Yelemiya 2:26 - IBAYIBOLO 2024

²⁶ “Ngati mumo u mwiba akubela ni soni bo alemiwa, momumo aba Izilayeli bakubela ni soni, na bamwene babo na makambala ghabo na baputi babo sona na balaghuzi babo.

Yelemiya 2:26 Iomraidhean Croise

Ezila 9:7

Ukwanda pakabalilo aka banyenya bitu mupaka nilelo bulo, twananga nkani. Pachifukwa icha mbibi zyitu, aswe na bamwene bitu poka na baputi bitu twabikiwa munyobe izya bamwene aba inko izinji, twaghoghiwa nukulemiwa pakuba bakayidi, twafyuliwa ivintu vyitu sona twakoziwa isoni pamaso pa bamwene aba inko izinji ukuyana namumo vibeleye pakabalilo aka.

Masalimo 97:7

Bosi babo bakuvyiputa ivifwani bakoziwanje isoni, kokuti bakwituvikizya mu bachala. Mwee bachala, mwebosi mumufughamililaye.

Yesaya 1:29

“Ukwiza pakukoziwa isoni pachifukwa ichakuti amakwi agha mupandapanda, ghagho ukahobokagha nagho. Ukwiza pakukoziwa isoni pachifukwa icha maghunda ghagho ukaghasala.

Yesaya 44:11

Abantu bosi babo bakwiputa kuvifwani bakwiza pakukoziwa isoni, abakubiza ivifwani bantu babulo. Baleke bize poka nukwimilila, bakwiza pakoghofiwa nukukoziwa isoni.

Yesaya 44:9

Bosi babo bakupanga ivifwani babulo, sona nivintu vivyo bakusunga vite ni mbombo. Babo bakuvyiputa bafwamaso, batakumanya nachimochimo, bakwiza pakukoziwa isoni.

Yelemiya 2:36

Nkimba choni chicho mukwisamula mwebene pakwendakwenda uku na uku? Aba Ijiputi bakwiza pakubakozya isoni ngati mumo aba Asiliya bakabombela.

Yelemiya 22:22

Impepo yikwiza pakubaputila kubutali abadimi bako bosi, sona abaghaniwa bako bakwiza pakubuka nabo kubuzya. Po isoni zikwiza pakukulema sona ukwiza pakusamuka pachifukwa icha bubibi bwako.

Yelemiya 32:32

Abantu aba mu Izilayeli naba mu Yuda bankalalizizye nkani ni mbibi zyabo zizyo babombite poka na bamwene babo, na makambala ghabo na baputi babo sona na balaghuzi babo, abantu aba mu Yuda naba mu Yelusalemu.

Yelemiya 4:9

U Mwene akuti, “Pisiku lilalila, u mwene na makambala batakwiza pakuba namaka naghamoghamo, abaputi bakwiza pakoghofiwa, sona abalaghuzi bakwiza pakuswigha bulo.”

Yelemiya 48:27

Nkimba aba Izilayeli batakaba bakusekiwa kukwinyu? Nkimba akalemiwa pakasi pabiba, bo mukupukuzya imitu yinyu pakubasamula, akabalilo kosi kako mukumunena?

Ezekiyeli 16:54

umwakuti isoni zikuleme nukusamuliwa pavyosi vivyo wabomba, ukuti ubasangalusye.

Ezekiyeli 22:26

A baputi bache bakuzinangannya indaghilo nukuvinyazya ivintu vyane ivizelu. Batakulesannya ivintu ivizelu nivintu bulo, bakubamanyisya abantu ukuti patalipo ukulekana nakumo pakasi pa chicho chinyazu na chicho chiswefiwe, po batakughachindika Amasiku ghane Aghakutuzya, umwakuti nane bulo ntakuchindikiwa pakasi papabo.

Zekaliya 5:4

U Mwene Uwamaka Ghosi akuti, ‘Nkwiza pakutuma ichighune, chikwiza pakwinjila munyumba iya mwiba wesi yula sona na munyumba iya muntu wesi yuyo akulapa umwabumyasi. Chikwiza pakubanga munyumba yache, nukubaleka bo chinanganizye vyosi vibili amatabwa na mabwe.’ ”

Aba Loma 6:21

Nkimba mukakabapo ichoni pakubomba ivintu ivyakukozya isoni vinivi? Pakuti ubumalilo ubwa vintu vinivi, bo bufwe bwene!