiwa kwa Chala na ku Mwana uwa ng'ozi.